रोमि 13:1 - बान्‍तावा राई

¹ हाङ्‌काचि कामुचिओ अ़चुपाङ्‌दा झारा युङ्‌मादोत। निनाम्‍हाङ्‌दाङ्‌का ताओ पाङ्‌दाङ्‌का नि खाक्‍कोछाङ पाङ मात्‍द़ङ। खाक्‍को हाङ्‌काचि कामुचि म़युङ्‌याङ, मोचि निनाम्‍हाङ्‌आ म़पाउचिओ।

रोमि 13:1 ပူးပေါင်းရင်းမြစ်များ

मत्‍ति 6:13

खोन्‍कि आन्‍कान्‍का चिन्‍माखाङ्‌मादा छुक्‍मा मान्‍प़दानि, मेन अ़अ़त्‍पादाङ्‌का लेन्‍नि। (देकिनालो हाङ्‌होन, सावा खोन्‍कि तोक्‍पो ऩङ अ़धुन खानानिन्‌एदाङा युङ्‌याङ। ओवात्‍निङा लिने।)

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

छाम्‍माय़ङ 2:41

खोन्‍किना खा-खाक्‍कोचि पत्रुस्‌आ लोचिओ य़ङ्‌दा साकोङ्‌छ़ङ म़मुवा, मोचि छाम्‍माय़ङ्‌चिआ बप्‍तिस्‍मा म़प़चि। खोन्‍कि मो लेन अ़चुरुहुप्‌दा आप्‍फात सुम्‌काहजारालेका म़नाचि म़तेप्‍ता।

रोमि 12:21

अ़त्‍लोदाङ्‌का हारा मान्‍लिदानिन, मेन अ़नुवाक्‌आ अ़अ़त्‍पा हारा चात्‍तानुम।

रोमि 13:2

खोन्‌ओसा साङ हाङ्‌काचि कामुचिओ अ़चुदेङ्‌सालाप्‍पादा फित्‍चि मु, मोसाआ निनाम्‍हाङ्‌आ अ़युङ्‌साओसो अ़देङ्‌सालाप्‍पादा फित्‍चि मु, खोन्‍कि साङ्‌चि फित्‍चि म़मु, मोचिआ दन्‍दा अ़तोक।

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

१ तिमोथि 2:2

हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

यहुदा 1:8

मोवात्‍निङा सेन्‍मुयु काखाङ सोज्‍जेओ काचिन्‍चिआ अ़चुपोक अ़पोप, निनाम्‍हाङ्‌ओ अ़चुपाङ ऩङाअ़छित खोन्‍कि निनाम्‍मादुओ अ़ह़ङ्‌चि म़सुङ्‌तुचि।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:16

खोक्‍कोसोओ अ़चुतित, अ़चुओ धिलाङ्‌दा ‘हाङ्‌चिओ अ़चुहाङ खोन्‍कि हाङ्‌पाचिओ अ़चुहाङ्‌पा’नि छाप्‍ताङा।