17 निनाम्हाङ्ओ निम्पाङ ख्रिस्त येसुआ अ़ङ्काचिदा दे अ़मुवायुङ्सा, मोसोओ अ़तुक्वादा अ़ङ्ऩङानुयाङ।
अब्राहाम अ़काचिचिलाम्पा साम्योक्मि काइसाओदे खो ऱक्भाक मुमा कालाम लिसाओ, मेन निनाम्हाङ्ओ अ़चुबुदा ऱक्भाक मुखालाम मान्लि।
अ़ङ्का अ़ङ्चेप्मादा तोक्पो लिमायुङ्माङादोत। मेन ओदाङ्का दित्छाङ अ़तोक्तिमिन्नुछाङ, हाङ्पाआ तुप्मा ऩपुवाङ्ओ सेन्चिचि खोन्कि साम्चिओ अ़चुतुक्वादा अ़ङ्का य़ङ्ङा।
खानानिन्एदा अ़ङ्को अ़धिवा सोम्कुवा याक्याङ। खानानिन्एदा ब़द्धे अ़ङ्ऩङानुङाङान्च़ङ। अ़न्नुनु अ़ङ्सोम्सुवायुङ्सा। झारा आन्काओ दुखादा च़लोक अ़ङ्ऩङानुवायुङ्सा।
देकिनालो सेङ्लावालाम्पा काब़क आन्कान्ङा ओ, खोन्कि ख्रिस्त येसुआ दि अ़मुवायुङ्सा मोदा आन्कान तोक्पो कालि खोन्कि च़माथाङ्मादा सोम्कुवा मान्मुकादा अ़नुछ्याओ सिप्मायाम्बुन कापाक आन्कान्ङा ओ।
खोन्ओसा खोक्को सोमाकातुक खोन्कि सोम्कुवा मुमायु मुलो काब़क्पा म़लिसाकि निनाम्हाङ अ़ब़क्ने निकिना झारा य़ङ्चिदा अ़चुनिछाचिवात्नि लिमादोरा। मोवात्नि म़लिसाकिना खोक्को म़नाचिओ अ़चुहेवाचि लेत्मा हेन्खोक्वा काप़ म़लिसा।
झारा मुलो काब़क्पा अ़चुओ म़नाचिदाङ्का म़छेन्तुचि। खोन्कि म़नाचिओ लिप्पादा हेवाओ निम्पाङ निनाम्हाङ्एदा छुक्दाम खोन्कि हेन्खोक्वाचि प़सि म़पाउचि।