रोमि 11:22 - बान्‍तावा राई

²² खोन्‌ओसा निनाम्‍हाङ्‌ओ अ़चुसोम्‍तुक्‍मा खोन्‍कि चाअ़त्‍लो छ़ङ्‌छेन्‍मा तुप्‍तु। हेवा कामुचि चाअ़त्‍लो म़मुचि, मेन निनाम्‍हाङ्‌ओ अ़चुसोम्‍तुक्‍मादा त़युङ्‌युङ्‌नालो खाना खोक्‍कोसाआ सोमाऩतुक, माङ्‌नालो खानाछाङ ऩधेन्‍खान।

रोमि 11:22 ပူးပေါင်းရင်းမြစ်များ

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

युहन्‍ना 8:31

येसुआ खोक्‍कोएदा साकोङ्‌छ़ङ कामु यहुदिचि म़लोचि, “खानानिन अ़ङ्‌चिन्‍माय़ङ्‌दा त़युङिन्‌नालो खानानिन अ़नुछ्‍या अ़ङ्‌काखेङ्‌चि ओ।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

रोमि 11:21

देकिनालो निनाम्‍हाङ्‌आ अ़नुछ्‍याओ अ़चुखेत्‍चिङा मान्‍हेन्‍म़दोचिनालो खानाछाङ ऩहेन्‍नान।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

१ कोरिन्‍थि 15:2

अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम।

गलाति 6:9

अ़नुवाक काचि मुमाआ आन्‍कान म़होत्‍निन्‍ने, देकिनालो मोवात्‍नि आन्‍राक अ़स़निन्‌नालो तोङ्‌ओ अ़ग़रिदा आन्‍कान कोउम।

१ थेसलोनिकि 3:5

खोन्‌ओसा, अ़ङ्‌का च़लोक आङ्‌मा मान्‍ऱङाकिना आम्‍नुओ साकोङ्‌छ़ङ्‌ओ अ़तुक्‌वादा सिन्‍मा निकिना अ़ङ्‌का तिमोथि छुत्‍तुङ। सैतानाआ खानानिन चिन्‍माखाङ्‌मादा ऩधान्‍तिन्‌कि आन्‍कान्‍का मुम्‍काओ काचि सोज्‍जे लिसा हे निकिना अ़ङ्‌क़माकारा।

१ थेसलोनिकि 3:8

देकिनालो खानानिन हाङ्‌पा येसुएदा सोम्‍कुवा नुलोक त़मुन्‌नालो आन्‍कान्‍का ऩङानुयाङ्‌सा ह़ङ्‌मा ऱन्‍का।

हिब्रु 10:23

आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

खाङ्‌मुमा 2:5

खोन्‌ओसा निनाम्‍हाङ्‌ओ अ़चुखाङ्‌मादाङ्‌का खाना त़धाखाराओ, मो मित्‍तु, खोन्‍कि अ़ङ्‌काएदा लासाता, खोन्‍कि खाना बुया त़मुङुओ काचिचि मुचि। खाना अ़ङ्‌काएदा त़लानान्‍तानान्‌नालो अ़ङ्‌का खानाएदा ताङाकि आम्‍कुपियुङ्‌खा मोसोओ अ़युङ्‌खादाङ्‌का चुमुङ।