रोमि 10:19 - बान्‍तावा राई

¹⁹ अ़ङ्‌का लाङाखासेन्‍ङा, दि इस्राएलि म़नाचिआ मान्‍तुप्‌अ़दा? माआङ, मोचिआ अ़तुप्‍ता। निनाम्‍हाङ्‌य़ङ खाकालु मोसा य़ङ, “खाक्‍को अ़क्‌तात रावाङा माआङ, अ़ङ्‌का खानानिन मो म़नाचिदाङ्‌का ऩङ्‌च़ मुमेत्‍तुङ्‌च़ङ, अ़क्‌तात खामान्‍सिन रावालाम्‍पा अ़ङ्‌का खानानिन आम्‍नुओ च़ऱपाकात्‍लो मुमेत्‍तुङ्‌च़ङ।”

रोमि 10:19 ပူးပေါင်းရင်းမြစ်များ

रोमि 10:18

मेन अ़ङ्‌का खासेन्‍ङा, दि मोचिआ मान्‌एन्‌अ़युक? अ़नुछ्‍याङा मोचिआ अ़एनायुङ्‌सा, देकिनालो “मोचिओ अ़चुय़ङ्‌चि झारा हेन्‍खामादा तालायुङ्‌सा, खोन्‍कि मोचिओ अ़चुय़ङ्‌खान्‌आ हेन्‍खामा भेप्‍तायुङ्‌सा।”

रोमि 11:11

खोन्‌ओसा अ़ङ्‌का य़ङ्‌ङा, दि मोचि अ़धुन धाम्‍मा निम्‍पाङ म़धुङ्‌साओ? देम्‍खाछाङ माआङ! मेन इस्राएल हेवा मुवाओसा निरावाचिएदा लेन्‍मा ता, देकिनालो इस्राएल्‌छाङ लेत्‍माओ निम्‍पाङ ऩङ्‌च़ मुने।

रोमि 11:14

अ़ङ्‌का मिन्‍ङा, मोवात्‍नि, अ़ङ्‌यहुदि रावाचि ऩङ्‌च़ मुमेत्‍मा ऱङ्‌च़ङ्‌ने, खोन्‍कि मोचिएदाओ खा-खाक्‍कोचि लेन्‍मा ऱङ्‌च़ङ्‌ने।

रोमि 3:26

निनाम्‍हाङ आप्‍पि साम्‌योक्‍मि म़मुयाङ्‌ओ खाङ्‌मुमा खोन्‍कि येसुएदा साकोङ्‌छ़ङ कामुचि साम्‌योक्‍मि मुमा, निनाम्‍हाङ्‌आ अ़चुछा म़पुवा।

१ कोरिन्‍थि 1:12

अ़ङ्‌का य़ङ्‌मा लाम्‍ङाङाओ य़ङ ओङा ओ, खानानिन्‌एदा खा-खाक्‍कोसाआ “अ़ङ्‌का पावल्‌ओ ओ”, “अ़ङ्‌का अपोल्‍लोस्‌ओ ओ”, “अ़ङ्‌का केफास्‌ओ ओ” खोन्‍कि “अ़ङ्‌का ख्रिस्‍तओ ओ”नि त़य़ङिन्‌येन्‌नि।

१ कोरिन्‍थि 10:19

अ़ङ्‌का दे य़ङ्‌ङाङा म़ल़क? सेम्‍पोक हेन्‍खोक्‌वा प़माओ अ़काचि याक्‌याङ? माङ्‌लो सेम्‍पोक अ़नुछ्‍याओ माङ्‌चि ओ?

१ कोरिन्‍थि 11:22

चामा खोन्‍कि दुङ्‌माओ निकिना दि आम्‍नुओ खिम्‌चि मात्‍द़ङ्‌चि कि? माङ्‌लो दि खानानिन निनाम्‍हाङ्‌ओ अ़चुसाम्‍भुङ्‌चि त़सुङुम्‍च़म खोन्‍कि मान्‍तोक्‍कादाचि अ़चुसाया त़पेप्‍तुम्‍च़म? अ़ङ्‌का खानानिन दे लोमा? दि अ़ङ्‌का खानानिन ओसोओ निम्‍पाङ चोन्‍मा? माआङ, अ़ङ्‌का अ़चोन्‍नानिमिन।

१ कोरिन्‍थि 12:2

खानानिन त़सिन्‍तुम्‌योम, खानानिन साकोङ्‌छ़ङ मान्‍मुत़युक्‍तिन्‌हिदाछाङ, आम्‍नुओ मिन्‍मा सारुकिना खानानिन अ़चेप्‍निन्‌ओ सेम्‍पोक्‌चिदात्‍नि त़थेमिन्‍खारिन।

१ कोरिन्‍थि 15:50

हान ब़ब़, नाना खोन्‍कि निछाचि ओ, अ़ङ्‌का खानानिन ओवात्‍नि लोनानिन, सा खोन्‍कि ह़ निनाम्‍हाङ्‌ओ अ़चुहाङ्‌होन्‌दुओ पाङ्‌यि लिमा अ़ऱनिन। ओ म़स़दाओ पोक्‌चिआ अ़धुन युङ्‌युङ्‌ओ पाङ्‌यि तोक्‍मा ऩऱन।

१ कोरिन्‍थि 7:29

ब़ब़, नाना खोन्‍कि निछाचि ओ, अ़ङ्‌का य़ङ्‌ङाङाओ ओङा ओ, ग़रि दुन्‌याङ, खोन्‍कि हान्‌दाङ्‌का खिम्‍हाङ्‌मा कातोक्‌चि खिम्‍हाङ्‌मा मात्‍द़ङ्‌वा म़लिकि म़युङ्‌ने।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

१ पत्रुस 2:10

बुया खानानिन निनाम्‍हाङ्‌ओ अ़चुम़नाचि माआङ्‌ओ, मेन हान खानानिन निनाम्‍हाङ्‌ओ अ़चुम़नाचि ओ। बुया खानानिन्‌आ निनाम्‍हाङ्‌ओ अ़चुसोम्‍तुक्‍मा मान्‍तोक्‍त़दोम, मेन हान खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।