रोमि 2:16 - बान्‍तावा राई

¹⁶ ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

रोमि 2:16 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

लुका 8:17

झारा कुम्‍माय़ङ य़ङ्‌चि म़दात माङ्‌लो झारा सुकुलादाओ य़ङ्‌चि अ़सिन्‌कि अ़खाङ।

युहन्‍ना 12:48

अ़ङ्‌का ऩङाकाछित खोन्‍कि अ़ङ्‌य़ङ मान्‍लोक्‍कादाओ निम्‍पाङ अ़क्‍छा छ़ङ्‌काछेन म़युङ्‌याङ। खाक्‍को य़ङ अ़ङ्‌का चेउङ मो य़ङ्‌आङा आदेङ्‌ओ लेन्‌दा मोसोओ अ़छ़ङ छेन्‍तु।

छाम्‍माय़ङ 10:42

खोन्‍कि येसुआ आन्‍कान्‍का ऩलोन्‌युङ्‌सिन्‍का, ‘निनाम्‍हाङ्‌आ अ़ङ्‌का अ़ह़ङ्‌चि खोन्‍कि म़सुवादाओचिओ अ़चुछ़ङ्‌छेइसि अ़छेन्‍ताओ निकिना खालुसानुम खोन्‍कि सालुम्‍स़ङ पुवानुम।’

छाम्‍माय़ङ 17:31

देकिनालो खोक्‍कोसाआ अ़छेन्‍ताओ अ़क्‍छा म़नालाम्‍पा हेन्‍खामादाओ झारा म़नाचि साम्‌योक्‍मि छ़ङ्‌छेन्‍मा निकिना खोक्‍कोसाआ अ़क्‌लेन अ़छ़ङ अ़मुवायुङ्‌सा। खोक्‍कोसाआ मो म़ना म़सुवादाओदाङ्‌का अ़खोन्‍तालोइसाकि झारा म़नाचि ओसोओ अ़चुसालुम्‍स़ङ अ़पुवायुङ्‌सा।”

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

रोमि 3:6

देम्‍खाछाङ माआङ! खोन्‍नालो निनाम्‍हाङ्‌आ हेन्‍खामा दन्‍दा प़मा देत्‍नि अ़रुवाओ कि?

१ कोरिन्‍थि 15:1

हान ब़ब़, नाना खोन्‍कि निछाचि ओ, अ़ङ्‌का खानानिन खाएत्‍नानिन्‌ओ नुय़ङ्‌खान अ़ङ्‌का खानानिन मित्‍मेत्‍नानिन। मो नुय़ङ्‌खान खानानिन्‌आ त़लोउम, खोन्‍कि मोदा खानानिन त़युङिन।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 5:10

देकिनालो आन्‍कान झारा ख्रिस्‍तओ अ़चुछ़ङ्‌छेन्‍खाओ अ़बुदा एप्‍माङादोत, ओवात्‍नि आन्‍पोक्‌दा युङिन्‌येन्‌हिदा आन्‍कान मुम्‌ओवा झारासाआ अ़नुवाक माङ्‌लो अ़अ़त्‍पाओ अ़सिवा तोक्‍तुम।

गलाति 1:11

ब़ब़, नाना खोन्‍कि निछाचि ओ, खानानिन्‌आ ओ सिन्‍मादोत्‌नि अ़ङ्‌का मिन्‍ङा, अ़ङ्‌का खालुसुङ्‌ओ नुय़ङ्‌खान म़नाओ अ़नुय़ङ्‌खान माआङ।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

२ तिमोथि 2:8

म़सुवादाओदाङ्‌का म़खोन्‍तालोन्‍ताओ दाउद भुङ्‌दाओ येसु ख्रिस्‍त मित्‍तु, अ़ङ्‌का खालुसुङ्‌ओ नुय़ङ्‌खान ओक्‍कोङा ओ।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 9:27

देत्‍नि म़नाचि अ़क्‍दु स़माङादोत, खोन्‍कि आदेङ निनाम्‍हाङ्‌आ छ़ङ म़छेन्‍तुचि,

१ पत्रुस 4:5

मेन अ़ह़ङ खोन्‍कि म़सुवादाओचिओ अ़चुछ़ङ्‌काछेन निनाम्‍हाङ्‌ओ अ़चुबुदा, मोचिआ अ़मुवाओ अ़चुकाचिओ अ़तुक्‌वादा खाएत्‍मादोत।

२ पत्रुस 2:9

ओवात्‍नि निनाम्‍हाङ काब़क्‌चि चिन्‍माखाङ्‌मादाङ्‌का लेइसि खोन्‍कि मान्‍साम्‌योक्‍मिचि दन्‍दा प़माचि निम्‍पाङ छ़ङ्‌छेन्‍माओ लेन्‌तारि देत्‍नि रात्‍मायुङ्‌माओ, हाङ्‌पा म़लेयाङ।