रोमि 16:19 - बान्‍तावा राई

¹⁹ झारा म़नाचिआ आम्‍नुओ लोमावा मुमाओ अ़तुक्‌वादा अ़एनायुङ्‌सा, खोन्‌ओसा अ़न्‍नुनु अ़ङ्‌ऩङानुयाङ। मेन दि अ़नुवाक मुयाङ, मोसोओ अ़तुक्‌वादा खारु कातोक खानानिन लिसानिन, खोन्‍कि दि अ़अ़त्‍पा मुयाङ, मोसोओ अ़तुक्‌वादा लाहि मात्‍द़ङ्‌ओ लिसानिन्‌नि अ़ङ्‌का मिन्‍ङा।

रोमि 16:19 ပူးပေါင်းရင်းမြစ်များ

मत्‍ति 10:16

खानुम, अ़ङ्‌का खानानिन बेन्‍पाचिओ अ़चुरादा भेराचिवात्‍नि छुत्‍नाङ्‌नानिन। खोन्‌ओसा खानानिन प़वात्‍नि चाप्‍चा खोन्‍कि साप्दुकुत्‌वावात्‍नि सोत्‍सोत्‌वाओ मुवानिन।

लुका 10:3

खारानिन! एनानुम, अ़ङ्‌का खानानिन बेन्‍पाचिओ अ़चुरादा भेराओ अ़छाचिवात्‍नि छुत्‍नाङ्‌नानिन।

रोमि 1:8

झारादाङ्‌का बुया, अ़ङ्‌का अ़ङ्‌निनाम्‍हाङ येसु ख्रिस्‍तलाम्‍पा खानानिन झारासोओ निम्‍पाङ आलाङ प़ङ। देकिनालो आम्‍नुओ साकोङ्‌छ़ङ्‌ओ अ़तुक्‌वादा झारा हेन्‍खामादा खालुसायुङ्‌सा।

१ कोरिन्‍थि 14:20

ब़ब़, नाना खोन्‍कि निछाचि ओ, मिन्‍मादा छाचिवात्‍नि मान्‍लिदानिन। अ़अ़त्‍पाओ निम्‍पाङ छाचिवात्‍नि लिसानिन, मेन मिन्‍मा काचिदा काले लिसानिन।

एफिसि 5:17

खोन्‌ओसा खामान्‍सिन मान्‍लिदानिन, मेन हाङ्‌पाओ अ़चुमिन्‍मा दि ओ, मो तुप्‍मा लामानिन।

फिलिप्‍पि 1:9

अ़ङ्‌यामात्‍मा ओङा ओ: अ़नुछ्‍याओ ताया खोन्‍कि तुप्‍मा सावादा आम्‍नुओ सोमातुक्‍मा च़लोक पोन्‌याङ्‌सा खात्‍ने।

फिलिप्‍पि 2:15

खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।