रोमि 12:8 - बान्‍तावा राई

⁸ यायोक प़मा ओनालो मोसाआ यायोक प़चिने। साङ्‌आ मोहा हासु, मोसाआ अ़नुवाक मिन्‍माआ हासुने, खो बुसुवा ओनालो खो चाअ़त्‍लो काचि मुने, सोमातुक्‍मा खाङ्‌मुमाओनालो अ़ऩङानुयाङ्‌सा खाङ्‌मुसुने।

रोमि 12:8 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 13:12

खोन्‍किना मो धिखाहुप्‌हाङ्‍आ एलुमास मोवात्‍नि लिसाओ खाकि हाङ्‌पादा साकोङ्‌छ़ङ मुवा, देकिनालो हाङ्‌पाओ अ़चुचिन्‍माय़ङ्‌ओ अ़तुक्‌वादा खो अ़न्‍नुनु दोम्‍तुदो।

छाम्‍माय़ङ 13:15

निनाम्‍हाङ्‌य़ङ खाकालु मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़खिप्‍ताकि यावायोक्‍खिम्‌दाओ बुसुवाचिआ पावल खोन्‍कि बारनाबास बुत्‍सि म़छुत्‍तुचिकि य़ङ म़मेत्‍तुचि, “यावाचि ओ, खानाचिएदा म़नाचि राक प़मायु य़ङ्‌खान युङ्‌याङ्‌नालो य़ङाचि।”

छाम्‍माय़ङ 15:32

यहुदा खोन्‍कि सिलास ह़वाङ्‌माङ निनाम्‍हाङ्‌य़ङ खाकालुचिओसा खोचिआ साकोङ्‌छ़ङ कामुचि ब़द्‍धे निनाम्‍हाङ्‌य़ङ्‌लाम्‍पा राक अ़पुवाचुचिन, खोन्‍कि अ़चुसाकोङ्‌छ़ङ अ़पोइसापुवाचुचिन।

छाम्‍माय़ङ 20:2

मोदाओ धिखाहुप्‌चिदा खाराकिना येसु साकोङ्‌छ़ङ कामुचि ब़द्‍धे राक प़चि, खोन्‍कि खो ग्रिस ताला।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 4:36

साइप्रस खाम्‍दाक्‌दाओ अ़क्‍छा लेबि भुङ्‌दाओ योसेफ अ़ऩङ मुवाङाओ म़ना युङाङा। छाम्‍माय़ङ्‌चिआ खो बारनाबास्‌नि अ़ऩङ अ़वात्‍ता, मोसोओ अ़तुप्‍माय़ङ राक काप़।

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

रोमि 13:6

खोन्‌ओसा खानाछाङ दाम्‍दु छोन्‍मादोत, देकिनालो पाङ्‌कातोक्‌चि हाङ्‌काचिओ निम्‍पाङ अ़धुन काचिदा कावाङ्‌युङ निनाम्‍हाङ्‌ओ अ़चुकाब़त्‍पाचि ओ।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

१ कोरिन्‍थि 14:3

मेन निनाम्‍हाङ्‌य़ङ खाकालु मो म़नाचिएनान्‌ङा चेप। मोचिओ सावा पोन्‍मा, राक पोन्‍मा खोन्‍कि सोम्‍सेत्‍माओ निम्‍पाङ खो चेप।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 11:3

मेन देत्‍नि प़ओ अ़चाप्‍चाआ हब्‍बा म़प्‍तु, मोवात्‍निङा ख्रिस्‍तएदा आम्‍नुओ अ़छ़ङ खोन्‍कि सेङ्‌याङ्‌ओ ब़क्‍मालाम्‍पा आम्‍नुओ मिन्‍माचि फेन्‍मादा म़छुक हे निकिना अ़ङ्‌क़मा कात्‌याङ।

२ कोरिन्‍थि 8:12

प़मा मिन्‍मा याक्‌याङ्‌नालो म़नाएदा युङ्‌याङ्‍ओवात्‍नि छुक्‍तुप्‍मा लोक्‍मा खान्‍तु, खोएदा मात्‍द़ङ्‍ओदाङ्‌का माआङ।

२ कोरिन्‍थि 9:11

आम्‍नुओ तोक्‍पो सोमातुक्‍माओ निम्‍पाङ झारा य़ङ्‌दा खानानिन कातोक ऩमुन, मो सोमातुक्‍माआ आन्‍कान्‍कालाम्‍पा यरुसलेम्‌दाओ मान्‍तोक्‍कादा म़नाचिआ निनाम्‍हाङ आलाङ अ़प़।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

