खाङ्‌मुमा 6:17 - बान्‍तावा राई

¹⁷ देकिनालो खोचिओ चाअ़त्‍लो अ़चुच़ऱपाओ अ़धिवा लेन तायुङ्‌सा, खोन्‍कि ओसोओ अ़देङ्‌सालाप्‍पादा साङ्‌आ तेम्‍मा ऱ?”

खाङ्‌मुमा 6:17 ပူးပေါင်းရင်းမြစ်များ

लुका 21:36

खोन्‌ओसा तामा मुयाङ्‌ओ झारा य़ङ्‌चिदाङ्‌का रात्‍मा त़ऱन्‍चिन्‍ने निकि अ़ङ्‌का म़नाओ अ़छाओ अ़ङ्‌बुदा एप्‍मा त़ऱन्‍ने निकिना अ़धुन चेत्‍चेत्‍चेत्‌वा युङानिन्‌कि यामारानिन।”

रोमि 2:5

मेन खानानिन ऱक्‍भाक त़मुन्‌येन खोन्‍कि फान्‍मान्‍चिन त़छुन्‍तिन। खोन्‌ओसा निनाम्‍हाङ्‌आ अ़चुओ माइसुङ खाङ्‌अ़मुओ लेन्‌दा खोक्‍कोसाआ खानानिन अ़न्‍नुनु चाअ़त्‍लो दन्‍दा ऩप़न। मो लेन झारासाआ निनाम्‍हाङ्‌ओ अ़चुछ़ङ्‌छेन्‍मा नुलोक अ़खाङ।

यहुदा 1:6

खोन्‍कि निनाम्‍हाङ काफाचि अ़चुपाङ्‌ओ छान्‌वा मान्‍च़चि, मेन खान्‍तुचिओ अ़चुयुङ्‌खा काछित्‌चि खोक्‍कोसाआ मो तोक्‍पो छ़ङ्‌छेन्‍माओ लेन्‌तारिओ निम्‍पाङ अ़धुन्‌तारि चोक्‍माय़आ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

खाङ्‌मुमा 11:18

निरावाचिओ अ़चुमाइसुङ काराहिदा आम्‍नुओछाङ माइसुङ्‌कारा! म़सुवादाओचिओ अ़चुछ़ङ छेन्‍खा तायुङ्‌सा। आम्‍नुओ हारुक निनाम्‍हाङ्‌य़ङ खाकालुचि खोन्‍कि आम्‍नुओ म़नाचि, खानानिन झारा साऩङ्‌वा कामेत्‌चि, अ़धिवा खोन्‍कि अ़चुप्‍पोचि सिरिफा प़मा खोन्‍कि हेन्‍खामा काल़क्‌चि लुक्‍मा ग़रि तायुङ्‌सा।”

खाङ्‌मुमा 16:14

मोचि म़दोम्‍दाओ काचिचि खाङ्‌कामु चाकावालावाचिओ अ़चुलावाचि ओ। ओ सुम्‌कातात लावाचि झारा हेन्‍खामादाओ हाङ्‌चिएदा म़खात, खोन्‍कि झारा सावाकातोक निनाम्‍हाङ्‌ओ तोक्‍पो लेन्‌दा ङेन मुसि मो हाङ्‌चि म़कोउचि।