रोमि 15:26 - बान्‍तावा राई

²⁶ देकिनालो यरुसलेम्‌दाओ निनाम्‍हाङ्‌ओ अ़चुम़नाचिओ रादा मान्‍तोक्‍कादाचिओ निम्‍पाङ माकेदोनिया खोन्‍कि अखैयादाओ साम्‍भुङ्‌चिआ अ़चिलोक छुक्‍दाम प़मा अ़छ़ङ अ़मुवायुङ्‌सा।

रोमि 15:26 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मत्‍ति 26:11

देकिनालो मान्‍तोक्‍कादाचि ना खानानिन्‌एनान अ़धुन म़युङ्‌युङ, मेन अ़ङ्‌का ना खानानिन्‌एनान अ़धुन अ़युङ्‌ऩङ!

लुका 14:13

मेन खाना चा त़प़चिहिदा मान्‍तोक्‍कादा, पेसोला, एक्‍सोक्‌वा खोन्‍कि दोप्‍म़क्‌चि बुत्‍तुचि,

लुका 6:20

खोन्‍कि येसुआ अ़चुकाखेङ्‌पाचि म़चोउचिकि म़य़ङा, “मान्‍तोक्‍कादाचि ओ! खानानिन आसिखा कातोक्‌चि ओ। देकिनालो निनाम्‍हाङ्‌ओ अ़चुहाङ्‌होन आम्‍नुओङा ओ।

छाम्‍माय़ङ 16:12

खोन्‍कि मोदाङ्‌का फिलिप्‍पिदा तान्‍लान्‍का। ओ माकेदोनियाओ अ़मुलो सहराकिना रोमिचिओ अ़चुपाङ्‌दाछाङ याआङा। आन्‍कान्‍का मो सहरादा अ़क्‍चित्‌कालेन युङिन्‍का।

छाम्‍माय़ङ 16:9

खोन्‍कि मो अ़खाखुत पावल्‌आ अ़सेन्‍चिदा खा, माकेदोनियादाओ अ़क्‍छा म़ना एवाकि खो “माकेदोनियादा बानानिन्‌कि आन्‍कान्‍का फानि”नि बुत्‍तुङु।

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

छाम्‍माय़ङ 19:21

ओ झारा म़लिसाचिआकि पावल माकेदोनिया खोन्‍कि अखैया धिखाहुप्‌ओ लाम लियाङ्‌सा यरुसलेम खात्‍मा अ़छ़ङ मु। खो य़ङा, “अ़ङ्‌का मोदा ताङालाङाकि रोम सहराछाङ खात्‍मादोत।”

छाम्‍माय़ङ 9:13

मेन हननियाआ लासुलो, “हाङ्‌पो, मो म़नाआ यरुसलेम्‌दाओ आम्‍नुओ म़नाचि च़लोक अ़त्‍लो मुचिओ अ़ङ्‌का ब़द्‍धेकापाङ्‌दाङ्‌का ओसोओ अ़तुक्‌वादा एनुङ्‌युङ्‌सुङ।

१ कोरिन्‍थि 16:15

हान ब़ब़, नाना खोन्‍कि निछाचि ओ, खानानिन त़सिन्‍तुम्‌योम, स्‍तिफनास्‌ओ अ़खिम्‍लुम्‍पाचि अखैयादा बुयाओदु साकोङ्‌छ़ङ कामुचिओ, खोन्‍कि निनाम्‍हाङ्‌ओ अ़चुम़नाचिओ अ़चुकाचिदा खोचिङा म़वाङायुङ्‌सा।

१ कोरिन्‍थि 16:5

माकेदोनियादा कोन्‍ङाचिन्‍ङाकि खानानिन्‌एनान अ़ङ्‌का तुप्‍सि ताङा, देकिनालो अ़ङ्‌का माकेदोनिया लियाङ्‌साङा खात्‍ङाङा।

२ कोरिन्‍थि 1:16

माकेदोनिया खात्‍ङाहिदा खानानिन्‌एदा बान्‍माकि तुप्‍मा खोन्‍कि माकेदोनियादाङ्‌का खानानिन्‌एदा लामाबान्‍माकि यहुदियादाओ अ़ङ्‌कोन्‍मादा खानानिन्‌आ अ़ङ्‌का खान्‍मा त़ऱङाऩङ्‌नि अ़ङ्‌का मिनाङ।

२ कोरिन्‍थि 11:9

खानानिन्‌एनान युङाङ्‌याङ्‌हिदा अ़ङ्‌का मान्‍तोक्‍ङानुछाङ अ़ङ्‌का साङ्‌छाङ दुखा मान्‍प़ङा, देकिनालो माकेदोनियादाङ्‌का म़बानाओ ब़ब़, नाना खोन्‍कि निछाचिआ अ़ङ्‌मान्‍तोक्‍दामादा ऩफासाङ। खोन्‌ओसा खानानिन दुखा त़तोक्‍तिमिन्‍ने निकिना अ़ङ्‌का क़म्‍ताङ्‌च़ङ, खोन्‍कि माय़ङ्‌छाङ मोवात्‍निङा च़ङा।

