रोमि 14:18 - बान्‍तावा राई

¹⁸ साङ्‌आ ओवात्‍नि ख्रिस्‍त ब़रु, मो य़ङ्‌आ निनाम्‍हाङ्‌ओ अ़चुऩङानु खोन्‍कि म़नाचिआ अ़नुवाक अ़कान।

रोमि 14:18 ပူးပေါင်းရင်းမြစ်များ

मर्कुस 13:34

ओ ना अ़क्‍छा म़नाआ अ़हारुक्‌चि अ़खिम्‌दाओ झाराकापाङ मोसाआ मुमायु काचिओ पाङ प़दाचिकि लाप्‍तिखोप काहुङ चाप्‍चाप्‍चाप्‌वा युङानि लोदाकि कोइसि खारिन्‌वात्‍नि ओ।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

छाम्‍माय़ङ 10:35

मेन झारा रावादा साङ्‌आ खोक्‍को कित्‍तु, खोन्‍कि निनाम्‍हाङ्‌ओ अ़मिन्‍मावा काचि मु, मो निनाम्‍हाङ्‌आ अ़लोक।

रोमि 12:11

राक्‌दा देम्‍खाछाङ देङ्‌मान्‍लादानिन, मेन हाङ्‌पा झारा साकोङ्‌वाआ ब़रानुम।

रोमि 14:4

निओ अ़हारुक्‌ओ अ़छ़ङ्‌काछेन खाना साङ ओ? अ़हाङ्‌पाआ ए म़ल़क अ़हारुक नुलोक काचि मुवाओ हे फिसुओ, अ़छ़ङ मु। खोन्‍कि अ़हारुक तोङ्‌लो काचि मुमा ऱ, देकिनालो अ़हाङ्‌पाआ मो फामा ऱ।

रोमि 16:18

देकिनालो ओवाको म़नाचिआ आन्‍हाङ्‌पा ख्रिस्‍त ऩब़रुन, मेन खोचिओ अ़चुमित्‍मावा आप्‍पि म़ब़त्‍नान्‍चिन। मोचिओ चानुओ दोलेङ्‌वा य़ङ खोन्‍कि चानुओ य़ङ्‌चिआ सोत्‍सोत्‌वाओ म़नाचि म़धान्‍तुचि।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

१ कोरिन्‍थि 7:22

देकिनालो हाङ्‌पाआ अ़बुत्‍ताहिदा खाक्‍को म़ना हारुक मुवाङा, हान मो हाङ्‌पाओ अ़चुलेत्‌वा लिसायुङ्‌सा। मोवात्‍निङा अ़बुत्‍ताहिदा खाक्‍को म़ना फोङ्‌साङा, हान मो ख्रिस्‍तओ अ़चुहारुक लिसायुङ्‌सा।

२ कोरिन्‍थि 4:2

आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

२ कोरिन्‍थि 5:11

खोन्‌ओसा, निनाम्‍हाङ्‌एनान देत्‍नि क़मादोत्‌नि आन्‍कान्‍का सिन्‍तुम्‌काकिना आन्‍कान्‍का म़नाचि काङ्‌मेत्‍तुम्‍च़म्‍का। मेन आन्‍कान्‍का देत्‍नि मुन्‌येन्‍का निनाम्‍हाङ्‌आ अ़सिन्‌याङ, खोन्‍कि अ़ङ्‌का सोम्‍कुवा मुङा, मो आम्‍नुओ छेन्‍खातायाआछाङ नुलोक्‌ङा सिन्‍तुङु।

२ कोरिन्‍थि 5:9

खोन्‌ओसा आन्‍कान्‍का आन्‍काओ पोक्‌दाङा युङिन्‍काने माङ्‌लो अ़थाया युङिन्‍काने, खोक्‍कोसोओ अ़चुऩङानुमा आन्‍काओ मित्‍चिऩङ मु।

२ कोरिन्‍थि 6:4

मेन निनाम्‍हाङ्‌ओ अ़चुकाब़त्‍पाचिओसा झाराकापाराआ आन्‍कान्‍का आप्‍पि निनाम्‍हाङ्‌ओ अ़नुवाक म़नाचि निकिना आन्‍कान्‍का च़लोक आङ्‌मादा, दुखाचिदा, मान्‍ऱदामाचिदा, छ़ङ्‌मादिमाचिदा खाङ्‌मुसिन्‍चिन्‍का।

२ कोरिन्‍थि 8:21

देकिनालो आन्‍कान्‍का हाङ्‌पाओ अ़चुखाङ्‌मादा ओन्‍ङा माआङ, मेन म़नाचिओ अ़चुखाङ्‌मादाछाङ दि सायामेत्‍मा खान्‍तुओ मुयाङ, मो मुमा मित्‍चिऩङ मुन्‍का।

फिलिप्‍पि 4:18

अ़ङ्‌का तोक्‍मादोत्‌ओदाङ्‌का च़लोक्‌ङा तोक्‍तुङ्‌युङ्‌सुङ। इपाफ्रोदितस्‌लाम्‍पा त़छोक्‍निओ आम्‍नुओ छुक्‍तुप्‍मा अ़ङ्‌का तोक्‍तुङ्‌युङ्‌सुङ। मो निनाम्‍हाङ्‌ओ अ़चुऩङानुओ नाम्‍नुओ अ़सुङ अ़क्‌तात लोक्‍माखान्‍तुओ हेन्‍खोक्‌वा ओ।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

कलस्‍सि 3:24

खानानिन त़सिन्‍तुम्‌योम, निनाम्‍हाङ्‌आ आप्‍पिओ अ़चुम़नाचिओ निम्‍पाङ अ़युङ्‌साओ सिरिफा त़तोक्‍तुम। मित्‍तानुम, खानानिन्‌आ हाङ्‌पा येसु ख्रिस्‍त त़ब़रुम्‌योम।

१ तिमोथि 2:3

आन्‍कान कालेन्‍पा निनाम्‍हाङ्‌ओ अ़चुखाङ्‌मादा ओ अ़नुवाक खोन्‍कि लोक्‍माखान्‍तुओ मुयाङ।

१ तिमोथि 5:4

अ़क्‍छा मेन्‍मित्‍माओ अ़छाचि माङ्‌लो अ़छुन्‍छाचि म़युङ्‌याङ्‌नालो मोचिआ बुया अ़चुखिम्‍लुम्‍पादा अ़चुओ साम्‌योक्‍मि काचि मुमा म़चिन्‍नान्‍चिन्‍ने, खोन्‍कि मोवात्‍नि अ़चुमा पाचिओ खोन्‍कि अ़चुदिवादिमाचिओ अ़चुनाक अ़लाछोन्‍ने, देकिनालो ओ निनाम्‍हाङ्‌ओ अ़चुखाङ्‌मादा लोक्‍मा खान्‍तुओ मुयाङ।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 2:20

अ़त्‍लो काचि त़मुन्‌किना धात्‍खावा त़चान्‌येन्‌हिदा दिसुवा मान्‍मिन्‍माङ त़आङ्‌तुम्‌नालो खानानिन दि त़तोक्‍तुम? मेन खानानिन अ़नुवाक काचि त़मुन्‌कि दुखा त़आङ्‌तुम्‌नालो निनाम्‍हाङ्‌आ खानानिन ऩचोन्‍तिन।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 3:16

मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।