रोमि 12:6 - बान्‍तावा राई

⁶ आन्‍कान सोमातुक्‍माआ म़पुवाओ आन्‍कान्‌एदा ब़द्‍धेकाखालाओ लावामि सावाचि म़याक्‌याङ, मोचि आन्‍कान याङुम्‍च़म्‍ने। अ़क्‍छा म़नाओ निनाम्‍हाङ्‌य़ङ खालुमाओनालो साकोङ्‌छ़ङ्‌लाम्‍पा नुलोक चेप्‍ने।

रोमि 12:6 ပူးပေါင်းရင်းမြစ်များ

मत्‍ति 23:34

अ़ङ्‌का खानानिन्‌एदा निनाम्‍हाङ्‌य़ङ खाकालुचि, खारु कातोक म़नाचि खोन्‍कि य़ङ्‌हुप काचिन्‍पाचि छुत्‍तुङ्‌च़ङ। मोचिएदाओ देम्‌कापाङ त़सेरुम्‍च़म, खोन्‍कि क्रुस्‌दा त़ख़न्‍तुम्‍च़म खोन्‍कि देम्‌कापाङ आम्‍नुओ यावायोक्‍खिम्‌चिदा य़हुप त़पाक्‍तुम्‍च़म, खोन्‍कि सहरा-सहराचिदा त़ऱसुम्‍च़म।

मत्‍ति 25:22

ह्‍वाफेक कातोक्‌आछाङ ताकिना लो, ‘हाङ्‌पो, खानानिन्‌आ अ़ङ्‌का ह्‍वाफेक त़प़निओ। खानुम, अ़ङ्‌का ह्‍वाफेक च़लोक फेक्‌वा दुउङ्‌युङ्‌सुङ।’

लुका 11:49

खोवात्‍निओसा निनाम्‍हाङ्‌ओ अ़चुखारुआ म़लोयाङ, ‘अ़ङ्‌का मोचिएदा निनाम्‍हाङ्‌य़ङ खाकालुचि खोन्‍कि छाम्‍माय़ङ्‌चि छुत्‍तुङ्‌च़ङ। मोचिदाङ्‌का खा-खाक्‍कोचि म़सेरुचि खोन्‍कि खा-खाक्‍कोचि दुखा म़प़चि।’

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

छाम्‍माय़ङ 15:32

यहुदा खोन्‍कि सिलास ह़वाङ्‌माङ निनाम्‍हाङ्‌य़ङ खाकालुचिओसा खोचिआ साकोङ्‌छ़ङ कामुचि ब़द्‍धे निनाम्‍हाङ्‌य़ङ्‌लाम्‍पा राक अ़पुवाचुचिन, खोन्‍कि अ़चुसाकोङ्‌छ़ङ अ़पोइसापुवाचुचिन।

छाम्‍माय़ङ 2:17

‘निनाम्‍हाङ म़य़ङ्‌याङ, आदेङ्‌ओ लेन्‍चिदा, झारा म़नाचि अ़ङ्‌का अ़ङ्‌लावा पाक्‍तुङ्‌प़ङ्‌च़ङ। खोन्‍कि आम्‍नुओ दुवाछा छाचिकि मेत्‍छाछा छाचि निनाम्‍हाङ्‌य़ङ म़चेप, खोन्‍कि आम्‍नुओ थाङाछाचिआ सेन्‍चिचि म़खाचि, खोन्‍कि आम्‍नुओ खोक्‍पा म़नाचिआ सेन्‍माङ्‌चि म़खाचि।

छाम्‍माय़ङ 21:9

खोसोओ चारकापाङ सायामान्‍काम्‍म़युक्‍ताओ अ़मेत्‍छाछा छाचि म़युङाङा, मोचि निनाम्‍हाङ्‌य़ङ म़चेवा।

रोमि 1:11

अ़ङ्‌का अ़न्‍नुनु खानानिन तुप्‍मा स़ङाङा, देकिनालो अ़ङ्‌का खानानिन लावामि आसिखा प़माकि आम्‍नुओ साकोङ्‌छ़ङ छोयाङ्‌ओ लिनेनि मिन्‍ङाङा।

रोमि 12:3

निनाम्‍हाङ्‌आ ऩपुवाङ्‌ओ अ़चुपाङ्‌आ अ़ङ्‌का खानानिन झारा लोनानिन, आप्‍पि खानानिन तोक्‍पोनि मान्‍मित्‌दानिन्‍चिन। मेन खानानिन निनाम्‍हाङ्‌आ देम च़लोक साकोङ्‌छ़ङ ऩप़न्‌युङ्‌सिन, खानानिन्‌छाङ मोन्‍तेकाङा नुलोक मित्‍माचिदोत।