२ कोरिन्‍थि 2:13

मेन अ़ङ्‌निछा तितस मोदा मान्‍धित्‌ङा, खोन्‌ओसा अ़ङ्‌मिन्‍मा चाअ़त्‍सा। खोन्‍किना मोचिदाङ्‌का हासाङ्‌च़ङ्‌कि अ़ङ्‌का माकेदोनियाह्‍यात्‍नि खाराङ।

२ कोरिन्‍थि 7:5

आन्‍कान्‍का माकेदोनियादा बानिन्‍काहिदा आन्‍कान्‍का सावातोम्‍मा मान्‍तोक्‍दोम्‍का। मेन झारादात्‍निङ्‌का आन्‍कान्‍काएदा दुखा तायुङ्‌सा, बुङ्‌खादा ङेन खोन्‍कि साकोङ्‌वाहुत्‌दा क़मा।

२ कोरिन्‍थि 9:12

ओ काचिआ निनाम्‍हाङ्‌ओ अ़चुम़नाचिओ मान्‍तोक्‍दामा तेम्‍तु ओन्‍ङा माआङ, मेन च़लोक निनाम्‍हाङ आलाङ प़मायु चोङ्‌माङ्‌छाङ लोइसु।

२ कोरिन्‍थि 9:2

देकिनालो अ़ङ्‌का आम्‍नुओ मिन्‍मा सिन्‍तुङ्‌योङ। खोन्‍कि आनेम्‍ऩङ्‌दाङ्‌का अखैया धिखाहुप्‌दाओ म़नाचि छुक्‍दाम प़मा म़चुम्‍सान्‌यान्‍चिन निकिना आम्‍नुओ तुक्‌वादा माकेदोनियादाओ म़नाचि अ़ङ्‌ऩङानुयाङ्‌सा मोचि अ़ङ्‌का लोङ्‌च़ङ्‌ओ। आम्‍नुओ राक्‌आ मोचिएदाओ ब़द्‍धेकापाङ अ़चुचोङ्‌माङ काइसुयुङ्‌सुचि।

२ कोरिन्‍थि 9:4

खा-खाक्‍को माकेदोनियादाओचि अ़ङ्‌काएनान म़बान्‌कि खानानिन मान्‍चुम्‍त़युक्‍तिन्‍चिन्‌ओ ऩधिरिन्‌नालो आन्‍कान्‍का लेजोदा छुक्‍तिन्‍का, खोन्‍कि खानानिन ओन्‍ङा माआङ, मेन आन्‍कान्‍काछाङ लेजोदा त़छुक्‍तिन, देकिनालो आन्‍कान्‍का खानानिन ब़द्‍धे सोम्‍कुवा मुनिओ।

फिलिप्‍पि 4:15

अ़नुछ्‍या खानानिन फिलिप्‍पिचि आप्‍पिछाङ त़सिन्‍तुम्‌योम, बुयाओदु खानानिन्‌एदा अ़ङ्‌का नुय़ङ्‌खान तारुङ, खोन्‍किना अ़ङ्‌का माकेदोनियादाङ्‌का हासाङ्‌च़ङ्‌हिदा प़मा खोन्‍कि लोक्‍मा काचिदा खानानिन्‌एदाङ्‌का नि खाक्‍कोछाङ साम्‍भुङ्‌चि अ़ङ्‌काएदा मान्‌वाङ्‌चि।

१ थेसलोनिकि 1:7

खोन्‌ओसा माकेदोनिया खोन्‍कि अखैयादाओ झारा साकोङ्‌छ़ङ कामुचिएदा खानानिन अ़मात्‍ऩङ त़लिसिन।

१ थेसलोनिकि 1:8

देकिनालो खानानिन्‌एदाङ्‌का निनाम्‍हाङ्‌ओ अ़य़ङ माकेदोनिया खोन्‍कि अखैयादा ओन्‍ङा थ़ङाओ माआङ, मेन निनाम्‍हाङ्‌एदाओ आम्‍नुओ साकोङ्‌छ़ङ झारासाआ अ़सिन्‍तायुङ्‌सा, खोन्‌ओसा आन्‍कान्‍का ओसोओ अ़तुक्‌वादा देत्‍छाङ य़ङ्‌मा अ़दोत्‍निन।

१ थेसलोनिकि 4:10

खोन्‍कि अ़नुछ्‍याङा खानानिन्‌आ झारा माकेदोनियादाओ साकोङ्‌छ़ङ कामु ब़ब़, नाना खोन्‍कि निछाचि सोमात़तुक्‍तुम्‌योम्‍च़म। मेन ब़ब़, नाना खोन्‍कि निछाचि ओ, आन्‍कान्‍का खानानिन मोवात्‍निङा च़लोक चुवायुङ्‌सानिन निकिना राक प़निङ्‌नि।

१ तिमोथि 1:3

अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

फिलेमोन 1:5

देकिनालो निनाम्‍हाङ्‌ओ अ़म़नाचिएदा आम्‍सोम्‍तुक्‍मा खोन्‍कि हाङ्‌पा येसुएदा आम्‍साकोङ्‌छ़ङ याक्‌याङ्‌ओ एनुङ्‌योङ।