रोमि 15:1 - बान्‍तावा राई

¹ आन्‍कान साकोङ्‌छ़ङ्‌दा नुलोक पोइन्‌ओचिआ मान्‍पोन्‍म़युक्‌ओ म़नाचि आङ्‌मादोत खोन्‍कि आन्‍कान आप्‍पि ओन्‍ङा ऩङानुमान्‍चिन अ़नुनिन।

रोमि 15:1 ပူးပေါင်းရင်းမြစ်များ

रोमि 14:1

साकोङ्‌छ़ङ्‌दा नुलोक मान्‍पोन्‌युक्‌ओ म़ना लोआनुम, खोन्‍कि मोचिओ अ़चुमिन्‍माओ अ़तुक्‌वादा दुम मान्‍तुदानिन।

रोमि 14:2

अ़मात्‍ऩङ्‌ओ निम्‍पाङ, अ़क्‍छा म़नाआ झारा चामायु चामा नु निकिना साकोङ्‌छ़ङ मु, मेन साकोङ्‌छ़ङ्‌दा नुलोक मान्‍पोन्‌युक्‌ओ म़नाआ लिम्‍खान ओन्‍ङा चा।

रोमि 4:20

निनाम्‍हाङ्‌ओ अ़चुहिप्‍माय़ङ्‌ओ अ़तुक्‌वादा मान्‍केङ्‍आ खो देत्‍छाङ मुमा मान्‍ऱदो, मेन अ़साकोङ्‌छ़ङ्‌दा च़लोक पोन्‌याङ्‌सा खारा, मोवात्‍नि खोसाआ निनाम्‍हाङ साया मेत्‍तु।

१ कोरिन्‍थि 4:10

ख्रिस्‍तओ निम्‍पाङ आन्‍कान्‍का खामान्‍सिन मुन्‌येन्‍का, मेन खानानिन ना ख्रिस्‍तएदा खारु कातोक त़मुन्‌येन। आन्‍कान्‍का मान्‍ऱकादा मुन्‌येन्‍का, मेन खानानिन त़छोसिन्‌येन। खानानिन साऩङ्‌वा ऩमेत्‍तिन, मेन आन्‍कान्‍का ऩसुङ्‌तिन्‍का।

१ कोरिन्‍थि 9:22

मान्‍ऱकादाचि तात्‍माचि निम्‍पाङ अ़ङ्‌का मान्‍ऱकादाचिएदा मान्‍ऱकादाचिवाङा लिसाङ। झाराकापाराआ झारा म़नाचि लेन्‍मा ऱङ्‌च़ङ्‌ने निम्‍पाङ अ़ङ्‌का झाराकापारा चुवाङ।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

एफिसि 6:10

हान, हाङ्‌पा खोन्‍कि खोक्‍कोसोओ अ़चुसावाओ ऱमादा काछो लिसानिन।

फिलिप्‍पि 2:4

खानानिन झारासाआ आम्‍नुओ आप्‍पिओ ओन्‍ङा मित्‍मा मान्‍लाम्‍दानुम, मेन निचिओ अ़चुमित्‍माछाङ लामानुम।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

२ तिमोथि 2:1

खोन्‌ओसा, अ़ङ्‌छा तिमोथि, ख्रिस्‍त येसुओ अ़चुसोम्‍तुक्‍मादा खाना काछो लिसा।

१ युहन्‍ना 2:14

आपाचि ओ, अ़ङ्‌का खानानिन छाप्‍नाङ्‌नानिन, देकिनालो खोक्‍को अ़पुङ्‌चिपुक्‌दाङ्‌काङा कायुङ खानानिन्‌आ त़सिन्‍तुम्‌योम। सावाछाचि ओ, अ़ङ्‌का खानानिन छाप्‍नाङ्‌नानिन, देकिनालो खानानिन काछो त़मुन्‌येन, खोन्‍कि निनाम्‍हाङ्‌ओ अ़चुय़ङ खानानिन्‌एदा याक, खोन्‍कि खानानिन अ़त्‍लो काच़एदा त़छोसिन्‌युङ्‌सिन।