रोमि 13:12 - बान्‍तावा राई

¹² अ़खाखुत खाराचिआ खोन्‍कि लेन च़क्‌दा ताचिआ। खोन्‌ओसा कुन्‌यामादाओ काचिचि छिरुम्‍च़म्‌कि आन्‍कान साम्‌ओ अ़बान्‍छुबिछु लोउम्‍ने।

रोमि 13:12 ပူးပေါင်းရင်းမြစ်များ

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

१ कोरिन्‍थि 10:11

ओ य़ङ्‌चि आन्‍को अ़मात्‍ऩङ्‌ओ निम्‍पाङ मोचिएदा म़लिसाओ। साङ जुगाओ अ़लुक्‍मातारि ह़ङ, मो य़ङ्‌चि आन्‍कान चाप्‍चेत्‍माओ निम्‍पाङ म़छाप्‍ताओ।

१ कोरिन्‍थि 7:29

ब़ब़, नाना खोन्‍कि निछाचि ओ, अ़ङ्‌का य़ङ्‌ङाङाओ ओङा ओ, ग़रि दुन्‌याङ, खोन्‍कि हान्‌दाङ्‌का खिम्‍हाङ्‌मा कातोक्‌चि खिम्‍हाङ्‌मा मात्‍द़ङ्‌वा म़लिकि म़युङ्‌ने।

२ कोरिन्‍थि 10:4

देकिनालो ङेन्‌ओ आन्‍काओ बान्‍छुबिछुचि हेन्‍खामादाओ माआङ, मेन कुम्‍खा भुङ्‌मा आन्‍कान्‍का निनाम्‍हाङ्‌ओ अ़चुसावा याङुम्‍का।

२ कोरिन्‍थि 6:7

अ़छ़ङ य़ङ्‌दा, खोन्‍कि निनाम्‍हाङ्‌ओ अ़चुसावादा, चुप्‍ताङ खोन्‍कि बेङ्‌वा छुक्‌दा साम्‌योक्‍मिओ बान्‍छुबिछु खुयिन्‍का।

एफिसि 4:22

म़प्‍मा मित्‍माआ अ़त्‍लो लिसाओ आम्‍नुओ बुयाओ ह़ङ्‌म़ङ्‌ओ च़माथाङ्‌माओ अ़तुक्‌वादा बुयाओ आम्‍नुओ ह़ङ्‌म़ङ छिरानुम,

एफिसि 5:11

कुइयामादाओ अ़अ़त्‍पा काचिचिदा मान्‌वाङ्‌दानिन, मेन मोचि खाङ्‌मेत्‍तानुम्‍च़म।

एफिसि 5:8

देकिनालो अ़क्‍दु खानानिन कुइयामादा त़युङिन्‌येन्‌ओ, मेन हान हाङ्‌पाएदा खानानिन त़उसिन्‌युङ्‌सिन। खोन्‌ओसा साम्‌ओ अ़छाचिवात्‍नि कोलानिन।

हिब्रु 10:25

खा-खाक्‍कोचिओ अ़चुच़मावा आन्‍कान यावायोक्‌दा अ़क्‍नि कोप्‍मान्‍चिन अ़छिरिमिन्‍ने। मेन हाङ्‌पाओ अ़चुलेन च़क्‌दा तायाङ्‌ओ खानानिन त़खाम्‌ओसा अ़क्‍छाआ नि च़लोक राक प़काप़ मुवानिन।

हिब्रु 12:1

आन्‍ऱङ्‌कोप्‌नि ओन ब़द्‍धे म़ना मुक्‍लाओ सालुम्‍स़ङ्‌चि म़युङ्‌याङ, खोन्‌ओसा आन्‍कान झारा बुया खात्‍मा काछेक झारा य़ङ्‌चिदाङ्‌का खोन्‍कि हेवाओ वाय़दाङ्‌का फोङ्‌सिन्‍चिन्‍ने, खोन्‍कि आन्‍बुदा म़युक्‍ताओ लोत्‍मा राक मान्‍सेत्‍माङ लोरिन्‍ने।

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

याकुब 5:8

खानानिन्‌छाङ हुङायुङ्‌सानुम खोन्‍कि आम्‍नुओ साकोङ्‌वादा राक मुवानिन, देकिनालो हाङ्‌पाओ अ़चुतामा नेक्‌याङ।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।

१ पत्रुस 4:7

झारा य़ङ्‌चिओ अ़चुलुक्‍माखात्‍मा च़क्‌दा ताचिआयुङ्‌सा। खोन्‌ओसा खारुच़ङ्‌तानुम खोन्‍कि आम्‍नुओ यामात्‍माओ निम्‍पाङ चाप्‍चेत्‍तानिन्‍चिन।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

२ पत्रुस 3:9

खोक्‍कोसोओ अ़चुहिप्‍माय़ङ्‌ओ अ़तुक्‌वादा स़लेनि म़च़नि खा-खाक्‍कोचि म़य़ङ्‌नुछाङ खोक्‍को स़लेनि ऩच़निन। मेन साङ्‌छाङ ऩलुक्‍निन्‍ने, मेन झाराकापाङ्‌आ हेवा मुमा अ़छित्‍नेनि म़मिन्‌कि खोक्‍कोसाआ खानानिन ऩहुङिन्‌येन।

१ युहन्‍ना 2:18

सोमातुक्‍नाङ्‌नानिन्‌ओ छाचि ओ, आदेङ्‌ओ ग़रि ओङा ओ। ख्रिस्‍तओ अ़चुङेङ तायाङ निकिना खानानिन्‌आ त़एनुम्‌युङ्‌सुम। ओन्‍ग़रिछाङ ख्रिस्‍तओ अ़चुङेङ्‌चि ब़द्‍धे म़ताचिआयुङ्‌सा। खोन्‌ओसा ओ आदेङ्‌ओ ग़रिओ निम्‍पाङ आन्‍कान सिन्‍तुम्‌योम।

खाङ्‌मुमा 1:3

साङ्‌आ निनाम्‍हाङ्‌य़ङ खालुमा य़ङ्‌चि खिप्‍तुचि, एनुचि खोन्‍कि मोदा छाप्‌याङ्‌ओ य़ङ्‌वा च़, मो आसिखा कातोक ओ, देकिनालो ग़रि च़क्‌दा युङ्‌याङ।

खाङ्‌मुमा 22:10

खोन्‍किना मोसाआ अ़ङ्‌का ओवात्‍नि अ़लोवाङ, “ओ छाप्‍लाखा भोङ्‌दाओ खालुमाय़ङ मान्‍सेप्‌दानुम, देकिनालो ओ झारा लिमा ग़रि च़क्‌दा ताचिआयुङ्‌सा।