रोमि 1:32 - बान्‍तावा राई

³² ओवाको काचि कामुचि स़मा खान्‍तुचि निकिना निनाम्‍हाङ्‌ओ अ़चुसाम्‌योक्‍मि य़ङ्‌हुप मोचिआ अ़सिन्‌याङ। खोन्‍नुछाङ, मोचिआ ओ काचिचि मुमा ओन्‍ङा माआङ, मेन मोवाको काचिचि मुमा राक नि म़नाचिछाङ म़प़चि।

रोमि 1:32 ပူးပေါင်းရင်းမြစ်များ

लुका 11:48

ओवात्‍नि खानानिन आम्‍नुओ सुन्‍तुम्‌चिओ अ़चुकाचिदा सालुम्‍स़ङ त़युङिन्‌येन खोन्‍कि मोचिएनान त़काङ्‌सिन। देकिनालो मोचिआ बुयाओ निनाम्‍हाङ्‌य़ङ खाकालुचि म़सेरुचि, खोन्‍कि खानानिन मोचिओ अ़चुएप्‍माचि आम्‍नुओ ऩङानुयाङ्‌सा त़चोङ्‌सुम्‍च़म।

छाम्‍माय़ङ 22:20

खोन्‍कि आम्‍नुओ सालुम्‍स़ङ काप़ स्‍तिफनस लुङ्‌ताक्‌आ अ़वेरासेराकि अ़ह़ सोलाङाहिदा अ़ङ्‌काछाङ काङ्‌साङ्‌कि मोदाङा एवाङ्‌याङ। खोन्‍कि अ़ङ्‌का खो कासेत्‍चिओ अ़चुतित्‌चि हुङुङ्‌योङ्‌च़ङ।’

छाम्‍माय़ङ 8:1

स्‍तिफनस लुङ्‌ताक्‌आ वेन्‍मासेत्‍मादा सावल काङ्‌सा। मो लेन्‌ङा यरुसलेम्‌दा साम्‍भुङ्‍ओ अ़देङ्‌सालाप्‍पादा म़नाचिआ चाअ़त्‍लो दुखा प़मा म़पुक्‍तुचि। खोन्‍कि छाम्‍माय़ङ्‌चिदाङ्‌का नि झारा साकोङ्‌छ़ङ कामुचि यहुदिया खोन्‍कि सामरिया धिखाहुप्‌चिदात्‍नि म़रिसाखारा।

रोमि 1:18

निनाम्‍हाङ्‌ओ अ़चुच़ऱपा झारा म़नाचिओ अ़चुहेवा खोन्‍कि अ़चुओ अ़अ़त्‍पाओ अ़देङ्‌सालाप्‍पादा निनाम्‍मादुङ्‌का खाङ्‌मुसायुङ्‌सा। मो अ़चुओ अ़अ़त्‍पा काचिआ अ़छ़ङ तिमुयुङ्‌सु।

रोमि 1:21

देकिनालो मोचिआ निनाम्‍हाङ अ़सिन्‍ताकिछाङ निनाम्‍हाङ्‌ओ अ़चुऩङ मान्‍लोङ्‌अ़दा, ना मोचिआ आलाङ्‌ङा अ़पुवा, मेन मोचिओ अ़चुमिन्‍मा सोज्‍जेओ लिसा, खोन्‍कि मोचिओ खामान्‍सिन अ़चुसाकोङ्‌वा कुइयामा लिसा।

रोमि 6:21

मोन्‍ग़रि त़मुम्‌ओ य़ङ्‌चिदा आइमित आम्‍नुओ लेजो कात, मो य़ङ्‌चिदाङ्‌का खानानिन्‌आ दि त़तोक्‍तुम? मोसोओ अ़सिवा स़मा ओ।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

२ थेसलोनिकि 2:12

खोन्‌ओसा अ़छ़ङ य़ङ्‌दा साकोङ्‌छ़ङ मान्‍मुमाङ मान्‍साम्‌योक्‍मिदा सेवाङ्‌नि कालि झाराकापाङ ह़त्‍मादा म़छुक।