रोमि 2:1 - बान्‍तावा राई

¹ खोन्‌ओसा नि छ़ङ्‌काछेन म़ना, खाना साङ्‌नुछाङ, अ़ऩङ मुमा त़तोक्‍नान, देकिनालो खाना नि छ़ङ्‌त़छेन्‍तुहिदा दिदा खाना छ़ङ्‌त़छेन्‍तु, मो य़ङ्‌दा खाना छ़ङ्‌ऩछेन, देकिनालो खाना छ़ङ्‌काछेन्‌छाङ मो काचि त़मु।

रोमि 2:1 ပူးပေါင်းရင်းမြစ်များ

लुका 12:14

मेन येसुआ मो अ़लोवा, “यावा, साङ्‌आ अ़ङ्‌का खानाचिएदा छ़ङ्‌काछेन माङ्‌नालो आम्‍चुओ चासुम, छेन्‍बि काहात प़ अ़मुवाङ?”

लुका 19:22

मोसोओ अ़हाङ्‌पाआ अ़हारुक लासुलो, ‘आम्‌य़ङ्‌आङा अ़ङ्‌का खाना छ़ङ्‌छेन्‍ना, खाना अ़अ़त्‍पा हारुक! दि मान्‌युङ्‌ङा, मो कालाम, खोन्‍कि दि मान्‌वेत्‌दोङ, मो काहेक अ़ङ्‌का अ़ऱन्‍मिन्‌ओ म़नानि त़मित्‍ङाङा?

लुका 6:37

नि म़नाचि छ़ङ्‌मान्‍छेन्‍दानुम्‍च़म, खोन्‍कि खानानिन्‌छाङ निनाम्‍हाङ्‌आ छ़ङ्‌ऩछेन्‍तिमिन। निचि मान्‍ह़त्‍दानुम्‍च़म, खोन्‍कि निनाम्‍हाङ्‌आछाङ खानानिन ऩह़त्‍नानिमिन। निचिआ अ़फिसाओ लेत्‍तापुवानुम्‍च़म खोन्‍कि निनाम्‍हाङ्‌आछाङ खानानिन्‌आ त़फिसुम्‌ओ ऩलेत्‍तिन्‍प़न।

रोमि 14:22

खाना साकोङ्‌छ़ङ त़मुओ मो य़ङ्‌चिओ अ़तुक्‌वादा निनाम्‍हाङ खोन्‍कि खाना आप्‍पिदा युङ्‌सु। आप्‍पि तोङ्‌नि काइसुओ य़ङ अ़त्‍लो मान्‍मित्‍कादा म़ना आसिखा कातोक ओ।

रोमि 2:2

ओवाको काचिचि कामुचिएदा निनाम्‍हाङ्‌आ अ़छ़ङ अ़चुछ़ङ म़छेन्‍तुचि निकिना आन्‍कान सिन्‍तुम्‌योम।

रोमि 2:3

खोन्‌ओसा ओवाको काचिचि कामुचि छ़ङ्‌त़छेन्‍तुचि, खोन्‍कि खाना मोवाको काचिचिङा त़मुचिनालो दि खाना म़ना, निनाम्‍हाङ्‌ओ अ़चुछ़ङ्‌छेन्‍मादाङ्‌का फुङ्‌ङानि त़मिन्‌याङ?

रोमि 3:9

खोन्‍नालो दि आन्‍कान यहुदिचि निचिदाङ्‌का च़लोक अ़नुवाक मुन्‌येन म़ल़क? देम्‍खाछाङ माआङ, देकिनालो यहुदिचि खोन्‍कि ग्रिक्‌चि ह्‍वातात्‍माङ हेवाओ अ़क़म्‍मादा म़याक्‌याङ निकिना बुयाङा अ़ङ्‌का खाङ्‌मेत्‍नायुङ्‌नानिन।

रोमि 9:20

मेन म़ना त़लिकि निनाम्‍हाङ्‌ओ अ़चुय़ङ काला खाना साङ ओ? दि बाखाओ ब़आ मो काबोप्‍पा “अ़ङ्‌का देकि ओवात्‍नि त़बोआङ्‍ओ”नि लो कि?

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

१ कोरिन्‍थि 7:16

खिम्‍हाङ्‌मो, खाना दि त़सिन्‍तुङु, आम्‍तुक्‌वाआ साकोङ्‌छ़ङ मान्‍मुकादा आम्‍खिम्‍हाङ्‌पा लेत्‍मा ऱहे? माङ्‌लो खिम्‍हाङ्‌पो, खाना दि त़सिन्‍तुङु आम्‍तुक्‌वाआ साकोङ्‌छ़ङ मान्‍मुकादामा आम्‍खिम्‍हाङ्‌मा लेत्‍मा ऱहे?

याकुब 2:20

खामान्‍सिन्‌चि ओ, काचि मात्‍द़ङ्‌ओ साकोङ्‌छ़ङ सोज्‍जेओ य़ङ्‌ओ निम्‍पाङ अ़सालुम्‍स़ङ खानानिन दोत्‌याङ?

याकुब 4:11

ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा रुफोक्‍काफोक मान्‍मुदानिन। खानानिन साकोङ्‌छ़ङ कामुओ अ़देङ्‌सालाप्‍पादा रुत़फोक्‍तुम्‍च़म माङ्‌लो लाहि त़पाक्‍तुम्‍च़म्‌नालो खानानिन य़ङ्‌हुप्‌ओ अ़देङ्‌सालाप्‍पादा त़चेविन, खोन्‍कि य़ङ्‌हुप्‌ओ छ़ङ्‌त़छेन्‍तुम। खानानिन य़ङ्‌हुप्‌ओ छ़ङ्‌त़छेन्‍तुम्‌नालो खानानिन य़ङ्‌हुप्‌वा काच़ मान्‍लित़दान, मेन य़ङ्‌हुप्‌ओ छ़ङ्‌काछेन्‌ए त़लिसिन।