रोमि 14:22 - बान्‍तावा राई

²² खाना साकोङ्‌छ़ङ त़मुओ मो य़ङ्‌चिओ अ़तुक्‌वादा निनाम्‍हाङ खोन्‍कि खाना आप्‍पिदा युङ्‌सु। आप्‍पि तोङ्‌नि काइसुओ य़ङ अ़त्‍लो मान्‍मित्‍कादा म़ना आसिखा कातोक ओ।

रोमि 14:22 ပူးပေါင်းရင်းမြစ်များ

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

रोमि 14:14

अ़ङ्‌का सिन्‍तुङ्‌योङ खोन्‍कि हाङ्‌पा येसुआ अ़ङ्‌का अ़छ़ङ ऩमुवाङ्‌युङ्‌साङ, खाक्‍कोछाङ चामायु आप्‍पि अ़पोप्‍निन, मेन साङ्‌आ मो पोप्‍ताओनि मित्‍तुनालो मोसोओ निम्‍पाङ मो पोप्‌ओङा लि।

रोमि 14:2

अ़मात्‍ऩङ्‌ओ निम्‍पाङ, अ़क्‍छा म़नाआ झारा चामायु चामा नु निकिना साकोङ्‌छ़ङ मु, मेन साकोङ्‌छ़ङ्‌दा नुलोक मान्‍पोन्‌युक्‌ओ म़नाआ लिम्‍खान ओन्‍ङा चा।

रोमि 14:23

मेन साङ मान्‍केङ मुकि चामायु चानालो मो निनाम्‍हाङ्‌आ लाहि अ़पाक, देकिनालो मोसाआ साकोङ्‌छ़ङ्‌एनान मान्‍चायुक्‍तु। साकोङ्‌छ़ङ्‍एदाङ्‌का अ़लोन्‍निन्‌ओ झारा य़ङ हेवा ओ।

रोमि 14:5

अ़क्‍छा म़नाआ अ़क लेन नि लेन्‌दाङ्‌का अ़च़वाङ लेन्‌नि मित्‍तु, नि म़नाआ झारा लेन अ़क्‍निवा मित्‍तु। मेन झारासाआ आप्‍पिओ मिन्‍मादा नुलोक अ़छ़ङ मुमादोत।

रोमि 2:1

खोन्‌ओसा नि छ़ङ्‌काछेन म़ना, खाना साङ्‌नुछाङ, अ़ऩङ मुमा त़तोक्‍नान, देकिनालो खाना नि छ़ङ्‌त़छेन्‍तुहिदा दिदा खाना छ़ङ्‌त़छेन्‍तु, मो य़ङ्‌दा खाना छ़ङ्‌ऩछेन, देकिनालो खाना छ़ङ्‌काछेन्‌छाङ मो काचि त़मु।

रोमि 7:15

अ़ङ्‌का दे च़ङा, मो अ़ङ्‌का अ़तुप्‍ऩङ। अ़ङ्‌का देत्‍नि मिन्‍ङा, मोवात्‍नि अ़ङ्‌का अ़मुऩङ। मेन अ़ङ्‌का दि चिप्‍माकात्‍तुङ, मोङा अ़ङ्‌का मुङ।

रोमि 7:24

अ़ङ्‌का ना दियाको दुखा कातोक म़ना! ओ अ़ङ्‌पोक कासेत हेवादाङ्‌का साङ्‌आ अ़ङ्‌का लेन्‍मा अ़ऱङा?

१ कोरिन्‍थि 8:7

मेन झारा साकोङ्‌छ़ङ कामुचिआ ओ अ़छ़ङ य़ङ ऩसिन्‍तुन। देम म़नाचि सेम्‍पोक ब़क्‍मा अ़चुओ च़माथाङ्‌मा युङायुङ्‌साओसा मोचि चामायु म़चायाङ्‌हिदा अ़नुछ्‍याङा सेम्‍पोक प़माय़ङ चामायु चोम्‍काओनि म़मिन। खोन्‍कि मोचिओ अ़चुछेन्‍खाताया मान्‍ऱओसा “अ़ङ्‌का पोप्‍ताङ”नि म़मिन।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

गलाति 6:1

ब़ब़, नाना खोन्‍कि निछाचि ओ, खाक्‍को म़ना अ़त्‍लोदा लाप्‍खावाचानालो खानानिन साङ लावामि त़याइन्‌येन, सिम्‍नान्‍चिन्‍सा मो अ़नुवाक लासामुवानुम। खानानिन आप्‍पि खानिन्‍चिन माङ्‌लो खानानिन्‌छाङ चिन्‍माखाङ्‌मादा त़छुक्‍तिन।

याकुब 3:13

खानानिन्‌एदा खारु कातोक खोन्‍कि कातुप साङ युङ्‌याङ? खोसोओ अ़खारुदाङ्‌का ताओ अ़सिम्‍मान्‍चिन्‌आ अ़काचिचि मुचिकि अ़नुवाक अ़च़माथाङ्‌मा खाङ्‌मुसुचिने।

१ युहन्‍ना 3:21

सोमातुक्‍नाङ्‌नानिन्‌ओ यावाचि ओ, आन्‍साकोङ्‌वाआ आन्‍कान लाहि म़पाक्‍निन्‌नालो निनाम्‍हाङ्‌ओ अ़चुबुदा खात्‍मा आन्‍कान राक तोक्‍तुम।