18 लिमा ऱनालो झाराएनान सेवाङ्नि युङ्मा लामानिन।
आम्छुक्दाम ब़क्खाओ अ़बुदा छिरुदो, खोन्कि खारा। बुया आम्द़क्छाएनान तोङा, खोन्किना बानाकि ब़क्खादा आम्छुक्दाम पाउ।
कासिम्नान्चिन्चि आसिखा कातोक्चि ओ, देकिनालो मोचिआ हेन्खामादाओ पाङ अ़तोक।
सेवाङ्निओ निम्पाङ काचि कामुचि आसिखा कातोक्चि ओ, देकिनालो मोचि निनाम्हाङ्आ अ़ङ्छाचिनि म़लोचि।
युम अ़नुवाक ओ, मेन युम्ओ अ़लुमा माखात्नालो मो दिसाआ युम्पाक्पाक्वा खाना लामामुमा त़ऱ? खानानिन्एदा याक्याङ्ओ आम्नुओ युम्वाको अ़नुवाक य़ङ युङ्सानुम, खोन्कि अ़क्छा निएदा सेवाङ्नि युङानिन।”
खोन्ओसा खानानिन रोम्दा कायुङ्चिओ निम्पाङ्छाङ ओ नुय़ङ्खान खाएत्मा अ़ङ्का अ़न्नुनु राक मुङाङा।
देकिनालो निनाम्हाङ्ओ अ़चुहाङ्होन चामा खोन्कि दुङ्माओ अ़तुक्वा माआङ, मेन सेङ्लावादा, साम्योक्मि तोक्मायु, सेवाङ्नि खोन्कि ऩङानुमान्चिन्ओ।
खोन्ओसा आन्कान दिसाआ सेवाङ्नि म़प़, मो य़ङ्चि त़ङ्तुम्च़म्ने खोन्कि मोसाआ अ़क्छा निएदा सोम्कुवा पोइसु।
मेन साकोङ्छ़ङ मान्मुकादाआ छित्मानि मिन्नालो छित्मा पुवानुम। मोवात्नि ओ ग़रिदा साकोङ्छ़ङ कामुपा निछा माङ्लो निछामा फोङ। निनाम्हाङ्आ आन्कान सेवाङ्नि युङ्मा निकि म़बुत्ताओ।
देङ्दा, ब़ब़, नाना खोन्कि निछाचि ओ, हासिन्चिन्ने। अ़च़वाङ्ओ निम्पाङ मित्चिऩङ मुवानिन। अ़ङ्य़ङ एनानुम! अ़क्छा निएदा तोङानिन। सेवाङ्नि युङानिन। खोन्कि निनाम्हाङ्ओ अ़चुसोमातुक्मा खोन्कि सेवाङ्नि खानानिन्एनान युङ।
मेन सेङ्लावाओ अ़चुसिवा सोम्तुक्मा, मिन्माचानुमा, सेवाङ्नि, हुङ्मा, सोम्तुक्मा खाङ्मुमा, नुलोक मुमायु, सोम्कुवामुमायु,
सेवाङ्निओ अ़छुम्मादा सेङ्लावाएनान अ़क्भोम लिमा लामानिन।
मोचिआ अ़मुवाओ अ़चुकाचिओ निकिना सोमातुक्याङ्सा तोक्पो साया मेत्तानुम्च़म। खोन्किना खानानिन अ़क्छा निएदा तोङानिन्कि युङानिन।
खोन्ओसा सावाछादाओ अ़अ़त्पा मिन्माचि छिरुचि, खोन्कि सेङ्याङ्ओ साकोङ्वाआ हाङ्पाओ अ़चुऩङ काब़क्चिएनान अ़क्नि साम्योक्मि, साकोङ्छ़ङ, सोमातुक्मा खोन्कि सेवाङ्निओ मित्चिऩङ्दा वाङा।
झारा म़नाचिएनान नुलोक तोङानिन्कि युङानिन। सेङ्ओ ह़ङ्म़ङ ह़ङानिन। सेङ्लो मान्ह़ङ्माङ साङ्आछाङ हाङ्पा अ़खान।
मो अ़अ़त्पादाङ्का लाने, खोन्कि अ़नुवाक काचि मुने। मोसाआ सेवाङ्नि लामुने खोन्कि मोङा त़ङ्तुने।
