रोमि 10:9 - बान्‍तावा राई

⁹ मो खाना “येसु अ़ङ्‌हाङ्‌पा”नि य़ङ्‌सा आम्‍दोआ त़लोउ खोन्‍कि निनाम्‍हाङ्‌आ खोक्‍को म़सुवादाओदाङ्‌का अ़खोन्‍तालोइसा निकिना आम्‍साकोङ्‌वादा साकोङ्‌छ़ङ त़मुनालो खाना ऩलेन।

रोमि 10:9 ပူးပေါင်းရင်းမြစ်များ

लुका 12:8

“अ़ङ्‌का खानानिन लोनानिन, साङ्‌आ म़नाचिओ अ़चुबुदा अ़ङ्‌का अ़लोक्‍ङा, अ़ङ्‌का म़नाओ अ़छाआछाङ निनाम्‍हाङ काफाचिओ अ़चुबुदा मो लोउङ।

युहन्‍ना 9:22

मोसोओ अ़मा-अ़पाचि ओवात्‍नि य़ङाचि, देकिनालो खोचि यहुदि बुसुवाचिदाङ्‌का क़साङाचि। देकिनालो साङ्‌आ येसुङा ख्रिस्‍त ओ निकिना लोउनालो मो यावायोक्‍खिम्‌दाङ्‌का लोन्‍माखान्‍मादोत निकिना यहुदिचि बुयाङा याम़योआयुङ्‌सा।

छाम्‍माय़ङ 16:31

खोन्‍कि खोचिआ अ़लासालोवाचु, “हाङ्‌पा येसुएदा साकोङ्‌छ़ङ मुवा, खाना खोन्‍कि आम्‍खिम्‌दाओचि त़लेरिन।”

छाम्‍माय़ङ 2:24

खोन्‍नुछाङ निनाम्‍हाङ्‌आ खोक्‍को स़मादामाओ अ़चाअ़त्‍मादाङ्‌का अ़फोङ्‌साकि म़सुवादाओदाङ्‌का अ़लासाखोन्‍तालोइसा, देकिनालो खोक्‍को स़माओ अ़सावाआ लाप्‍मायुङ्‌मा मान्‍ऱदो।

छाम्‍माय़ङ 2:32

ओ येसुङा निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोन्‍कि ओ य़ङ्‍ओ आन्‍कान झारा अ़सालुम्‍स़ङ युङिन्‌येन।

छाम्‍माय़ङ 8:36

खोन्‍कि खोचि लाम्‌दा खाराङाचिहिदाङा अ़क्‍चित चाक्‌वा याआङाओदा तालाचि, खोन्‍कि मो अ़सावाऱक क़प्‍माय़ङ्‍आ फिलिप लो, “खा-खानुम, ओदा चाक्‌वा याक्‌याङ। अ़ङ्‌का बप्‍तिस्‍मा लोक्‍मा दिसाआ अ़छेक्‍ङा कि?” [

रोमि 10:10

देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

रोमि 14:11

देकिनालो छाप्‍तायुङ्‌सा, “हाङ्‌पा म़य़ङ्‌याङ, ‘देत्‍नि अ़ङ्‌का अ़ह़ङ मुङाङा, झारा तुम्‍प़छ़क अ़ङ्‌बुदा तोम्‍मादोत, खोन्‍कि झारा लेम्‌आ निनाम्‍हाङ्‌ओ अ़चुऩङ चोन्‍मादोत।’”

रोमि 14:9

देकिनालो म़सुवादाओचि खोन्‍कि काह़ङ्‌चि ह्‍वातात्‍माङ्‌सोओ अ़चुहाङ्‌पा लिमा निम्‍पाङ ख्रिस्‍त म़सुवादा खोन्‍कि म़लासाखोन्‍तालोन्‍ता।

रोमि 4:24

मेन आन्‍को निम्‍पाङ्‌छाङ ओ। आन्‍कान येसु आन्‍हाङ्‌पा म़सुदाओदाङ्‌का काखोन्‍लोन्‌एदा साकोङ्‌छ़ङ मुन्‍लो निनाम्‍हाङ्‌आ आन्‍कान्‌छाङ साम्‌योक्‍मि म़कान।

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

१ कोरिन्‍थि 12:3

खोन्‌ओसा खानानिन्‌आ ओ य़ङ तुप्‍तानुम्‌नि अ़ङ्‌का मिन्‍ङा, निनाम्‍हाङ्‌ओ अ़चुलावालाम्‍पा काचेप साङ्‌आछाङ “येसु माङ्‌हिम्‍ने”नि अ़य़ङ्‌निन, खोन्‍कि सेङ्‌लावालाम्‍पा ओन्‍ङा “येसुङा हाङ्‌पा ओ”नि य़ङ्‌मा ऱ।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।