रोमि 13:2 - बान्‍तावा राई

² खोन्‌ओसा साङ हाङ्‌काचि कामुचिओ अ़चुदेङ्‌सालाप्‍पादा फित्‍चि मु, मोसाआ निनाम्‍हाङ्‌आ अ़युङ्‌साओसो अ़देङ्‌सालाप्‍पादा फित्‍चि मु, खोन्‍कि साङ्‌चि फित्‍चि म़मु, मोचिआ दन्‍दा अ़तोक।

रोमि 13:2 ပူးပေါင်းရင်းမြစ်များ

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मर्कुस 12:40

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

लुका 20:47

मोचिआ मेन्‍मित्‍माचिओ अ़चुखिम्‌चिदाओ चासुम्‍छेन्‍बिचि म़च़न्‍तुखात्‍तुप़चि, खोन्‍कि खाङ्‌मुमाओ निम्‍पाङ ब़द्‍धे मेत्‍लोदा याम़मात। ओ म़नाचिआ ब़द्‍धे चाअ़त्‍लो दन्‍दा अ़तोक।”

रोमि 13:1

हाङ्‌काचि कामुचिओ अ़चुपाङ्‌दा झारा युङ्‌मादोत। निनाम्‍हाङ्‌दाङ्‌का ताओ पाङ्‌दाङ्‌का नि खाक्‍कोछाङ पाङ मात्‍द़ङ। खाक्‍को हाङ्‌काचि कामुचि म़युङ्‌याङ, मोचि निनाम्‍हाङ्‌आ म़पाउचिओ।

रोमि 13:3

देकिनालो अ़नुवाक काचिओ निम्‍पाङ माआङ, मेन अ़अ़त्‍पा काचि कामुचिआ हाङ्‌काचि कामुचि कित्‍तुम्‍च़म। दि खाना हाङ्‌काचि कामुचिओ कित्‍मादा युङ्‌मा त़स़नानान? खोन्‍नालो अ़नुवाक काचि मुवा खोन्‍कि खाना खोसाआ त़चोन।

रोमि 13:5

खोन्‌ओसा, निनाम्‍हाङ्‌एदाङ्‌का दन्‍दा मान्‍तोक्‍दामाओ निम्‍पाङ ओन्‍ङा माआङ, मेन खानानिन त़सिन्‍तुम्‌योम दि मुमा तोङ्‌याङ मोसोओ निम्‍पाङ्‌छाङ खानानिन हाङ्‌काचि कामुचिओ अ़चुपाङ्‌दा युङ्‌मादोत।

रोमि 9:19

खोन्‍कि खाना अ़ङ्‌का त़लोङा, “खोन्‍नालो देकि आन्‍कान निनाम्‍हाङ्‌आ लाहि म़पाक्‌याङ? देकिनालो खोक्‍कोसोओ अ़चुमित्‍चिऩङ्‌दा साङ्‌आ खोक्‍को छेक्‍मा अ़ऱ?”

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

याकुब 3:1

ब़ब़, नाना खोन्‍कि निछाचि ओ, खानानिन ब़द्‍धेकापाङ काचिन्‌चि मान्‍लिदानिन। देकिनालो खानानिन त़सिन्‍तुम्‌योम, आन्‍कान्‍का काचिन्‍चिओ आन्‍काओ छ़ङ्‌छेन्‍मा ब़द्‍धे चाअ़त्‍लो लि।

१ पत्रुस 2:13

हाङ्‌पाओ निम्‍पाङ झारा पाङ्‌यिचिआ ऩलोन्‌ओ काङ्‌सानिन। खो झारा पाङ्‌यि कातोक तोक्‍पोहाङ्‌ङाने,