रोमि 2:13 - बान्‍तावा राई

¹³ देकिनालो य़ङ्‌हुप काएन्‌चि निनाम्‍हाङ्‌ओ अ़चुबुदा साम्‌योक्‍मि ऩकान्‍निन, मेन य़ङ्‌हुप्‌वा काच़चि अ़चुओ लिप्‍पादा साम्‌योक्‍मि म़काइसुचि।

रोमि 2:13 ပူးပေါင်းရင်းမြစ်များ

लुका 18:14

अ़ङ्‌का खानानिन लोनानिन, ओ दाम्‍दु कालात मो फरिसिदाङ्‌का निनाम्‍हाङ्‌ओ अ़चुमिन्‍मावा काच़नि काइसाकि अ़खिम्‌ह्‍यात्‍नि खारा। देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

लुका 8:21

येसुआ मोचि म़लासुलोचि, “साङ्‌आ निनाम्‍हाङ्‌ओ अ़चुय़ङ एनु खोन्‍कि मोवात्‍निङा च़, मोचिङा अ़ङ्‌मा अ़ङ्‌निछाचि ओ।”

युहन्‍ना 13:17

खानानिन ओ य़ङ्‌चि त़तुप्‍तुम्‍च़म। हान मो त़मुम्‍च़म्‌नालो खानानिन आसिखा त़तोक्‍तुम।

छाम्‍माय़ङ 13:39

येसुएदा झारा साकोङ्‌छ़ङ कामुचि अ़चुहेवादाङ्‌का म़फोङ्‌सुचिकि निनाम्‍हाङ्‌आ साम्‌योक्‍मि म़काइसुचि। मेन मोसाओ अ़य़ङ्‌हुप्‌आ खानानिन मो हेवादाङ्‌का फोङ्‌मा मान्‍ऱत़दान्‌येन।

रोमि 10:5

य़ङ्‌हुप्‌वात्‍नि च़माकि साम्‌योक्‍मि लिमाओ निम्‍पाङ निनाम्‍हाङ्‌य़ङ खाकालु मोसाआ छाप्‍तुङु, “खाक्‍को म़नाआ ओ काचिचि मुचि, खो मोचि लाम्‍पाङा ह़ङ।”

रोमि 2:25

निनाम्‍हाङ्‌ओ अ़चुय़ङ्‌हुप य़ङ्‌याङ्‌वात्‍नि त़च़न्‌नालो सिप्‍मायाम्‍बुन्‌दाङ्‌का नुलोक लि, मेन य़ङ्‌हुप य़ङ्‌याङ्‌वात्‍नि त़च़न्‍मिन्‌नालो सिप्‍मायाम्‍बुन मान्‍मुकादा निरावाचिवा त़लिसिन।

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 3:23

झारासाआ हेवा म़मुवायुङ्‌सा, खोन्‍कि निनाम्‍हाङ्‌ओ अ़चुसाम्‌दा तामालामा मान्‍ऱम़युक।

रोमि 3:30

देकिनालो निनाम्‍हाङ अ़क्‍छा ओन्‍ङा म़युङ्‌याङ। खोन्‍कि खोक्‍कोसाआ सिप्‍मायाम्‍बुन म़मुवाओचिनेकि सिप्‍मायाम्‍बुन मान्‍मुकादाचिने, मोचि मो अ़चुसाकोङ्‌छ़ङ्‌लाम्‍पाङा साम्‌योक्‍मि म़काइसुचि।

१ कोरिन्‍थि 4:4

अ़ङ्‌को अ़ङ्‌देङ्‌सालाप्‍पादा दि-दि युङ्‌याङ निकिना अ़ङ्‌का अ़सिन्‍ऩङ्‌ऩङ, मेन मोसाआ अ़ङ्‌का मान्‍ह़त्‍माय़ङ अ़कान्‍ऩङ। अ़ङ्‌छ़ङ काछेन ना हाङ्‌पाङा म़युङ्‌याङ।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

१ युहन्‍ना 2:29

ख्रिस्‍त साम्‌योक्‍मि म़मुयाङ निकिना खानानिन त़सिन्‍तुम्‌नालो खानानिन सिन्‍मादोत झारा नुलोक काच़चि निनाम्‍हाङ्‌एदाङ्‌का म़लिसाओ।

१ युहन्‍ना 3:7

सोमातुक्‍नाङ्‌नानिन्‌ओ अ़चुप्‍पो छाचि ओ, खाक्‍कोछाङ म़नाआ खानानिन ऩधान्‍तिमिन्‍ने! साङ अ़नुवाक काचि मु, मोङा साम्‌योक्‍मि ओ, येसु साम्‌योक्‍मि म़मुयाङ।