रोमि 1:17 - बान्‍तावा राई

¹⁷ देकिनालो नुय़ङ्‌खान्‌आ म़नाचि निनाम्‍हाङ्‌ओ अ़चुबुदा देत्‍नि साम्‌योक्‍मि कान्‌नि खाङ्‌मुसु। मो साम्‌योक्‍मि आन्‍कान्‌एदा साकोङ्‌छ़ङ्‌लाम्‍पा झारा ता। साम्‍कालिन्‌दा ओवात्‍नि छाप्‌याङ, “साम्‌योक्‍मि साकोङ्‌छ़ङ्‌लाम्‍पा ह़ङ।”

रोमि 1:17 ပူးပေါင်းရင်းမြစ်များ

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

रोमि 10:3

देकिनालो निनाम्‍हाङ्‌दाङ्‌का ताओ साम्‌योक्‍मिओ अ़तुक्‌वादा मान्‍सिन्‌अ़दा खोन्‍कि मोचिआ आप्‍पिओ अ़चुकाचिआ अ़नुवाक लिमा म़लामा। मोवात्‍नि मोचि निनाम्‍हाङ्‌एदा प़मान्‍चिन म़छुन्‍ता।

रोमि 3:21

मेन हान, य़ङ्‌हुप मान्‍त़ङ्‌माङ निनाम्‍हाङ्‌आ म़नाचि साम्‌योक्‍मि म़मुचि निकिना आन्‍कान खाङ्‌म़मेत्‍तायुङ्‌सा। मोसोओ अ़तुक्‌वादा य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुओ छाप्‍लाखादा अ़सालुम्‍स़ङ अ़पुवायुङ्‌सा।

रोमि 3:22

येसु ख्रिस्‍तदा झारा साकोङ्‌छ़ङ कामुचिएदा निनाम्‍हाङ्‌दाङ्‌काओ साम्‌योक्‍मि साकोङ्‌छ़ङ्‌लाम्‍पा ता। देकिनालो निनाम्‍हाङ्‌आ यहुदि खोन्‍कि निरावाचिओ अ़चुरादा लिप्‍पा ऩवाङ्‌निन,

रोमि 3:3

मेन मोचिएदाङ्‌का खा-खाक्‍कोचि निनाम्‍हाङ्‌ओ अ़चुय़ङ सोम्‍कुवा मान्‍मुचिहिदा दि निनाम्‍हाङ्‌आ अ़चुहिप्‍माय़ङ अ़काक्‍ता?

रोमि 9:30

हान आन्‍कान दे य़ङिन म़ल़क? साम्‌योक्‍मि मान्‍त़ङ्‌कादा निरावाचिआ साम्‌योक्‍मि अ़तोक्‍तायुङ्‌सा, मो साकोङ्‌छ़ङ्‌लाम्‍पाओ साम्‌योक्‍मि ओ।

२ कोरिन्‍थि 3:9

काह़त य़ङ्‌हुप साम्‍स़रिओ मुवाङानालो साम्‌योक्‍मि काकान काचि मोदाङ्‌का च़लोक साम्‍स़रिओ मु।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

गलाति 3:11

निनाम्‍हाङ्‌ओ अ़चुबुदा य़ङ्‌हुप्‌लाम्‍पा खाक्‍कोछाङ म़ना साम्‌योक्‍मि अ़कान्‍निन्‌ओ य़ङ छेङ्‌छेङ्‌छेङ्‌वा मुयाङ। देकिनालो “साम्‌योक्‍मि साकोङ्‌छ़ङ्‌लाम्‍पा ह़ङ।”

फिलिप्‍पि 3:9

खोन्‌ओसा अ़ङ्‌का झारा खोक्‍कोएदा अ़क्‍नि मुमान्‍चिन ऱङाने। य़ङ्‌हुप मुयाङ्‌सा अ़ङ्‌का साम्‌योक्‍मि लिमा अ़ऱऩङ, मेन अ़ङ्‌साम्‌योक्‍मि ओङा ओ, मो ख्रिस्‍तएदा याक, मो साकोङ्‌छ़ङ्‌लाप्‍मा निनाम्‍हाङ्‌एदाङ्‌का ताओ साम्‌योक्‍मि ओ।

हिब्रु 10:38

मेन अ़ङ्‌साम्‌योक्‍मि म़ना साकोङ्‌छ़ङ्‌लाम्‍पा ह़ङ। खोन्‍कि खो देङ्‌सालानालो अ़ङ्‌का खोएदा अ़ङ्‌ऩङा अ़नुनिन।”