रोमि 10:10 - बान्‍तावा राई

¹⁰ देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

रोमि 10:10 ပူးပေါင်းရင်းမြစ်များ

मर्कुस 9:23

खोन्‍किना येसुआ खो अ़लोवा, “देकि त़ऱम्‌नालोनि त़य़ङ्‌याङ ओ? साङ साकोङ्‌छ़ङ मु, खोसोओ निकि झारा य़ङ्‌चि लिमा म़ऱ।”

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

छाम्‍माय़ङ 8:37

फिलिप्‌आ खो लासु लो, “आम्‍साकोङ्‌वा हुत्‌याङ्‌का येसु ख्रिस्‍तएदा साकोङ्‌छ़ङ त़मुनालो खाना बप्‍तिस्‍मा लोक्‍मा त़ऱ।” अ़सावाऱक क़प्‍माय़ङ्‍आ लो, “येसु ख्रिस्‍त निनाम्‍हाङ्‌ओ अ़चुछा ओ निकिना अ़ङ्‌का साकोङ्‌छ़ङ मुङा।”]

रोमि 10:11

देकिनालो साम्‍कालिन य़ङ्‌याङ, “खोक्‍कोएदा साकोङ्‌छ़ङ कामु साङ्‌छाङ लेजोदा अ़छुक्‍निन।”

रोमि 10:9

मो खाना “येसु अ़ङ्‌हाङ्‌पा”नि य़ङ्‌सा आम्‍दोआ त़लोउ खोन्‍कि निनाम्‍हाङ्‌आ खोक्‍को म़सुवादाओदाङ्‌का अ़खोन्‍तालोइसा निकिना आम्‍साकोङ्‌वादा साकोङ्‌छ़ङ त़मुनालो खाना ऩलेन।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

फिलिप्‍पि 3:9

खोन्‌ओसा अ़ङ्‌का झारा खोक्‍कोएदा अ़क्‍नि मुमान्‍चिन ऱङाने। य़ङ्‌हुप मुयाङ्‌सा अ़ङ्‌का साम्‌योक्‍मि लिमा अ़ऱऩङ, मेन अ़ङ्‌साम्‌योक्‍मि ओङा ओ, मो ख्रिस्‍तएदा याक, मो साकोङ्‌छ़ङ्‌लाप्‍मा निनाम्‍हाङ्‌एदाङ्‌का ताओ साम्‌योक्‍मि ओ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।