रोमि 14:8 - बान्‍तावा राई

⁸ आन्‍कान ह़ङिन्‌नुछाङ हाङ्‌पाओ निम्‍पाङ्‌ङा आन्‍कान ह़ङिन खोन्‍कि आन्‍कान स़न्‍दान्‌नुछाङ आन्‍कान हाङ्‌पाओ निम्‍पाङ स़न्‍दान। आन्‍कान स़न्‍दान ने कि ह़ङिन्‍ने, आन्‍कान निनाम्‍हाङ्‌ओङा ओ।

रोमि 14:8 ပူးပေါင်းရင်းမြစ်များ

लुका 20:38

निनाम्‍हाङ म़सुवादाओचिओ अ़चुनिनाम्‍हाङ माआङ, मेन अ़ह़ङ्‌चिओ अ़चुनिनाम्‍हाङ ओ। देकिनालो निनाम्‍हाङ्‌ओ अ़चुखाङ्‌मादा झारा म़नाचि म़ह़ङ्‌याङ।”

युहन्‍ना 21:19

खाक्‍को पाराओ स़मालाम्‍पा खोसाआ निनाम्‍हाङ्‌ओ अ़चुऩङ अ़लोङ्‍ओ, मो खाङ्‌मुयाङ्‌सा खोक्‍कोसाआ ओ म़य़ङाओ। खोन्‍किना ओन म़य़ङाकि खोक्‍कोसाआ खो अ़लोवा, “अ़ङ्‌का त़ङ्‌ताङ।”

छाम्‍माय़ङ 13:36

खो ह़ङाङाओ ग़रि निनाम्‍हाङ्‌ओ अ़चुमित्‍चिऩङ्‌वा खो काचि मुवा, खोन्‍किना सुवादाकि अ़सुन्‍तुम्‌चिओ अ़चुच़क्‌दा दाउद अ़खुम्‍ता, खोन्‍कि खोसोओ अ़पोक कुवाखारा।

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

१ कोरिन्‍थि 15:23

मेन झाराकापाङ आ-आप्‍पिओ अ़स़वा ख्रिस्‍त झारादाङ्‌का बुया म़खोन्‍तालोन्‍ता, खोन्‍कि खोक्‍को म़लाय़हिदा खोक्‍कोसोओ अ़चुम़नाचि म़खोन्‍लोन।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 2:30

देकिनालो ख्रिस्‍तओ अ़चुकाचिओ निम्‍पाङ खो आप्‍फात सुवादाओ। खोन्‍कि अ़ङ्‌काएदाओ आम्‍नुओ ब़त्‍मा तामालामा निम्‍पाङ खोसाआ अ़ह़ङ्‌म़ङ चाअ़त्‍लोदा पाउ।

१ थेसलोनिकि 5:10

खोक्‍को म़लाय़हिदा आन्‍कान स़न्‍दान्‌नुछाङ ह़ङिन्‌येन्‌नुछाङ खोक्‍को आन्‍कान्‌एनान अ़क्‍नि युङ्‌मा निकिना हाङ्‌पा येसु आन्‍को निम्‍पाङ म़सुवा।

खाङ्‌मुमा 14:13

खोन्‍किना निनाम्‍मादुङ्‌का ओवात्‍नि य़ङाओ अ़क्‌तात य़ङ अ़ङ्‌का एनुङ, “ओ छाप्‍तु: ओदाङ्‌का ह्‍यात्‍नि हाङ्‌पाएदा कास़चि आसिखा कातोक्‌चि ओ।” लावा म़य़ङ्‌याङ, “उवा, मोचिओ अ़चुकाचिदाङ्‌का सावा म़तोम, देकिनालो खोचिआ अ़मुवाओ य़ङ्‌दा सिरिफा म़प़चि।”