रोमि 14:23 - बान्‍तावा राई

²³ मेन साङ मान्‍केङ मुकि चामायु चानालो मो निनाम्‍हाङ्‌आ लाहि अ़पाक, देकिनालो मोसाआ साकोङ्‌छ़ङ्‌एनान मान्‍चायुक्‍तु। साकोङ्‌छ़ङ्‍एदाङ्‌का अ़लोन्‍निन्‌ओ झारा य़ङ हेवा ओ।

रोमि 14:23 ပူးပေါင်းရင်းမြစ်များ

रोमि 13:2

खोन्‌ओसा साङ हाङ्‌काचि कामुचिओ अ़चुदेङ्‌सालाप्‍पादा फित्‍चि मु, मोसाआ निनाम्‍हाङ्‌आ अ़युङ्‌साओसो अ़देङ्‌सालाप्‍पादा फित्‍चि मु, खोन्‍कि साङ्‌चि फित्‍चि म़मु, मोचिआ दन्‍दा अ़तोक।

रोमि 14:5

अ़क्‍छा म़नाआ अ़क लेन नि लेन्‌दाङ्‌का अ़च़वाङ लेन्‌नि मित्‍तु, नि म़नाआ झारा लेन अ़क्‍निवा मित्‍तु। मेन झारासाआ आप्‍पिओ मिन्‍मादा नुलोक अ़छ़ङ मुमादोत।

१ कोरिन्‍थि 8:7

मेन झारा साकोङ्‌छ़ङ कामुचिआ ओ अ़छ़ङ य़ङ ऩसिन्‍तुन। देम म़नाचि सेम्‍पोक ब़क्‍मा अ़चुओ च़माथाङ्‌मा युङायुङ्‌साओसा मोचि चामायु म़चायाङ्‌हिदा अ़नुछ्‍याङा सेम्‍पोक प़माय़ङ चामायु चोम्‍काओनि म़मिन। खोन्‍कि मोचिओ अ़चुछेन्‍खाताया मान्‍ऱओसा “अ़ङ्‌का पोप्‍ताङ”नि म़मिन।

तितस 1:15

म़सेङ्‌याङ्‌ओ म़नाचिओ निकि झारा सामाचि म़सेङ्‌याङ्‌ङा, मेन ऩसेङ्‌निन्‌ओ खोन्‍कि साकोङ्‌छ़ङ मान्‍मुकादाचिओ निकि दिचिछाङ ऩसेङ्‌निनिन देकिनालो मोचिओ अ़चुमिन्‍मा खोन्‍कि साकोङ्‌वाङा अ़सेङ्‌निन्‍लो मुयाङ।

हिब्रु 11:6

साकोङ्‌छ़ङ मान्‍मुमाङ निनाम्‍हाङ्‌ओ अ़चुऩङानुमा अ़ऱन्‍मिन। देकिनालो साङ निनाम्‍हाङ्‌ओ अ़चुच़क्‌दा ता, खोसाआ निनाम्‍हाङ म़युङ्‌याङ खोन्‍कि खोक्‍को कालाम्‌चि खोक्‍कोसाआ सिरिफा म़प़चि निकिना अ़नुछ्‍या साकोङ्‌छ़ङ मुमादोत।