रोमि 2:28 - बान्‍तावा राई

²⁸ देकिनालो अ़क्‍छा बुङ्‌खालिप्‍पा ओन्‍ङा यहुदि कालि अ़नुछ्‍या निनाम्‍हाङ कात़ङ यहुदि माआङ, मोवात्‍निङा अ़नुछ्‍याओ सिप्‍मायाम्‍बुन्‌छाङ बुङ्‌खालिप्‍पाओ खोन्‍कि पोक्‌ओ माआङ,

रोमि 2:28 ပူးပေါင်းရင်းမြစ်များ

मत्‍ति 3:9

खोन्‍कि ‘आन्‍कान अब्राहाम्‌ओ अ़छावारिचि लिसिन्‌ओसा निनाम्‍हाङ्‌ओ अ़चुमाइसुङ्‌दाङ्‌का लेरिन्‍का’नि आम्‍नुओ मिन्‍मादा मान्‌य़ङ्‌दानिन। अ़ङ्‌का खानानिन लोनाङ्‌नानिन, निनाम्‍हाङ्‌आ ओ लुङ्‌चिदाङ्‌काछाङ अब्राहाम्‌ओ अ़छावारिचि मुमा म़ऱचि।

युहन्‍ना 1:47

येसुआ नथानेल खोएदात्‍नि बानाङाओ अ़खाकि मोसोओ अ़तुक्‌वादा म़य़ङा, “अ़क्‍छा अ़नुछ्‍याओ इस्राएलि खानुम, मोएदा दित्‍छाङ म़प्‍मा मात्‍द़ङ।”

रोमि 2:17

मेन खानानिन यहुदिचिओनि य़ङ्‌सा य़ङ्‌हुप्‌दा सोम्‍कुवा त़मुन, खोन्‍कि निनाम्‍हाङ्‌एनान्‌ओ आम्‍नुओ तुम्‍मादा ऱक्‍भाक त़मुन्‌येन,

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 2:11

खोन्‌ओसा मित्‍तानुम, बुया खानानिन आम्‍नुओ पोक्‌दा निरावाचि त़मुन्‌येन्‌हिदा अ़चुपोक्‌दा सिप्‍मायाम्‍बुन पाक्‍माय़ङ्‌चिआ खानानिन सिप्‍मायाम्‍बुन मान्‍पाक्‍कादानि ऩसुङ्‌तिन्‌येन।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।