रोमि 12:10 - बान्‍तावा राई

¹⁰ अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

रोमि 12:10 ပူးပေါင်းရင်းမြစ်များ

मत्‍ति 20:26

आम्‍नुओ रादा ओवात्‍नि लिमा अ़नुनिन। मेन आम्‍नुओ रादा साङ तोक्‍पो लिमा लाम, खो आम्‍नुओ काब़त लिमादोत।

लुका 14:10

मेन खाना ऩबुत्‌हिदा खाराकि ह्‍युक्‍को छान्‌यु युङा। मोवात्‍नि त़च़नालो खाना चा काप़ ताकि खोसाआ खाना त़लो, ‘यावा, अ़धुवाचि युङ्‌खादा खारानिन्‌कि युङानिन।’ मोन्‍ग़रि खानाएनान चा-चासि कायुङ्‌चि झारासोओ अ़चुबुदा खाना साया त़तोक्‍तु।

युहन्‍ना 15:17

अ़ङ्‌का खानानिन लानालोनानिन, खानानिन अ़क्‍छा निएदा सोमातुक्‍कातुक मुवानिन।

युहन्‍ना 17:21

मोवात्‍नि मोचि झारा अ़क्‌तात म़लिने। आपो, देत्‍नि खानानिन अ़ङ्‌काएदा त़याइन्‌येन, खोन्‍कि अ़ङ्‌का खानानिन्‌एदा मोवात्‍निङा मोचिछाङ आन्‍काचिएदा म़याक्‍ने, खोन्‍कि खानानिन्‌आ अ़ङ्‌का त़छुत्‍ताङ्‌ऩङ्‍ओ निकिना हेन्‍खामादाओ म़नाचि साकोङ्‌छ़ङ म़मुने।

छाम्‍माय़ङ 4:32

साकोङ्‌छ़ङ कामुचि झारा अ़क साकोङ्‌वा खोन्‍कि अ़क मिन्‍मा म़लिसायुङ्‌सा, खोन्‍कि मोचिएदा युङाङाओ अ़चुचासुम्‍छेन्‍बिचि “अ़ङ्‌को ओन्‍ङा”नि मान्‌य़ङ्‌याङ्‌चि। मेन मोचि झारासोओ अ़चुचासुम्‍छेन्‍बिचि अ़क्‍छा निएदा म़हासुङुचि।

रोमि 13:7

छोन्‍मादोत्‌ओ झारा छोरानुम्‍च़म। दाम्‍दु छोन्‍मादोत्‌ओदा दाम्‍दु, नि अ़लुङ्‌चि छोन्‍मादोत्‌ओदा नि अ़लुङ्‌चि छोरानुम्‍च़म, सायामेत्‍मा दोत्‌ओचि साया मेत्‍तानुम्‍च़म खोन्‍कि साऩङ्‌वा मेत्‍मा दोत्‌ओचि साऩङ्‌वा मेत्‍तानुम्‍च़म।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

कलस्‍सि 1:4

देकिनालो ख्रिस्‍त येसुएदाओ आम्‍नुओ साकोङ्‌छ़ङ खोन्‍कि झारा निनाम्‍हाङ्‌ओ अ़चुम़नाचिएदाओ आम्‍नुओ सोमातुक्‍माओ अ़तुक्‌वादा आन्‍काच्‍या एनायुङ्‌साचुवा।

१ थेसलोनिकि 4:9

मेन साकोङ्‌छ़ङ कामुचिएदा सोमातुक्‍मुमाओ अ़तुक्‌वादा आन्‍कान्‍का खानानिन दित्‍छाङ छाप्‍मा अ़दोत्‍निन, देकिनालो अ़क्‍छा निएदा सोमातुक्‍मुमाओ निनाम्‍हाङ्‌आङा खानानिन ऩचिन्‍तिन्‌युङ्‌सिन।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

हिब्रु 13:1

बुवा निछा नाना खोन्‍कि निछामावा अ़क्‍छानिेएदा सोमातुक्‍कातुक मुवायुङ्‌सानिन।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:17

झारा म़नाचि साया मेत्‍तानुम्‍च़म। साकोङ्‌छ़ङ कामु ब़ब़, नाना खोन्‍कि निछाचि सोमातुक्‍तानुम्‍च़म। निनाम्‍हाङ कित्‍तानुम। हाङ साया मेत्‍तानुम।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

२ पत्रुस 1:7

साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

१ युहन्‍ना 4:11

सोमातुक्‍नाङ्‌नानिन्‌ओ यावाचि ओ, ओवात्‍नि निनाम्‍हाङ्‌आ ओन च़लोक आन्‍कान सोमाम़तुक्‍तानालो आन्‍कान्‌छाङ अ़क्‍छा निएदा सोमातुक्‍मुमादोत।

१ युहन्‍ना 4:20

साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।