रोमि 16:17 - बान्‍तावा राई

¹⁷ ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

रोमि 16:17 ပူးပေါင်းရင်းမြစ်များ

मत्‍ति 18:17

मोवात्‍नि खोसाआ खोचिओ अ़चुय़ङ्‌छाङ एन्‍मा छुन्‌नालो साम्‍भुङ्‌दा खालुसु। खोसाआ साम्‍भुङ्‌ओ अ़य़ङ्‌छाङ एन्‍मा छुन्‌नालो खो आम्‍को निम्‍पाङ निरावा खोन्‍कि अ़क्‍छा दाम्‍दुकालात्‌वा लिने।

मत्‍ति 18:7

ओ हेन्‍खामा अ़चाअ़त्‍मादा छुक, देकिनालो म़नाचि हेवा मुमेत्‍मा चिन्‍माखाङ्‌मादा धान्‍तुचि। ओवाको य़ङ्‌चि म़ताङे, मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक!

मत्‍ति 7:15

सोज्‍जेओ निनाम्‍हाङ्‌य़ङ खाकालुचिएदाङ्‌का चाप्‍चेत्‍तानिन्‍चिन। मोचि आम्‍नुओ रादा भेरावाको म़लिकि म़ता, मेन अ़चुकोङ्‌हुत्‌या क़माकात्‍तुओ बेन्‍पाचिवात्‍नि मोचि म़मु।

लुका 17:1

येसुआ अ़चुकाखेङ्‌पाचि म़लोचि, “म़नाचि हेवादा धान्‍मा चिन्‍माखाङ्‌मा य़ङ्‌चि अ़नुछ्‍याङा म़ता। मेन साङ्‌एदाङ्‌का मोवाको य़ङ्‌चि म़ता, मो म़ना अ़चाअ़त्‍मादा छुक।

छाम्‍माय़ङ 15:24

आन्‍कान्‍का एनुम्‌युङ्‌सुम्‍का, आन्‍कान्‍काएदाओ खा-खाक्‍कोचि खानानिन्‌एदा म़बानाकि दुखा अ़चुचिन्‍माय़ङ्‍आ आम्‍नुओ मिन्‍मा चाअ़त्‍सालो ऩमेत्‍तिन्‍प़न्‌नि। मेन मोचि आन्‍कान्‍का मोवात्‍नि लोमेत्‍तुम्‍च़म्‍काओ माआङ।

१ कोरिन्‍थि 11:18

देकिनालो बुया खानानिन साम्‍भुङ्‌दा अ़क्‍नि त़कोइन्‍चिन्‌हिदा आम्‍नुओ रादा त़हासिन्‌येन्‍चिन्‌नि अ़ङ्‌का एनुङ्‌योङ खोन्‍कि अ़क्‍चिचित ना अ़ङ्‌का अ़नुछ्‍यानि मिन्‍ङा।

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

गलाति 2:4

देम्‌कापाङ सोज्‍जेओ साकोङ्‌छ़ङ कामुचिएदाङ्‌का सिप्‍मायाम्‍बुन्‌ओ अ़तुक्‌वादा खा-खाक्‍कोचिआ ओ य़ङ अ़लोइसा। मोचि आन्‍रुहुप्‌दा मान्‍सिन्‍माङ म़वाङाकि आन्‍कान हारुक मुमा निम्‍पाङ ख्रिस्‍तएदाओ आन्‍फोङ्‌माय़ङ्‌दा म़सुक्‍ताखा।

फिलिप्‍पि 3:17

ब़ब़, नाना खोन्‍कि निछाचि ओ, खानानिन अ़ङ्‌मात्‍ऩङ त़ङ्‌तानुम। खा-खाक्‍कोचिआ आन्‍काओ अ़मात्‍ऩङ अ़त़ङ खानानिन्‌आ मोचिएदाङ्‌का चिन्‍तानिन्‍चिन।

कलस्‍सि 2:8

चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।

२ थेसलोनिकि 3:6

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌दा आन्‍कान्‍का खानानिन लोनिङ्‌नि, आन्‍कान्‍का खानानिन चिन्‍माय़ङ्‌वा मान्‍काङ्‌कादा झारा कासो साकोङ्‌छ़ङ कामुचिदाङ्‌का अ़थाया युङानिन।

१ तिमोथि 1:3

अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

२ तिमोथि 3:5

साम्‌योक्‍मिवात्‍नि लिमा म़लाम, मेन मोसोओ अ़सावा ऩङाअ़छित। ओवाको म़नाचिदाङ्‌का अ़थाया युङा।

तितस 3:10

काफेक म़नाचि अ़क्‍दु-ह्‍वादु चाप्‍चेत्‍तुचि, खोन्‍कि ऩकाङ्‌निन्‌नालो तुप्‍मै मान्‍तुप्‌दोचि।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

यहुदा 1:19

म़ना काफेक्‌चि, हेन्‍खामादाओ मिन्‍माआ क़म्‍तुचिओ खोन्‍कि सेङ्‌लावा मात्‍द़ङ्‌ओ म़नाचि ओचिङा ओ।