खाङ्‌मुमा 8:11 - बान्‍तावा राई

¹¹ मो साङ्‌केन्‍माओ अ़ऩङ “ख़क्‍लेप्‍पा” ओ। मोसाआ चाक्‌वाओ सुम्‌कालोक्‌ओ अ़क लोक ख़क्‍तुखाइसु, खोन्‌ओसा मो ख़क्‍ताओ चाक्‌वाआ ब़द्‍धे म़नाचि म़सुवा।

खाङ्‌मुमा 8:11 ပူးပေါင်းရင်းမြစ်များ

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

खाङ्‌मुमा 12:4

मोसोओ अ़मिरिआ निनाम्‍मादुओ सुम्‌कालोक साङ्‌केन्‍माचि ब़उचिकि हेन्‍खामादा वेइसुधान्‍तुचि। नुनु छा लिछाङ मो ख़ङ्‌माखात्‍मा निम्‍पाङ मो अ़धिवा प़ नुनु छातोक्‍मा मुवाङाओ मेत्‍छामाओ अ़बुदा एवाङा।

खाङ्‌मुमा 8:7

बुयाओ निनाम्‍हाङ काफाआ अ़थुथुरि मुत्‍तु, खोन्‍कि ह़एनान होलाङाओ नाङ खोन्‍कि मि ता, खोन्‍कि मो हेन्‍खामादा वेइसाधान्‍ता। खोन्‍कि हेन्‍खामादाओ सुम्‌कालोक्‌ओ स़ङ्‌ताङ्‌चिओ अ़क लोक खोन्‍कि झारा ल़क्‍ल़क्‍ल़क्‌वाओ घासाचि म़ह़त्‍ताखारा।

खाङ्‌मुमा 9:15

खोन्‍कि मो चारकापाङ निनाम्‍हाङ काफाचि म़लेरुचि। मोचि म़ना रावाओ सुम्‌कालोक्‌ओ अ़क लोक सेत्‍सि मोन्‍ग़रि, मो लेन, मो दोङ्‌वात खोन्‍कि मो दोङ्‌ओ निम्‍पाङ म़चुम्‍सायुङ्‌सा।

खाङ्‌मुमा 9:18

मोचिओ अ़चुदोदाङ्‌का लोन्‍ताओ मि, तुङ्‌ऱक खोन्‍कि गन्‍दक सुम्‌कातात अ़चाअ़त्‍माचिआ सुम्‌कालोक्‌ओ अ़क लोक म़नाचि म़सेरुचि।