रोमि 1:30 - बान्‍तावा राई

³⁰ खोन्‍कि कासुङ, निनाम्‍हाङ ऩङाकाछित, ऱक्‍भाक, ऱफोक्‌वा खोन्‍कि तोक्‍पो कालि, अ़अ़त्‍पा काचि कामुचि, अ़चुपामाचिआ म़लोचिवा मान्‍च़कादा,

रोमि 1:30 ပူးပေါင်းရင်းမြစ်များ

मत्‍ति 15:4

देकिनालो निनाम्‍हाङ म़य़ङायुङ्‌सा, ‘आम्‍नुओ पापा खोन्‍कि मामाचि साया मेत्‍तानुम्‍च़म,’ खोन्‍कि खोक्‍को म़य़ङ, ‘साङ अ़पा माङ्‌लो अ़माओ अ़देङ्‌सालाप्‍पादा अ़त्‍लो चेप, मो सेत्‍माङादोत।’

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

लुका 21:16

मेन आम्‍नुओ मामा पापाचि खोन्‍कि बुवा, निछाचि, नि आम्‍नुओ म़नाचि खोन्‍कि यावाचिआछाङ खानानिन ऩधान्‍तिन्‌कि खा-खाक्‍कोचि ऩसेरिन।

युहन्‍ना 7:7

हेन्‍खामाआ खानानिन ऩङात़छिरिमिन, मेन अ़ङ्‌का ना ऩङाअ़छित्‍ङा। देकिनालो हेन्‍खामाओ काचिचि अ़अ़त्‍पा म़मुयाङ निकिना अ़ङ्‌का सालुम्‍स़ङ प़ङ।

छाम्‍माय़ङ 5:36

देकिनालो अ़चित्‌कादोङ बुया थुदास तोक्‍पो म़नानि लोनान्‍चिन्‍सा रोमिचिओ अ़चुदेङ्‌सालाप्‍पादा पुवालोन्‍ता। खोन्‍कि आप्‍फात चार सये म़नाचिआ खो अ़त़ङ्‌ता। खो रात्‍खामिचिआ अ़सेरा, खोन्‍कि खो कात़ङ्‌चि झारा म़रिसाखारा, खोन्‍कि मो म़नाचि देत्‍छाङ च़मा मान्‍ऱचि।

रोमि 2:17

मेन खानानिन यहुदिचिओनि य़ङ्‌सा य़ङ्‌हुप्‌दा सोम्‍कुवा त़मुन, खोन्‍कि निनाम्‍हाङ्‌एनान्‌ओ आम्‍नुओ तुम्‍मादा ऱक्‍भाक त़मुन्‌येन,

रोमि 2:23

खाना य़ङ्‌हुप्‌दा तोक्‍पो त़लि, मेन दि खानाङा य़ङ्‌हुप त़काक्‍तुकि निनाम्‍हाङ्‌ओ अ़चुसाया त़पेप्‍तुङु?

रोमि 3:27

खोन्‍नालो दिसोओ अ़तुक्‌वादा ऱक्‍भाक मुमा? ऱक्‍भाक मुमायु दित्‍छाङ मात्‍द़ङ! दि आन्‍कान य़ङ्‌हुप्‌वा च़न्‌ओसा ओ? माआङ! मेन ओ ना साकोङ्‌छ़ङ्‌ओ अ़तुक्‌वाआ ओ।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

२ थेसलोनिकि 2:4

खोसाआ निनाम्‍हाङ खोन्‍कि झारा म़नाचिआ म़ब़क्‍तुङुचिओचिओ अ़चुदेङ्‌सालाप्‍पादा फित्‍चि मुचि खोन्‍कि मोचिदाङ्‌का आप्‍पि तोक्‍पो मुनान्‍चिन। खोन्‌ओसा, आप्‍पिङा निनाम्‍हाङ नि झारा खाएत्‌याङ्‌सा निनाम्‍हाङ्‌ओ अ़चुब़क्‍खाखिम्‌दा मो युङ।

२ तिमोथि 3:2

मनाचि आप्‍पि ओन्‍ङा सोमाकातुक्‍नान्‍चिन, फेक्‌वा च़क्‍ख़य़ कामु, ऱफोक्‌वा, राखाङ्‌थेत, कासुङ, अ़चुमापाआ लोमावा मान्‍च़कादा, मान्‌आलाङ्‌मि खोन्‍कि ऩसेङ्‌निनिन्‌ओ म़मु।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

याकुब 3:5

मोवात्‍निङा लेम उन्‍चित्‍को मुयाङ्‌नुछाङ अ़धिवो य़ङ्‌चिदा ऱक्‍भाक मु। अ़क्‌तात अ़चुप्‍पो मि छेन्‌वाआ अ़धिवो खोक्‍लिछाङ राङ्‌तुखाइसु।

याकुब 4:16

मेन खानानिन तोक्‍पो त़लिसिन्‌कि ऱक्‍भाक त़मुन, खोन्‍कि झारा ओवाको तोक्‍पो लिमा अ़अ़त्‍पा ओ।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

यहुदा 1:16

छुऩङ्‌वा कामु म़नाचि, काऱक्‌चि, अ़चुअ़त्‍लो मित्‍मादा काकोन्‌चि, ऱफोक्‌वा य़ङ काचेप्‌चि खोन्‍कि अ़चुओ तोक्‍माओ निम्‍पाङ नि म़नाचि वाकालेङ ओचिङा ओ।