रोमि 11:29 - बान्‍तावा राई

²⁹ देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

रोमि 11:29 ပူးပေါင်းရင်းမြစ်များ

रोमि 11:30

खानानिन निरावाचिछाङ अ़क्‍दु निनाम्‍हाङ्‌ओ अ़चुलोमाय़ङ मान्‍काङ्‌कादा त़मुन्‌येन, मेन ओग़रि इस्राएलिचि लोमावा मान्‍च़चिओसा खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

रोमि 8:30

साङ-साङ खोक्‍कोसाआ बुयाङा म़छेन्‍तुचि, मोचि खोक्‍कोसाआ म़बुत्‍तुचिछाङ। खोन्‍कि साङ्‌चि खोक्‍कोसाआ म़बुत्‍तुचि, मोचि खोक्‍कोसाआ साम्‌योक्‍मिछाङ म़काइसुचि, खोन्‍कि साङ-साङ साम्‌योक्‍मि म़काइसुचि, मोचि खोक्‍कोसाआ साम्‍स़रिओछाङ म़मुचि।

१ कोरिन्‍थि 1:26

ब़ब़, नाना खोन्‍कि निछाचि ओ, निनाम्‍हाङ्‌आ खानानिन ऩबुत्‍तिन्‌ओ ग़रिदा देत्‍नि त़मुन्‌येन, मो मित्‍तानुम। हेन्‍खामादाओ पोक्‌दावात्‍नि खानानिन्‌एदा ब़द्‍धेकापाङ खारु कातोक मान्‍मुत़दान्‌येन ब़द्‍धेकापाङ सावापोरिओ मान्‍मुत़दान्‌येन खोन्‍कि ब़द्‍धेकापाङ अ़च़वाङ खिम्‍लुम्‍पादाओ माआङ।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 4:4

पोक अ़क्‌तात्‌ङा ओ, खोन्‍कि सेङ्‌लावाछाङ अ़क्‌तात्‌ङा म़मुयाङ, मोवात्‍निङा खानानिन ऩबुत्‍तिन्‌हिदा अ़क्‌तात तामामिन्‍मादा ऩबुत्‍तिन्‌ओ।

फिलिप्‍पि 3:14

खोन्‌ओसा निनाम्‍मादुओ सिरिफा तोक्‍मा मित्‍चिऩङ्‌आ बुया लोत्‍ङाङा। निनाम्‍हाङ्‌आ ओसोओ निम्‍पाङ ख्रिस्‍त येसुलाम्‍पा निनाम्‍मादुत्‍नि ऩबुत्‍ताङ्‌ओ।

२ थेसलोनिकि 1:11

खोन्‌ओसा आम्‍नुओ निकि आन्‍कान्‍का अ़धुन यामारिन्‍का, आन्‍निनाम्‍हाङ्‌आ खानानिन ऩबुत्‍तिन्‌ओदा अ़नुवाक ह़ङ्‌म़ङ ह़ङ ऩमेत्‍तिन्‍ने। खोन्‍कि झारा आम्‍नुओ अ़नुवाक मित्‍चिऩङ खोन्‍कि साकोङ्‌छ़ङ्‌ओ काचि खोक्‍कोसोओ अ़चुसावालाम्‍पा ऩयाङ्‌सिन्‍प़न्‍ने।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 7:21

मेन किरे म़चाकि येसु काब़क अ़मुवाओ। निनाम्‍हाङ्‌आ खोक्‍को अ़लोवा, “हाङ्‌पा निनाम्‍हाङ किरे म़चायुङ्‌सा, खोन्‍कि खोक्‍कोसाआ अ़चुमिन्‍मा ऩफान्‍तुन, ‘खाना अ़धुन्‌तारिओ काब़क्‍पा ओ।’”

२ पत्रुस 1:10

खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।