रोमि 1:13 - बान्‍तावा राई

¹³ ब़ब़, नाना खोन्‍कि निछाचि ओ, अ़ङ्‌का खानानिन्‌आ सिन्‍तानुम्‌नि मिन्‍ङा, अ़ङ्‌का खानानिन्‌एदा ब़द्‍धेकादु बान्‍मानि मिनाङ, मेन आय़तारि अ़ङ्‌का दि-दिसाआ अ़छेक्‍ताङ्‌युङ्‌साङ। देत्‍नि अ़ङ्‌का नि म़नाचिओ अ़चुरादा सिवा कोउङ, मोवात्‍निङा आम्‍नुओ रादाछाङ कोप्‍मानि मिन्‍ङाङा।

रोमि 1:13 ပူးပေါင်းရင်းမြစ်များ

युहन्‍ना 12:24

अ़नुछ्‍याङा अ़ङ्‌का खानानिन लोनानिन, छुमाचाओ अ़ल़वा बाखादा धाकि अ़स़निन्‌नालो मो अ़क्‍बोप ओन्‍ङा लि। मेन मो स़नालो मोसाआ ब़द्‍धे अ़सिवा सिसु।

युहन्‍ना 15:16

अ़ङ्‌का खानानिन्‌आ मान्‍छेन्‍त़दाङ्‌ऩङ, मेन अ़ङ्‌का खानानिन छेन्‍नानिन खोन्‍कि खानानिन खात्‍मा छाम्‍नानिन। खानानिन खारानिन खोन्‍कि सिवा लिसानिन, खोन्‍कि आम्‍नुओ सिवा याक्‌युङ्‌ने। खोन्‍किना खानानिन्‌आ अ़ङ्‌पापा अ़ङ्‌ऩङ्‌दा दि त़दोत्‍तुम, खोक्‍कोसाआ खानानिन मो ऩप़न।

युहन्‍ना 4:36

साङ्‌आ चा कोउ मोसाआ अ़लुङ तोक्‍तुयुङ्‌सु, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ अ़सिवा कोउयुङ्‌सु, खोन्‌ओसा कावेत खोन्‍कि काकोप अ़क्‍नि अ़चुऩङानु।

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 15:12

खोन्‍किना म़कोवान्‍चिन्‌ओ झारा म़नाचि वाइवेत म़युङा, खोन्‍कि निरावाचिओ अ़चुरादा खोचिलाम्‍पा बुन्‌चि खोन्‍कि म़दोम्‍दाओ काचिचि निनाम्‍हाङ्‌आ अ़मुवाओ अ़तुक्‌वादा बारनाबास खोन्‍कि पावल्‌आ खाअ़लुसाचुओ खोचिआ अ़एना।

छाम्‍माय़ङ 19:21

ओ झारा म़लिसाचिआकि पावल माकेदोनिया खोन्‍कि अखैया धिखाहुप्‌ओ लाम लियाङ्‌सा यरुसलेम खात्‍मा अ़छ़ङ मु। खो य़ङा, “अ़ङ्‌का मोदा ताङालाङाकि रोम सहराछाङ खात्‍मादोत।”

छाम्‍माय़ङ 21:19

पावल्‌आ मोचि सेवा मेत्‍तुचिकि खोसोओ अ़काचिलाम्‍पा निनाम्‍हाङ्‌आ निरावाचिओ अ़चुरादा अ़मुवाओ झारा काचिचि अ़सिसिपेन खाएत्‍तुचि।

छाम्‍माय़ङ 28:14

मोदा आन्‍कान्‍का अ़क्‍चित्‌कापाङ हाङ्‌पा येसुएदा साकोङ्‌छ़ङ कामुचि धिरुम्‍च़म्‍का। आन्‍कान्‍का खोचिएनान अ़क्‍साता युङ्‌सि ऩबुत्‍तिन्‍का। खोन्‍किना आन्‍कान्‍का रोम सहराह्‍यात्‍नि खारिन्‍का।

