रोमि 2:21 - बान्‍तावा राई

²¹ ओवात्‍नि निचि त़चिन्‍तुम्‌योम्‍च़म्‌नालो देकि खानानिन आप्‍पि त़चिन्‍तिमिन्‌येन्‍चिन? ख़माओ अ़देङ्‌सालाप्‍पादा खात़लुसिन, मेन दि खानानिन्‌ङा त़ख़सिन?

रोमि 2:21 ပူးပေါင်းရင်းမြစ်များ

मत्‍ति 21:13

खोक्‍कोसाआ मोचि म़लोचि, “साम्‍कालिन्‌दा ओवात्‍नि छाप्‍तायुङ्‌सा, ‘अ़ङ्‌खिम यामात्‍खा खिम लि।’ मेन खानानिन्‌आ ना अ़ङ्‌खिम काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

लुका 11:46

येसुआ म़लासुलोचि, “अ़चाअ़त्‍मादा त़छुक्‍तिन, खानानिन य़ङ्‌हुप काचिन्‍पाचिछाङ! देकिनालो खुन्‍मा ऩऱन्‍चिन्‌ओ पाङ्‌चि म़नाचि खुन्‍त़मेत्‍तुम्‍च़म, मेन खानानिन आप्‍पिआ मो पाङ्‌चि अ़क्‌तात छुक्‍कुसिप्‌आछाङ त़नोप्‍तिमिन्‍चिन।

लुका 12:47

खोन्‍कि अ़हाङ्‌पाओ अ़मिन्‍मा सिन्‍तुकिछाङ मान्‍चुम्‍दान्‍चिन्‌ओ माङ्‌नालो अ़हाङ्‌पाओ अ़मिन्‍मावात्‍नि मान्‍च़कादा अ़हारुक्‌आ च़लोक य़हुप धिरु।

लुका 19:22

मोसोओ अ़हाङ्‌पाआ अ़हारुक लासुलो, ‘आम्‌य़ङ्‌आङा अ़ङ्‌का खाना छ़ङ्‌छेन्‍ना, खाना अ़अ़त्‍पा हारुक! दि मान्‌युङ्‌ङा, मो कालाम, खोन्‍कि दि मान्‌वेत्‌दोङ, मो काहेक अ़ङ्‌का अ़ऱन्‍मिन्‌ओ म़नानि त़मित्‍ङाङा?

लुका 4:23

खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”

१ कोरिन्‍थि 9:27

मेन अ़ङ्‌याम चाअ़त्‍लो क़म्‍तुङ खोन्‍कि ओ अ़ङ्‌हारुक मुङ। खोन्‌ओसा निचि नुय़ङ्‌खान खाएत्‍तुङ्‌च़ङ्‌नुछाङ अ़ङ्‌का आप्‍पि सिरिफाओ निम्‍पाङ अ़खान्‍ऩङ्‌लो अ़लिऩङ्‌ने।

गलाति 6:13

देकिनालो सिप्‍मायाम्‍बुन कामुचिछाङ य़ङ्‌हुप्‌वा ऩच़निन। मेन आम्‍नुओ पोक्‌ओ अ़तुक्‌वादा तोक्‍पो खोन्‍कि खानानिन अ़चुओ कात़ङ्‌चिनि य़ङ्‌माओ निम्‍पाङ खानानिन सिप्‍मायाम्‍बुन त़मुन्‍नेनि मोचि म़मिन।