रोमि 14:9 - बान्‍तावा राई

⁹ देकिनालो म़सुवादाओचि खोन्‍कि काह़ङ्‌चि ह्‍वातात्‍माङ्‌सोओ अ़चुहाङ्‌पा लिमा निम्‍पाङ ख्रिस्‍त म़सुवादा खोन्‍कि म़लासाखोन्‍तालोन्‍ता।

रोमि 14:9 ပူးပေါင်းရင်းမြစ်များ

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

युहन्‍ना 12:24

अ़नुछ्‍याङा अ़ङ्‌का खानानिन लोनानिन, छुमाचाओ अ़ल़वा बाखादा धाकि अ़स़निन्‌नालो मो अ़क्‍बोप ओन्‍ङा लि। मेन मो स़नालो मोसाआ ब़द्‍धे अ़सिवा सिसु।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

छाम्‍माय़ङ 10:42

खोन्‍कि येसुआ आन्‍कान्‍का ऩलोन्‌युङ्‌सिन्‍का, ‘निनाम्‍हाङ्‌आ अ़ङ्‌का अ़ह़ङ्‌चि खोन्‍कि म़सुवादाओचिओ अ़चुछ़ङ्‌छेइसि अ़छेन्‍ताओ निकिना खालुसानुम खोन्‍कि सालुम्‍स़ङ पुवानुम।’

रोमि 10:9

मो खाना “येसु अ़ङ्‌हाङ्‌पा”नि य़ङ्‌सा आम्‍दोआ त़लोउ खोन्‍कि निनाम्‍हाङ्‌आ खोक्‍को म़सुवादाओदाङ्‌का अ़खोन्‍तालोइसा निकिना आम्‍साकोङ्‌वादा साकोङ्‌छ़ङ त़मुनालो खाना ऩलेन।

२ कोरिन्‍थि 5:14

ख्रिस्‍तओ अ़चुसोम्‍तुक्‍माआ आन्‍कान्‍का अ़क़म्‍तिन्‍का। आन्‍कान्‍का ओ सिन्‍तुम्‌युङ्‌सुम्‍का। झारासोओ निम्‍पाङ अ़क्‍छा म़सुवा, खोन्‌ओसा, झारा म़सुवायुङ्‌सा।

१ थेसलोनिकि 4:14

देकिनालो येसु म़सुवादा खोन्‍कि म़लासाखोन्‍तालोन्‍ता निकिना आन्‍कान साकोङ्‌छ़ङ मुन्‌नालो मोवात्‍निङा, येसुलाम्‍पा निनाम्‍हाङ्‌आ साङ-साङ म़सुवादाओ खोक्‍कोएदा म़तारुचि।

१ थेसलोनिकि 5:10

खोक्‍को म़लाय़हिदा आन्‍कान स़न्‍दान्‌नुछाङ ह़ङिन्‌येन्‌नुछाङ खोक्‍को आन्‍कान्‌एनान अ़क्‍नि युङ्‌मा निकिना हाङ्‌पा येसु आन्‍को निम्‍पाङ म़सुवा।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

हिब्रु 12:2

आन्‍साकोङ्‌छ़ङ कापुङ खोन्‍कि काताला येसु नुलोक आन्‍म़क्‌आ खाम्‍ने। खोक्‍कोसाआ आदेङ तोक्‍माय़ङ अ़चुऩङ्‌नुमा अ़मित्‍ताकि सायापेप्‍माय़ङ क्रुस्‌दा स़माओ अ़तुक्‌वादा दित्‍छाङ मान्‍मित्‌अ़दा। खोन्‌ओसा ओन्‍ग़रि खोक्‍को निनाम्‍हाङ्‌ओ अ़चुहाङ्‌युङ्‌खाओ अ़चुचुप्‍ताङ्‌छुक्‌लिप्‍पा म़युङ्‌याङ।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ पत्रुस 4:5

मेन अ़ह़ङ खोन्‍कि म़सुवादाओचिओ अ़चुछ़ङ्‌काछेन निनाम्‍हाङ्‌ओ अ़चुबुदा, मोचिआ अ़मुवाओ अ़चुकाचिओ अ़तुक्‌वादा खाएत्‍मादोत।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

खाङ्‌मुमा 2:8

स्‍मुर्नादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सुवादा खोन्‍कि लासाह़ङा, ओ य़ङ्‌खान खोक्‍कोसोओ ओ, खोक्‍को अ़पुङ्‌चिपुक खोन्‍कि अ़लुक्‍मा म़युङ्‌याङ।