रोमि 1:12

अ़ङ्‌य़ङ्‍ओ अ़तुप्‍माय़ङ ओङा ओ, आम्‍नुओ खोन्‍कि अ़ङ्‌को, आन्‍साकोङ्‌छ़ङ्‌लाम्‍पा आन्‍कान अ़क्‍छा निएदा राक तोक्‍मा ऱम्‍ने।

रोमि 11:25

ब़ब़, नाना खोन्‍कि निछाचि ओ, आम्‍नुओ आप्‍पिओ तोक्‍पोदा काले लिमा त़लामिन हे निकिना खानानिन्‌आ ओ अ़कोङ्‌दुम त़तुप्‍तुम्‍नेनि अ़ङ्‌का मिन्‍ङाङा। तामादोत्‌ओ झारा निरावाचि ख्रिस्‍तदा ऩतानिन्‌तारि इस्राएलिचिओ अ़चुसाकोङ्‌वा छाक्‍लो लि।

रोमि 7:1

ब़ब़, नाना खोन्‍कि निछाचि ओ, खानानिन य़ङ्‌हुप कासिन्‍चि, दि म़ना ह़ङ्‌याङ्‌तारि ओन्‍ङा य़ङ्‌हुप्‌आ लाउ निकिना त़सिन्‍तिमिन्‌येन?

१ कोरिन्‍थि 1:10

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌लाम्‍पा खानानिन अ़ङ्‌का लोनाङ्‌नानिन, खानानिन झारा अ़क्‍छा निएदा तोङानिन खोन्‍कि आम्‍नुओ रादा मान्‍फेक्‍दानिन, मेन खानानिन अ़क्‍मिन्‍माओ खोन्‍कि अ़क्‍मित्‍चिऩङ्‍ओ लिसानिन।

१ कोरिन्‍थि 10:1

ब़ब़, नाना खोन्‍कि निछाचि ओ, खानानिन ओ य़ङ सिन्‍तानुम्‌नि अ़ङ्‌का मिन्‍ङाङा, आन्‍सुन्‍तुम्‌चि झारा य़वारि भेन्‌दा म़युङाङा, खोन्‍कि झारा धियाङ्‌वामा लाम लियाङ्‌सा म़खारा।

१ कोरिन्‍थि 12:1

ब़ब़, नाना खोन्‍कि निछाचि ओ, सेङ्‌लावाओ आसिखाचिओ अ़तुक्‌वादा खानानिन मान्‍सिन्‍माङ युङानिन्‌नि अ़ङ्‌का अ़मित्‍नानिमिन।

१ कोरिन्‍थि 14:20

ब़ब़, नाना खोन्‍कि निछाचि ओ, मिन्‍मादा छाचिवात्‍नि मान्‍लिदानिन। अ़अ़त्‍पाओ निम्‍पाङ छाचिवात्‍नि लिसानिन, मेन मिन्‍मा काचिदा काले लिसानिन।

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

१ कोरिन्‍थि 9:2

अ़ङ्‌का निचिओ निम्‍पाङ अ़चुछाम्‍माय़ङ माआङ्‌नुछाङ आम्‍नुओ ना अ़नुछ्‍याङा छाम्‍माय़ङ ओ! देकिनालो हाङ्‌पाओ अ़चुछाम्‍माय़ङ लिमा अ़ङ्‌को अ़ङ्‌बुत्‍माय़ङ्‌ओ अ़सालुम्‍स़ङ खानानिन त़याइन्‌येन।

२ कोरिन्‍थि 1:8

ब़ब़, नाना खोन्‍कि निछाचि ओ, आन्‍कान्‍का एसियादा आङ्‌तुम्‍च़म्‍काओ दुखाचिओ अ़तुक्‌वादा खानानिन मान्‍सिन्‍दानुम्‌नि आन्‍कान्‍का अ़मिनिमिन्‍का। देकिनालो आन्‍कान्‍का आङ्‌माङा मान्‍ऱदोम्‍कालो अ़न्‍नुनु चात्‍लो ऩतिमिन्‍काओसा आन्‍काओ ह़ङ्‌म़ङ्‌दा आन्‍काओ मिन्‍माङा सुवा।

