खाङ्‌मुमा 9:20 - बान्‍तावा राई

²⁰ ओ अ़चाअ़त्‍मादाङ्‌का काह़ङ म़नाचिआ चाकावालावाचि खोन्‍कि आप्‍पि अ़चुछुक्‌आ म़मुचिओ सेम्‍पोक्‌चि ब़त्‍मा मान्‍छित्‌अ़दा। खोन्‍कि खामान्‍खाङ्‌कादा, खामान्‌एन्‍कादा खोन्‍कि कोन्‍मा मान्‍ऱकादा, हाराक्‌वा, रुपा, कासा, लुङ खोन्‍कि स़ङ्‌ओ सेम्‍पोक्‌चिएदा बोम्‍मान्‍चिदाङ्‌का अ़चुमिन्‍मा मान्‍लाअ़दा।

खाङ्‌मुमा 9:20 ပူးပေါင်းရင်းမြစ်များ

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

छाम्‍माय़ङ 17:29

आन्‍कान निनाम्‍हाङ्‌ओ अ़छाचि लिसिन्‌ओसा, आन्‍कान म़नाचिओ अ़चुमित्‍मा खोन्‍कि अ़चुसिकिआ मुमाय़ङ हाराक्‌वा, रुपा माङ्‌नालो लुङ्‌ओ सेम्‍पोक्‌वाकोओनि मित्‍मा अ़नुनिन।

छाम्‍माय़ङ 19:26

मेन खानानिन त़खाम्‌योम खोन्‍कि त़एनुम्‌योम्‌ङा, ओ एफिसस्‌दा ओन्‍ङा लिसाओ माआङ, मेन झारा एसिया धिखाहुप्‌दा छुक्‌आ मुमाय़ङ माङ्‌चि माङ्‌चिङा माआङ्‌ओनि य़ङ्‌याङ्‌सा पावल्‌आ ब़द्‍धे म़ना रुहुप्‌चि सोन्‍तुखात्‍तुङुचि।

छाम्‍माय़ङ 7:41

खोन्‍किना मोचिआ बोयोङ छावा काराओ अ़क्‌तात सेम्‍पोक अ़मुवाकि हेन्‍खोक्‌वा अ़धात्‍ता, खोन्‍कि अ़चुछुक्‌आ अ़मुवाओ सामाओ अ़तुक्‌वादा अ़चुऩङाम़नुसान्‍चिन।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

१ तिमोथि 4:1

सेङ्‌लावा नुलोक म़य़ङ्‌याङ, माय़ङ तायाङ्‌ओ ग़रिदा काम़प लावाचि खोन्‍कि चाकावालावाचिओ अ़चुलाम अ़त़ङ खोन्‍कि खा-खाक्‍कोचिआ अ़चुसाकोङ्‌छ़ङ अ़छित।

खाङ्‌मुमा 15:1

अ़ङ्‌का निनाम्‍मादु अ़धिवाङ खोन्‍कि म़दोम्‍दाओ नि बुन खाङ। मोदा सात्‌कापाङ निनाम्‍हाङ काफाचिआ सात्‌कातात आदेङ्‌ओ अ़चाअ़त्‍माचि म़क़क्‍तुङुचि, देकिनालो मोचिएदा निनाम्‍हाङ्‌ओ अ़चुमाइसुङ सेम्‍तायुङ्‌सा।

खाङ्‌मुमा 16:8

खोन्‍किना चारकातात्‌ओतात निनाम्‍हाङ काफाआ अ़खुङ नाम्‌दा थोउ, खोन्‍कि म़नाचि मिओ अ़राक्‌आ ह़त्‍तियेन्‌वा नाम्‌आ ह़त्‍मा पुक्‍तुचि।

खाङ्‌मुमा 9:19

मो युक्‌वाचिओ अ़चुसावा अ़चुदो खोन्‍कि अ़चुमिरिचिदाछाङ याआङा। मोचिओ अ़चुमिरिचि प़चिवा म़मुवाङा। मो मिरिचिओ अ़चुताङ याआङा, मोलाम्‍पा मोचिआ म़नाचि खेन म़वाइसुङुचि।

खाङ्‌मुमा 9:21

मोचिओ अ़चुसेत्‍मा काचि, अ़चुम़क्‍फेङ मुमा, अ़चुताङ्‌लान खोन्‍कि अ़चुख़मादाङ्‌का अ़चुमिन्‍मा मान्‍लाअ़दा।