रोमि 15:18 - बान्‍तावा राई

¹⁸ अ़ङ्‌का खालुसुङ्‌ओ य़ङ्‌चि खोन्‍कि मुङ्‌ओ काचिचिलाम्‍पा देत्‍नि ख्रिस्‍तआ निरावाचि लोमावा काच़चि म़मुयुङ्‌सुचि, मो य़ङ्‌चिदाङ्‌का दित्‍छाङ चेप्‍मा अ़ङ्‌का राक अ़मुऩङ।

रोमि 15:18 ပူးပေါင်းရင်းမြစ်များ

मत्‍ति 25:16

खोन्‍किना पाच्‌काबेखा हाराक्‌वाओ फेक्‌वा कातोक्‌आ च़क्‍नि खाराकि मो खित्‍मा इन्‍मा काचिदा पाउ, खोन्‍कि पाच्‌काबेखा च़लोक दुउ।

मर्कुस 16:20

खोन्‍कि मोचि झारादात्‍नि म़खाराकि नुय़ङ्‌खान खाअ़लुसा। हाङ्‌पा खोचिएनान काचि म़मुवा, खोन्‍कि बुन्‍चिलाम्‍पा खोक्‍कोसोओ अ़चुय़ङ अ़छ़ङ म़मुचि।]

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 15:12

खोन्‍किना म़कोवान्‍चिन्‌ओ झारा म़नाचि वाइवेत म़युङा, खोन्‍कि निरावाचिओ अ़चुरादा खोचिलाम्‍पा बुन्‌चि खोन्‍कि म़दोम्‍दाओ काचिचि निनाम्‍हाङ्‌आ अ़मुवाओ अ़तुक्‌वादा बारनाबास खोन्‍कि पावल्‌आ खाअ़लुसाचुओ खोचिआ अ़एना।

छाम्‍माय़ङ 15:4

खोचि यरुसलेम सहरादा म़तालाहिदा झारा साम्‍भुङ्‌दाओचिआ खोन्‍कि छाम्‍माय़ङ्‌चिकिना ताङ्‌पाचिआ साऩङ्‌वा म़मेत्‍तुचि। निनाम्‍हाङ्‌आ पावल खोन्‍कि बारनाबास्‌लाम्‍पा अ़मुवाओ झारा काचिचिओ अ़तुक्‌वा खोचिआ मोचि खाअ़एत्‍ताचुचिन।

छाम्‍माय़ङ 21:19

पावल्‌आ मोचि सेवा मेत्‍तुचिकि खोसोओ अ़काचिलाम्‍पा निनाम्‍हाङ्‌आ निरावाचिओ अ़चुरादा अ़मुवाओ झारा काचिचि अ़सिसिपेन खाएत्‍तुचि।

छाम्‍माय़ङ 26:20

बुया दमस्‍कस्‌दा कायुङ यहुदिचि खोन्‍कि यरुसलेम्‌दाओचि खोन्‍कि झारा यहुदियादाओचि खोन्‍कि निरावाचिआछाङ ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि हेवादाङ्‌का त़लासिन्‌ओ आम्‍नुओ अ़नुवाक काचिचिलाम्‍पा खाङ्‌मुसानुम।’ निकिना अ़ङ्‌का म़नाचि खाएत्‍तुङ्‌च़ङ।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

२ कोरिन्‍थि 12:6

मोवात्‍नि अ़ङ्‌का तोक्‍पो लिमा स़ङानालो अ़ङ्‌का खामान्‍सिन अ़लिऩङ, देकिनालो अ़ङ्‌का अ़छ़ङ चेप्‍ङायुङ्‌ङा। मेन म़नाचिआ अ़ङ्‌काएदा अ़खाओ खोन्‍कि अ़ङ्‌काएदाङ्‌का अ़एनाओदाङ्‌का साङ्‌आछाङ अ़ङ्‌का च़लोक ऩमित्‍ऩङ्‌ने निकिना तोक्‍पो लिमादाङ्‌का अ़ङ्‌का अ़थाया युङ्‌ङा।

२ कोरिन्‍थि 3:5

आन्‍कान्‍का आप्‍पिआ ओवाको काचि मुमा अ़खान्‍तिन्‍कानि मित्‍मै अ़मित्‍तिमिन्‍चिन्‍का, मेन ओवाको काचि मुमा आन्‍काओ पाङ निनाम्‍हाङ्‌एदाङ्‌का ता।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

गलाति 2:8

देकिनालो देत्‍नि निनाम्‍हाङ पत्रुस्‌ओ अ़छाम्‍माय़ङ अ़काचिदा यहुदिचिओ अ़चुरादा काचि म़मुवा, मोवात्‍निङा अ़ङ्‌छाम्‍माय़ङ काचिदाछाङ निरावाचिओ अ़चुरादा निनाम्‍हाङ काचि म़मुवा।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

हिब्रु 11:8

साकोङ्‌छ़ङ्‌लाम्‍पा अब्राहाम लोमावा चुवा, खोन्‍कि खारानि लोवाओदात्‍नि खारा। मो युङ्‌खा आदेङ खोसाआ पाङ्‌यिवा तोक्‍मा दोराङाओ। खादात्‍नि खाराङाओ मो मान्‍सिन्‍दोङुनुछाङ खो खारा।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

याकुब 1:22

निनाम्‍हाङ्‌ओ अ़चुय़ङ काएन ओन्‍ङा मान्‍लिदानिन्‌किना आप्‍पि मान्‍धान्‍दानिन्‍चिन। मेन मो य़ङ्‌वात्‍नि चुवानिन।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

यहुदा 1:9

मेन अ़धिवा निनाम्‍हाङ काफा मिखाएल्‌आछाङ निनाम्‍हाङ्‌य़ङ खाकालु मोसाओ अ़स़पोक्‌ओ अ़तुक्‌वादा सैतानाएनान दुम्‍तुसाङाचिहिदा मोसोओ अ़देङ्‌सालाप्‍पादा सुङ्‌याङ्‌सा लाहिपाक्‍मा राक मान्‍मु, मेन खोसाआ “निनाम्‍हाङ्‌आ खाना ऩरेन्‍ने”नि लो।