रोमि 12:7 - बान्‍तावा राई

⁷ ओ ब़त्‍मा काचि ओनालो मोसाआ ब़रुने, चिन्‍मा काचि ओनालो मोसाआ चिन्‍तुचिने,

रोमि 12:7 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 20:20

खानानिन त़सिन्‍तुम्‌योम, खाक्‍कोछाङ नुलोक म़मुओ य़ङ युङ्‌याङ्‌नालो झारासोओ अ़चुबुदा खोन्‍कि आम्‍नुओ खिम-खिम्‌दा चिन्‍मा अ़ङ्‌का देम्‍खाछाङ देङ्‌मान्‍दाङा।

छाम्‍माय़ङ 20:28

खानानिन आम्‍नुओ निम्‍पाङ खोन्‍कि सेङ्‌लावाआ खाङ्‌मा ऩप़न्‌ओ साम्‍भुङ्‌दाओ झारा साकोङ्‌छ़ङ कामुचिओ निम्‍पाङ चाप्‍चेत्‍तानिन्‍चिन। निनाम्‍हाङ्‌आ येसुओ अ़चुह़लाम्‍पा म़खिरुचिओ साम्‍भुङ काखाङ्‌चि लिसानिन।

छाम्‍माय़ङ 6:1

मो लेन्‍चिदा ख्रिस्‍त काखेङ्‌चिओ अ़चुखिप्‍मा च़लोक पोन्‌याङ्‌सा खाराङा। खोन्‍कि हिब्रु य़ङ काचेप साकोङ्‌छ़ङ कामु यहुदिचिओ अ़चुदेङ्‌सालाप्‍पादा ग्रिक य़ङ काचेप साकोङ्‌छ़ङ कामु यहुदिचि छुऩङ्‌वा म़मुवा, देकिनालो अ़लेन्‍खिन्‍तुम चामायु अ़हासाङाहिदा ग्रिक य़ङ काचेप यहुदिचिओ अ़चुमेन्‍मित्‍माचिआ तोक्‍मा दोराङाओ ओन चामायु मान्‍तोक्‌अ़दाङा।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

१ कोरिन्‍थि 12:5

च़माथाङ्‌मा काचिचि ब़द्‍धेकाखालाओ म़याक्‌याङ, मेन अ़क्‍छा ओन्‍ङा हाङ्‌पा ब़क्‍तुम।

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

गलाति 6:6

साङ्‌आ निनाम्‍हाङ य़ङ ऩचिन्‍तिन, मोसाआ अ़नुवाक सामाचि काचिन्‌एनान हामाचिदोत।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

कलस्‍सि 4:17

“खाना हाङ्‌पाएदाङ्‌का त़तोक्‍तुओ ब़त्‍मा काचि तासुलो”नि अर्खिप्‍पस लोवानुम।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 4:16

आम्‍ह़ङ्‌म़ङ्‌ओ अ़तुक्‌वादा खोन्‍कि खाना त़चिन्‍तुचिओ अ़तुक्‌वादा चाप्‍चेत्‍तान्‍चिन। मोचि मुयुङ्‌सुचि। देकिनालो ओवात्‍नि त़च़नालो खाना आप्‍पि खोन्‍कि आम्‌य़ङ काएन्‌चिछाङ त़लेइसुचि।

१ तिमोथि 5:17

साम्‍भुङ नुलोक कातित ताङ्‌पाचि ह्‍वास़रो सायामेत्‍मा खान्‍तुचि। साङ्‌आ नुय़ङ्‌खान खालुमा खोन्‍कि चिन्‍मादा च़लोक काचि मु, खो च़लोक्‌वा साया मेत्‍मा खान्‍तु।

२ तिमोथि 2:2

ब़द्‍धेकापाङ सालुम्‍स़ङ्‌चिओ अ़चुबुदा खाना अ़ङ्‌काएदाङ्‌का त़एनुओ य़ङ, निचिछाङ चिन्‍मा काऱ सोम्‍कुवा त़मुचिओ म़नाचि चिन्‍तुचि।

२ तिमोथि 2:24

हाङ्‌पाओ अ़चुकाब़त्‍पा खिमा अ़नुनिन। मेन खो झारा सोमाकातुक, चिन्‍मा काऱ, खोन्‍कि काआङ लिमादोत।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।