रोमि 14:2 - बान्‍तावा राई

² अ़मात्‍ऩङ्‌ओ निम्‍पाङ, अ़क्‍छा म़नाआ झारा चामायु चामा नु निकिना साकोङ्‌छ़ङ मु, मेन साकोङ्‌छ़ङ्‌दा नुलोक मान्‍पोन्‌युक्‌ओ म़नाआ लिम्‍खान ओन्‍ङा चा।

रोमि 14:2 ပူးပေါင်းရင်းမြစ်များ

रोमि 14:1

साकोङ्‌छ़ङ्‌दा नुलोक मान्‍पोन्‌युक्‌ओ म़ना लोआनुम, खोन्‍कि मोचिओ अ़चुमिन्‍माओ अ़तुक्‌वादा दुम मान्‍तुदानिन।

रोमि 14:14

अ़ङ्‌का सिन्‍तुङ्‌योङ खोन्‍कि हाङ्‌पा येसुआ अ़ङ्‌का अ़छ़ङ ऩमुवाङ्‌युङ्‌साङ, खाक्‍कोछाङ चामायु आप्‍पि अ़पोप्‍निन, मेन साङ्‌आ मो पोप्‍ताओनि मित्‍तुनालो मोसोओ निम्‍पाङ मो पोप्‌ओङा लि।

रोमि 14:20

चामायुओ निम्‍पाङ निनाम्‍हाङ्‌ओ अ़चुकाचि मान्‍लुक्‍दो। अ़नुछ्‍याङा झारा चामायु सेङ्‌याङ, मेन खाना त़चाओसाआ निचि धुङ्‌मा अ़नुवाक माआङ।

रोमि 15:1

आन्‍कान साकोङ्‌छ़ङ्‌दा नुलोक पोइन्‌ओचिआ मान्‍पोन्‍म़युक्‌ओ म़नाचि आङ्‌मादोत खोन्‍कि आन्‍कान आप्‍पि ओन्‍ङा ऩङानुमान्‍चिन अ़नुनिन।

१ कोरिन्‍थि 10:25

बजारादा त़खिरुम्‌ओ सा छेन्‍खातायाओ निम्‍पाङ दित्‍छाङ मान्‍सेन्‍माङ चानुम।

१ कोरिन्‍थि 8:9

मेन चाप्‍चेत्‍तानिन्‍चिन, आम्‍नुओ ओ ताकावा च़माआ साकोङ्‌छ़ङ्‌दा मान्‍ऱकादाचिओ निम्‍पाङ धुङ्‌खा अ़लिनिन्‍ने।

१ कोरिन्‍थि 9:22

मान्‍ऱकादाचि तात्‍माचि निम्‍पाङ अ़ङ्‌का मान्‍ऱकादाचिएदा मान्‍ऱकादाचिवाङा लिसाङ। झाराकापाराआ झारा म़नाचि लेन्‍मा ऱङ्‌च़ङ्‌ने निम्‍पाङ अ़ङ्‌का झाराकापारा चुवाङ।

गलाति 2:12

याकुब्‌आ खाइसुचिओ म़नाचि तामा बुया खो निरावाचिएनान अ़क्‍नि चाङा। मेन मोचि म़तालाकि निरावाचिएनान चामा छिरु खोन्‍कि खो आप्‍पि हासान्‍चिन, देकिनालो खो सिप्‍मायाम्‍बुन पाक्‍माय़ङ रुहुप्‌दाङ्‌का अ़क़माकारा।

१ तिमोथि 4:4

निनाम्‍हाङ्‌आ अ़मुयाओ झारा सामाचि अ़नुवाक म़मुयाङ, खोन्‍कि निनाम्‍हाङ आलाङ प़याङ्‌सा ओ लोउम्‌नालो दित्‍छाङ ऩङाछित्‍मा अ़दोत्‍निन।

तितस 1:15

म़सेङ्‌याङ्‌ओ म़नाचिओ निकि झारा सामाचि म़सेङ्‌याङ्‌ङा, मेन ऩसेङ्‌निन्‌ओ खोन्‍कि साकोङ्‌छ़ङ मान्‍मुकादाचिओ निकि दिचिछाङ ऩसेङ्‌निनिन देकिनालो मोचिओ अ़चुमिन्‍मा खोन्‍कि साकोङ्‌वाङा अ़सेङ्‌निन्‍लो मुयाङ।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

हिब्रु 9:10

मो चामायु, दुङ्‌मायु खोन्‍कि अ़खाला-खालाओ सेङ्‌मान्‍चिन च़माथाङ्‌माचि बुङ्‌खालिप्‍पाओ य़ङ्‌हुप ओन्‍ङा ओ। ओवाको बुयाओ य़ङ्‌हुप्‌चि अ़ऩङ्‌वा य़ङ्‌हुप अ़तानिन्‌तारि ओन्‍ङा अ़काचि याक।