रोमि 16:6 - बान्‍तावा राई

⁶ आम्‍नुओ रादा चात्‍लो काचि कामुमा मरियम सेवानि लोत्‍निप़नि।

रोमि 16:6 ပူးပေါင်းရင်းမြစ်များ

मत्‍ति 27:55

मोदा गालिल्‌दाङ्‌का म़बानाओ ब़द्‍धे मेत्‍छामाचिछाङ म़याआङा, मोचिआ अ़थायाङ्‌का ओ झारा अ़खाङा। मोचिआ खोक्‍को ब़त्‌याङ्‌सा गालिल्‌याङ्‌का येसु अ़त़ङ्‌ताओ।

मत्‍ति 5:47

खानानिन आम्‍नुओ बुवा-निछाचि ओन्‍ङा सेवा त़मेत्‍तुम्‍च़म्‌नालो निचिदाङ्‌का च़लोक दि त़मुम कि? निरावाचिछाङ मोवात्‍नि ना म़च़!

रोमि 16:12

हाङ्‌पादा अ़न्‍नुनु काचि कामुमाचि त्रुफेना खोन्‍कि त्रफोसा सेवानि लोत्‍निप़नि। हाङ्‌पादा अ़न्‍नुनु अ़चुकाचि कामुमा अ़ङ्‌का सोमातुक्‍तुङ्‌योङ्‌ओ परसिस सेवानि लोत्‍निप़नि।

रोमि 16:5

मोचिओ अ़चुखिम्‌दा म़कोप्‍नान्‍चिन्‌ओ साम्‍भुङ्‌चि सेवानि लोवानुम्‍च़म। अ़ङ्‌का सोमातुक्‍तुङ्‌योङ्‌ओ इपेनितस सेवानि लोत्‍निप़नि। खो ख्रिस्‍तओ निम्‍पाङ एसियादाओ बुयाओ साकोङ्‌छ़ङ कामु ओ।

रोमि 16:7

एन्‍द्रोनिकस खोन्‍कि युनियस यहुदि अ़ङ्‌दाक्‍मित्‌चि ओ, मोचि अ़ङ्‌काएनान अ़क्‍नि छेक्‍खादा याआङाचि, मोचि सेवानि लोत्‍निप़नि। मोचि छाम्‍माय़ङ्‌चिओ अ़चुरादा अ़चुऩङ्‌ऱङाओचि ओ खोन्‍कि अ़ङ्‌कादाङ्‌का बुया मोचि ख्रिस्‍तदा साकोङ्‌छ़ङ मुवाचिओ।

१ थेसलोनिकि 5:12

मेन ब़ब़, नाना खोन्‍कि निछाचि ओ, आन्‍कान्‍का खानानिन लोनिङ्‌नि, आम्‍नुओ रादा काचि कामु आम्‍नुओ बुसुवाचि साङ्‌आ खानानिन हाङ्‌पाएदा ऩतित्‍तिन खोन्‍कि ऩरेन्‍तिन, मोचि साया मेत्‍तानुम्‍च़म।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।