१ कोरिन्‍थि 12:18

मेन अ़नुछ्‍याङा, निनाम्‍हाङ्‌आ अ़चुमित्‍मावा पोक्‌दा झारा मो पोक्‍फुत्‌चि म़तोङ्‌सुचिकि म़युङ्‌सुयुङ्‌सुचि।

१ कोरिन्‍थि 13:2

अ़ङ्‌काएदा निनाम्‍हाङ्‌य़ङ खालुमा सावा याक्‌याङ खोन्‍कि झारा अ़कोङ्‌दुम्‌चि खोन्‍कि झारा ताया तुप्‍मा ऱङ्‌च़ङ, खोन्‍कि भ़ऱचि सोत्‍मातारिओ झारा सोम्‍कुवा अ़ङ्‌काएदा याक्‌याङ्‌नुछाङ अ़ङ्‌काएदा सोम्‍तुक्‍मा मात्‍द़ङ्‌नालो अ़ङ्‌का दित्‍छाङ माआङ।

१ कोरिन्‍थि 14:1

सोम्‍तुक्‍मा आम्‍नुओ मित्‍चिऩङ मुवानुम। मेन लावामि सावाचिदाछाङ आम्‍नुओ मिन्‍मा पाक्‍तानुम। मोचिदाङ्‌का च़लोक अ़काचि याक्‌ओ लावामि सावा निनाम्‍हाङ्‌य़ङ खालुमाओ।

१ कोरिन्‍थि 14:24

मेन झारासा निनाम्‍हाङ्‌य़ङ खाम़लुयाङ्‌हिदा अ़क्‍छा साकोङ्‌छ़ङ मान्‍मुकादा माङ्‌लो बुङ्‌खायाओ म़ना मोदा तानालो मोन्‍ग़रि खोसाआ एनुकि हेवामि कान्‍नान्‍चिन खोन्‍कि एनुओ य़ङ्‌चिआ खो छ़ङ्‌छेन्‍नान्‍चिन।

१ कोरिन्‍थि 14:29

निनाम्‍हाङ्‌य़ङ खाकालुचि ह़वाङ माङ्‌लो सुम्‍पाङ म़चेप्‍ने, खोन्‍कि निचिआ मोचि म़चेप्‌ओ य़ङ नुलोक छ़ङ अ़छेन्‍ने।

१ कोरिन्‍थि 3:5

खोन्‍नालो अपोल्‍लोस साङ ओ? खोन्‍कि पावल साङ ओ? आन्‍कान्‍का झारा ना निनाम्‍हाङ्‌आ ऩप़न्‍काओ अ़चुकाचि कामुचि ओन्‍ङा ओ। आन्‍कान्‍कालाम्‍पा खानानिन साकोङ्‌छ़ङ त़मुम।

१ कोरिन्‍थि 7:7

झारा म़नाचि अ़ङ्‌कावात्‍निङा म़युङ्‌नेनि अ़ङ्‌का मिन्‍ङा। मेन झारा म़नाआ नि-निपाराओ लावामि सावा निनाम्‍हाङ्‌दाङ्‌काङा तोक्‍तु, अ़क्‍छाआ अ़क खालाओ खोन्‍कि निआ नि खालाओ।

२ कोरिन्‍थि 8:12

प़मा मिन्‍मा याक्‌याङ्‌नालो म़नाएदा युङ्‌याङ्‍ओवात्‍नि छुक्‍तुप्‍मा लोक्‍मा खान्‍तु, खोएदा मात्‍द़ङ्‍ओदाङ्‌का माआङ।

एफिसि 3:5

मो य़ङ खोक्‍कोसोओ म़सेङ्‌याङ्‌ओ छाम्‍माय़ङ्‌चि खोन्‍कि निनाम्‍हाङ्‌य़ङ खाकालुचि सेङ्‌लावालाम्‍पा आइमित खाङ्‌अ़मुसायुङ्‌सा, मो बुयाओ दुङ्‌चिदाओ म़नाचि सिन्‍मान्‍मेत्‌चि।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

फिलिप्‍पि 3:15

आन्‍कान लावामिदा पोयिन्‌ओचि झारा ओवाको मिन्‍माओ मुन्‍ने। मेन खानानिन दि-दिसु य़ङ्‌दा नि मिन्‍माओ त़मुन्‌येन्‌नालो निनाम्‍हाङ्‌आ खानानिन मोछाङ नुलोक तुप्‍मा ऩप़न।

१ थेसलोनिकि 5:20

निनाम्‍हाङ्‌य़ङ ऩङामान्‍छित्‌दानुम।

२ पत्रुस 1:20

झारादाङ्‌का बुया खानानिन्‌आ ओ य़ङ तुप्‍मादोत, झारा साम्‍कालिन्‌दाओ निनाम्‍हाङ्‌य़ङ खालुमाय़ङ म़नाआ आप्‍पि खालुसुओ माआङ।