२ कोरिन्‍थि 2:14

मेन निनाम्‍हाङ आलाङ्‌ने, खोक्‍कोसाआ आन्‍कान्‍का ख्रिस्‍तदा अ़धुन छोमादा म़तित, खोन्‍कि खोक्‍कोसोओ अ़चुताया आन्‍कान्‍कालाम्‍पा झारादात्‍नि अ़फे।

गलाति 3:15

ब़ब़, नाना खोन्‍कि निछाचि ओ, अ़लेन्‍खिन्‍तुम्‌ओ ह़ङ्‌म़ङ्‌दाङ्‌का अ़क्‌तात अ़मात्‍ऩङ खाङ्‌मेत्‍नानिन्‍ने। अ़क्‍दु अ़छ़ङ लिसाचिआओ म़नाओ हिप्‍माय़ङ्‌दा साङ्‌आछाङ क़प्‍मा अ़ऱन, ना मोदा अ़क्‍चित तेप्‍माङा ऱ।

गलाति 6:18

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुसोम्‍तुक्‍मा आम्‍नुओ लावाएनान युङ्‌ने। मोवात्‍निङा लिने।

फिलिप्‍पि 1:22

मेन पोक्‌दाङा ह़ङ्‌माओनालो अ़ङ्‌का ख्रिस्‍तओ निम्‍पाङ ब़द्‍धे अ़सिवा सिओ काचि मुमा ऱङा। खोन्‌ओसा अ़ङ्‌का खाक्‍को छेन्‍मादोत ओ, मो अ़ङ्‌का य़ङ्‌मा अ़ऱऩङ।

फिलिप्‍पि 4:17

अ़ङ्‌का छुक्‍तुप्‍मा लाम्‍ङाङाओ माआङ, मेन अ़ङ्‌का ना खानानिन्‌आ च़लोक आसिखा तोक्‍तानुम्‌नि मिन्‍ङाङा।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

१ थेसलोनिकि 2:18

खोन्‌ओसा आन्‍कान्‍का खानानिन्‌एदा बान्‍मानि मिनिन्‍का। अ़ङ्‌का पावल अ़दु-अ़दु लामाबान्‍मा लामाङ, मेन सैतानाआ आन्‍कान्‍का मान्‍प़अ़दान्‍का।

१ थेसलोनिकि 4:13

ब़ब़, नाना खोन्‍कि निछाचि ओ, म़सुवादाओचिओ अ़चुतुक्‌वादा खानानिन मान्‍सिन्‍कादा त़लिसिन्‌ओ आन्‍कान्‍का अ़मिनिमिन्‍का, माङ्‌लो अ़चुतामित्‍मा मान्‍द़ङ्‍ओ म़नाचिवात्‍नि खानानिन सोखा मुमा अ़दोत्‍निन।

२ थेसलोनिकि 2:7

देकिनालो मो साम्‌योक्‍मि य़ङ्‌हुप काभुङ्‌खान्‌आ बुयादाङ्‌काङा मान्‍सिन्‍माङ अ़काचि मुङु। मेन साङ्‌आ ओन्‍ग़रितारि मो अ़छेक, खोक्‍कोसाआङा ऩलेरुन्‌तारि मो छेक्‌युङ।

२ तिमोथि 4:17

मेन झारा निरावाचिआ नुय़ङ्‌खान एन्‍मा अ़ऱने निकिना हाङ्‌पा अ़ङ्‌काएनान म़युङा, खोन्‍कि अ़ङ्‌का सावा ऩपुवाङ। मोवात्‍नि खोक्‍कोसाआ अ़ङ्‌का धिनाराओ अ़दोदाङ्‌का अ़लेइसाङ।