रोमि 2:24 - बान्‍तावा राई

²⁴ देकिनालो ओवात्‍नि साम्‍कालिन्‌दा छाप्‌याङ, “आम्‍नुओ तुक्‌वाआ निरावाचिओ अ़चुरादा निनाम्‍हाङ्‌ओ अ़चुऩङ सुङ्‌तायुङ्‌सा।”

रोमि 2:24 ပူးပေါင်းရင်းမြစ်များ

मत्‍ति 18:7

ओ हेन्‍खामा अ़चाअ़त्‍मादा छुक, देकिनालो म़नाचि हेवा मुमेत्‍मा चिन्‍माखाङ्‌मादा धान्‍तुचि। ओवाको य़ङ्‌चि म़ताङे, मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक!

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।

१ तिमोथि 6:1

हारुक्‌ओ कोम्‌दा कायाक झारासाआ आ-आप्‍पि अ़चुहाङ्‌पाचि ब़द्‍धे सायामेत्‍मा खान्‍तुचिओनि मित्‍माचिदोत। मोवात्‍नि निन्‍माहाङ्‌ओ अ़चुऩङ खोन्‍कि आन्‍चिन्‍माय़ङ ऩसुङ्‌तुन।

तितस 2:8

अ़छ़ङ य़ङ चिन्‍तुचि, खोन्‍कि साङ्‌आछाङ मो य़ङ क़प्‍मा ऩऱन्‍ने। मोवात्‍निनालो ङेङ्‌चिछाङ आन्‍तुक्‌वादा देत्‍छाङ य़ङ्‌मा ऩऱनिन्‌कि आप्‍पि लेजोदा म़छुक।

२ पत्रुस 2:2

खोन्‍कि ब़द्‍धेकापाङ्‌आ मोचिओ अ़चुअ़अ़त्‍पालाम अ़त़ङ, खोन्‍किना मो सोज्‍जेओ काचिन्‍चिओसा म़नाचिआ अ़छ़ङ लाम अ़सुङ।