२ कोरिन्‍थि 9:7

झारा म़नाआ अ़साकोङ्‌वादा अ़छ़ङ मुओवा प़ने, अ़ऩङाछित्‍सा माआङ ना राकाङ्‌थेत्‍नि। देकिनालो अ़ऩङानुयाङ्‌सा काप़ निनाम्‍हाङ्‌आ सोमाअ़तुक।

एफिसि 6:5

हारुक्‌चि ओ, साऩङ्‌वा खोन्‍कि क़माएनान अ़नुवाक साकोङ्‌वाआ ख्रिस्‍तओ अ़चुलोमाय़ङ्‌दा त़काङ्‌सिन्‌येन्‌वात्‍नि, ओ हेन्‍खामादाओ आम्‍नुओ हाङ्‌पाचिआ ऩलोन्‌ओवात्‍नि चुवानिन।

कलस्‍सि 3:22

हारुक्‌चि ओ, झारा य़ङ्‌चिदा ओ हेन्‍खामादाओ आम्‍नुओ हाङ्‌पाचिआ ऩलोन्‌वा चुवानिन। अ़चुओ म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन अ़नुछ्‍याओ साकोङ्‌वाआ अ़धुन अ़चुओ ऩङानुसानुम्‍च़म। मोवात्‍नि हाङ्‌पा निनाम्‍हाङ्‌ओ अ़चुसाया मेत्‍तानुम।

१ थेसलोनिकि 2:3

देकिनालो आन्‍कान्‍का खानानिन लोनिओ य़ङ फेलाओ माङ्‌लो पोप्‍ताओ मित्‍चिऩङ्‌दाङ्‌का माआङ ना आन्‍कान्‍का खानानिन म़प्‍माङा लाप्‍निङ्‌निओ।

१ थेसलोनिकि 2:8

आन्‍कान्‍का खानानिन ब़द्‍धे सोमातुक्‍निकिना निनाम्‍हाङ्‌ओ अ़नुय़ङ्‌खान ओन्‍ङा माआङ, मेन आन्‍काओ ह़ङ्‌म़ङ्‌छाङ खानानिन प़मा आन्‍काओ ऩङानुवा, देकिनालो आन्‍कान्‍का खानानिन अ़न्‍नुनु सोमातुक्‍नियुङ्‌नि।

१ तिमोथि 4:13

अ़ङ्‌का मान्‍बान्‌युक्‍ङातारि खाना साम्‍कालिन झारासोओ अ़चुबुदा खिप्‍मा, राक प़मा खोन्‍कि चिन्‍मादा मिन्‍मा पाक्‍तु।

१ तिमोथि 5:17

साम्‍भुङ नुलोक कातित ताङ्‌पाचि ह्‍वास़रो सायामेत्‍मा खान्‍तुचि। साङ्‌आ नुय़ङ्‌खान खालुमा खोन्‍कि चिन्‍मादा च़लोक काचि मु, खो च़लोक्‌वा साया मेत्‍मा खान्‍तु।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

हिब्रु 10:25

खा-खाक्‍कोचिओ अ़चुच़मावा आन्‍कान यावायोक्‌दा अ़क्‍नि कोप्‍मान्‍चिन अ़छिरिमिन्‍ने। मेन हाङ्‌पाओ अ़चुलेन च़क्‌दा तायाङ्‌ओ खानानिन त़खाम्‌ओसा अ़क्‍छाआ नि च़लोक राक प़काप़ मुवानिन।

हिब्रु 13:17

आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

हिब्रु 13:22

ब़ब़, नाना खोन्‍कि निछाचि ओ, अ़ङ्‌का खानानिन राक प़नाङ्‌नानिन, खानानिन अ़ङ्‌यायोक्‌चिदा मिन्‍मा पाक्‍तानुम। देकिनालो ओ छाप्‍लावादा खानानिन अ़ङ्‌का थुत्‍मेत्‍लो ओन्‍ङा छाप्‍तुङ्‌युङ्‌सुङ।

हिब्रु 13:24

झारा आम्‍नुओ बुसुवाचि खोन्‍कि झारा निनाम्‍हाङ्‌ओ अ़चुम़नाचि सेवानि लोवानुम्‍च़म। इतालियादाओचिआ खानानिन सेवा ऩछोक्‍तिन्‌युङ्‌सिन।

हिब्रु 13:7

आम्‍नुओ बुयाओ बुसुवाचि मित्‍तानुम्‍च़म, खोचिआ खानानिन निनाम्‍हाङ्‌ओ अ़चुय़ङ खाऩएत्‍तिन। खोचि देत्‍नि अ़नुवाक ह़ङ्‌म़ङ म़ह़ङाओ मित्‍तानुम, खोन्‍कि मोचिओ अ़चुसाकोङ्‌छ़ङ्‌ओ अ़मात्‍ऩङ त़ङ्‌तानुम।