रोमि 14:20 - बान्‍तावा राई

²⁰ चामायुओ निम्‍पाङ निनाम्‍हाङ्‌ओ अ़चुकाचि मान्‍लुक्‍दो। अ़नुछ्‍याङा झारा चामायु सेङ्‌याङ, मेन खाना त़चाओसाआ निचि धुङ्‌मा अ़नुवाक माआङ।

रोमि 14:20 ပူးပေါင်းရင်းမြစ်များ

मत्‍ति 15:11

दि म़नाओ अ़दोदाङ्‌का वाङ, मो य़ङ्‌आ खो अ़पोप्‍तुन, मेन दि म़नाओ अ़दोदाङ्‌का बुङ्‌खादा लोन, मो य़ङ्‌आ खो पोप्‍तु।”

मत्‍ति 18:6

मेन साङ्‌आ अ़ङ्‌काएदा साकोङ्‌छ़ङ कामु, ओ अ़चुप्‍पोचिदाङ्‌का अ़क्‍छा हेवा मुमेत्‍तुनालो मोसोओ अ़पोत्‌दा अ़धिवा चाचेम्‍खालुङ क़ङ्‌माकि मो ग़ङ्‌याङ्‌ओ धियाङ्‌वामादा लुम्‍मादिमा नुलोक लिओ।

छाम्‍माय़ङ 10:15

मो य़ङ खोसाआ ह्‍वादुओदु लासुएनु, “दि निनाम्‍हाङ्‌आ अ़सेङ्‌सायुङ्‌सा, मो खाना पोप्‍ताओनि मान्‍लोदो।”

रोमि 14:2

अ़मात्‍ऩङ्‌ओ निम्‍पाङ, अ़क्‍छा म़नाआ झारा चामायु चामा नु निकिना साकोङ्‌छ़ङ मु, मेन साकोङ्‌छ़ङ्‌दा नुलोक मान्‍पोन्‌युक्‌ओ म़नाआ लिम्‍खान ओन्‍ङा चा।

रोमि 14:21

सा चामाआ, अङ्‌गुरा माङ्‌वा दुङ्‌माआ, माङ्‌लो खाक्‍कोछाङ चामायुआ आम्‍निछा धुङ्‌नालो मोचि मान्‍चादामा, मान्‍दुङ्‌दामाङा अ़नुवाक लि।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

तितस 1:15

म़सेङ्‌याङ्‌ओ म़नाचिओ निकि झारा सामाचि म़सेङ्‌याङ्‌ङा, मेन ऩसेङ्‌निन्‌ओ खोन्‍कि साकोङ्‌छ़ङ मान्‍मुकादाचिओ निकि दिचिछाङ ऩसेङ्‌निनिन देकिनालो मोचिओ अ़चुमिन्‍मा खोन्‍कि साकोङ्‌वाङा अ़सेङ्‌निन्‍लो मुयाङ।