रोमि 12:13 - बान्‍तावा राई

¹³ निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

रोमि 12:13 ပူးပေါင်းရင်းမြစ်များ

मत्‍ति 25:35

देकिनालो अ़ङ्‌का सासुवाङ्‌याङ्‌हिदा खानानिन्‌आ अ़ङ्‌का चामायु त़पुवाङ्‌ऩङ। अ़ङ्‌का वामित्‍मा सुवाङ्‌याङ्‌हिदा खानानिन्‌आ अ़ङ्‌का दुङ्‌मा त़पुवाङ्‌ऩङ। अ़ङ्‌का तावाङ मुवाङ्‌याङ्‌हिदा खानानिन्‌आ साऩङ्‌वा त़मेत्‍ताङ्‌ऩङ।

छाम्‍माय़ङ 10:4

खोसोओ अ़क़मा काराकि खोएह्‍यात्‍नि होन्‍नि चोउदिसु, खोन्‍कि “हाङ्‌पो, दे त़य़ङिन्‌येन?”नि लो। खोन्‍कि निनाम्‍हाङ काफाआ खो लासुलो, “निनाम्‍हाङ्‌आ आम्‌यामात्‍मा अ़एनायुङ्‌सा, खोन्‍कि खाना मान्‍तोक्‍कादाचि मोहा त़प़चिओ अ़खायुङ्‌सा!

छाम्‍माय़ङ 4:35

मोसोओ अ़लुङ छाम्‍माय़ङ्‌चिएदा अ़ताराङा। खोन्‍कि मोचिआ खा-खाक्‍को म़हाप्‍तादिसाङा, खोचि म़हात्‍तुङुचि।

रोमि 12:8

यायोक प़मा ओनालो मोसाआ यायोक प़चिने। साङ्‌आ मोहा हासु, मोसाआ अ़नुवाक मिन्‍माआ हासुने, खो बुसुवा ओनालो खो चाअ़त्‍लो काचि मुने, सोमातुक्‍मा खाङ्‌मुमाओनालो अ़ऩङानुयाङ्‌सा खाङ्‌मुसुने।

१ कोरिन्‍थि 16:15

हान ब़ब़, नाना खोन्‍कि निछाचि ओ, खानानिन त़सिन्‍तुम्‌योम, स्‍तिफनास्‌ओ अ़खिम्‍लुम्‍पाचि अखैयादा बुयाओदु साकोङ्‌छ़ङ कामुचिओ, खोन्‍कि निनाम्‍हाङ्‌ओ अ़चुम़नाचिओ अ़चुकाचिदा खोचिङा म़वाङायुङ्‌सा।

२ कोरिन्‍थि 9:1

निनाम्‍हाङ्‌ओ अ़चुम़नाचि छुक्‍दाम प़माय़ङ्‌ओ अ़तुक्‌वादा अ़ङ्‌का खानानिन छाप्‍मा अ़दोत्‍निन।

२ कोरिन्‍थि 9:12

ओ काचिआ निनाम्‍हाङ्‌ओ अ़चुम़नाचिओ मान्‍तोक्‍दामा तेम्‍तु ओन्‍ङा माआङ, मेन च़लोक निनाम्‍हाङ आलाङ प़मायु चोङ्‌माङ्‌छाङ लोइसु।

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

तितस 1:8

खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

फिलेमोन 1:7

निछा ओ, खानाआ सोमात़तुक्‍तुचिओसा ब़द्‍धे अ़ङ्‌ऩङानुवायुङ्‌सा खोन्‍कि ब़द्‍धे अ़ङ्‌सोम सुवायुङ्‌सा, देकिनालो खानाआ निनाम्‍हाङ्‌ओ अ़म़नाचिओ अ़चुसाकोङ्‌वा चानुलो त़मेत्‍तुप़युङ्‌सुचि।

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

१ पत्रुस 4:9

छुऩङ्‌वा मान्‍मुमाङ अ़क्‍छाआ नितावाङ्‌चि ब़रानुम्‍च़म।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

३ युहन्‍ना 1:5

सोम्‍तुक्‍नाओ अ़ङ्‌यावा, खाना ब़ब़, नाना खोन्‍कि निछाचिओ निम्‍पाङ दिसु काचि त़मुनुछाङ सोम्‍कुवालुलो त़मु, च़लोक्‌वा तावाङ्‌चि ओ।