रोमि 12:17 - बान्‍तावा राई

¹⁷ खानानिन अ़त्‍लोओ अ़फान्‌दा अ़त्‍लो मान्‍च़दानिन। खाक्‍को य़ङ झारा म़नाचिओ अ़चुबुदा अ़नुवाक मुयाङ, मोदा मिन्‍मा पाक्‍तानुम।

रोमि 12:17 ပူးပေါင်းရင်းမြစ်များ

मत्‍ति 5:24

आम्‍छुक्‍दाम ब़क्‍खाओ अ़बुदा छिरुदो, खोन्‍कि खारा। बुया आम्‍द़क्‍छाएनान तोङा, खोन्‍किना बानाकि ब़क्‍खादा आम्‍छुक्‍दाम पाउ।

मत्‍ति 5:39

मेन अ़ङ्‌का खानानिन लोनानिन, साङ अ़अ़त्‍पा मुयाङ, फित्‍चि मान्‍मुदानुम। मेन साङ्‌आ खाना आम्‍चुप्‍ताङ खोम्‍ताङ्‌मादा त़फेङ्‌नालो खो नि आम्‍खोम्‍ताङ्‌माछाङ तात्‍तु प़।

रोमि 12:19

निछाचि ओ, देम्‍खाछाङ आप्‍पि अ़फान मान्‍लात्‌दानिन, मेन निनाम्‍हाङ्‌ओ अ़चुमाइसुङ्‌दा लेत्‍तापुवानुम। देकिनालो छाप्‍तायुङ्‌सा, “अ़फान कालात अ़ङ्‌का ओ, अ़ङ्‌का अ़फान लात्‍तुङ।” नि निनाम्‍हाङ म़य़ङायुङ्‌सा।

रोमि 14:16

खोन्‌ओसा खाना दि अ़नुवाक्‌नि त़मित्‍तु, मोसाआ नि म़नाचि अ़त्‍लो चेप्‍माओ अ़लाम लिनालो मो मान्‍मुदो।

कलस्‍सि 4:5

साकोङ्‌छ़ङ मान्‍मुकादाचिएनान खारुएनान काचि मुवानिन, खोन्‍कि झारा अ़वाखाम्‌चि नुलोक याङानुम्‍च़म।

१ थेसलोनिकि 4:12

खोन्‌ओसा हाङ्‌पाएदा साकोङ्‌छ़ङ मान्‍मुकादा म़नाचिआ खानानिन साया ऩमेत्‍तिन, खोन्‍कि निचिएदा देम्‍खाछाङ दोत्‍मा अ़दोत्‍निन।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

१ थेसलोनिकि 5:22

खोन्‍कि झारा अ़अ़त्‍पा य़ङ्‌चिदाङ्‌का अ़थाया युङानिन।

१ तिमोथि 5:14

खोन्‌ओसा साथिकादोङ्‌दाङ्‌का अ़खुक्‌दाओ मेन्‍मित्‍माचि साया म़लाकाम्‍ने, छा म़तोक्‍ने, खोन्‍कि अ़चुखिम्‌चि म़खाचिनेनि अ़ङ्‌का यायोक प़ङ्‌च़ङ। मोवात्‍नि आन्‍ङेङ्‌चिआ आन्‍कान सुङ्‌मा अ़वाखाम ऩतोक्‍तुन।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 3:16

मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।