खाङ्‌मुमा 6:2 - बान्‍तावा राई

² खोन्‍कि अ़ङ्‌का मोदा अ़क्‌तात ओमाङाओ युक्‌वा खाङ। मो कायुक्‌आ अ़क्‌तात भे खुयुङु, खोन्‍कि खो अ़क्‌तात छोमा ताङ्‌बोप्‍खा पुवा, खोन्‍कि खो छोयाङ्‌सा लोन्‍ताकि ब़द्‍धे छोसि खारा।

खाङ्‌मुमा 6:2 ပူးပေါင်းရင်းမြစ်များ

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

१ कोरिन्‍थि 15:25

देकिनालो खोक्‍कोसाआ झारा अ़चुङेङ्‌चि अ़चुलाङ्‌थेम्‌यु मान्‍मुम़युक्‍तुचितारि खोक्‍कोसाआ हाङ मुमादोत।

खाङ्‌मुमा 11:15

खोन्‍किना सात्‌कातात्‌ओ निनाम्‍हाङ काफाआ अ़थुथुरि मुत्‍तु, खोन्‍कि निनाम्‍मादु ओवात्‍नि य़ङाङाओ अ़धिवा य़ङ्‌चि मुक्‍तुचि, “हेन्‍खामादाओ हाङ्‌होन आन्‍हाङ्‌पा निनाम्‍हाङ्‌ओ खोन्‍कि खोक्‍कोसोओ अ़चुख्रिस्‍तओ हाङ्‌होन लिसायुङ्‌सा, खोन्‍कि खोक्‍को अ़धुन्‌तारि हाङ म़मुयुङ!”

खाङ्‌मुमा 11:18

निरावाचिओ अ़चुमाइसुङ काराहिदा आम्‍नुओछाङ माइसुङ्‌कारा! म़सुवादाओचिओ अ़चुछ़ङ छेन्‍खा तायुङ्‌सा। आम्‍नुओ हारुक निनाम्‍हाङ्‌य़ङ खाकालुचि खोन्‍कि आम्‍नुओ म़नाचि, खानानिन झारा साऩङ्‌वा कामेत्‌चि, अ़धिवा खोन्‍कि अ़चुप्‍पोचि सिरिफा प़मा खोन्‍कि हेन्‍खामा काल़क्‌चि लुक्‍मा ग़रि तायुङ्‌सा।”

खाङ्‌मुमा 14:14

खोन्‍किना अ़ङ्‌का खाङ, खोन्‍कि अ़क्‌तात ओमाङाओ य़वारि खोन्‍कि मोदा म़युङाङाओ म़नाओ अ़छावाको अ़क्‍छा खाङ, मोसोओ अ़ताङ्‌दु हाराक्‌वाओ ताङ्‌बोप्‍खा याआङा खोन्‍कि अ़छुक्‌दा अ़हायाआङाओ क़च्‍चे याआङा।

खाङ्‌मुमा 15:2

मि खोन्‍कि सिसा होलाङाओ धियाङ्‌वामावाको अ़ङ्‌का खाङ। मोचिआ मो साक्‍स़ङ, मोसोओ अ़सेम्‍पोक खोन्‍कि अ़सेप्‍मा मान्‍पाक्‌अ़दाओ झारा म़छोसाओ म़नाचि अ़ङ्‌का खाङ्‌च़ङ। अ़चुछुक्‌दा निनाम्‍हाङ्‌आ म़प़चिओ वाकेन अ़क़क्‍ताकि मो सिसावाओ धियाङ्‌वामाओ अ़केम्‌दा म़एवाङा।

खाङ्‌मुमा 17:14

मोचि थुबाछाओ अ़चुदेङ्‌सालाप्‍पादा ङेन म़मु, मेन थुबाछाआ मोचि हाराम़चात्‍तुचि, देकिनालो खोक्‍को हाङ्‌पाचिओ अ़चुहाङ्‌पा खोन्‍कि हाङ्‌चिओ अ़चुहाङ म़मुयाङ। साङ्‌चिआ थुबाछा अ़त़ङ मोचि खोक्‍कोसाआ म़बुत्‍तुचिओचिओ खोन्‍कि म़छेन्‍तुचिओचिओ खोन्‍कि सोम्‍कुवा कामुचिओचि ओ।”

खाङ्‌मुमा 19:14

निनाम्‍मादुओ रात्‍खामिचि ओम्‍प़चिवा खोन्‍कि सेङाङाओ बाङ्‌गाय़ओ तित म़हुम्‍साकि म़ओमाङाओ युक्‌वादा म़वाङा खोन्‍कि खोक्‍कोसोओ अ़चुदेङ्‌देङ म़खारा।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

खाङ्‌मुमा 9:7

मो रुइचि ङेन मुमाओ निम्‍पाङ म़चुम्‍साओ युक्‌वाचिवात्‍नि म़काराङा। मोचिओ अ़चुताङ्‌दु हाराक्‌वाओ ताङ्‌बोप्‍खावाको दाराङा, खोन्‍कि मोचिओ अ़चुङाइवा म़नाचिओ अ़चुङाइवाचिवात्‍नि काराङा।