खाङ्‌मुमा 22:7 - बान्‍तावा राई

⁷ येसु म़य़ङ्‌याङ, “खानुम! अ़ङ्‌का च़क्‍निङा ताङाङा! ओ छाप्‍लाखा भोङ्‌दा म़छाप्‍ताओ खालुमाय़ङ काकाङ्‌चि आसिखा कातोक्‌चि ओ।”

खाङ्‌मुमा 22:7 ပူးပေါင်းရင်းမြစ်များ

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 1:3

साङ्‌आ निनाम्‍हाङ्‌य़ङ खालुमा य़ङ्‌चि खिप्‍तुचि, एनुचि खोन्‍कि मोदा छाप्‌याङ्‌ओ य़ङ्‌वा च़, मो आसिखा कातोक ओ, देकिनालो ग़रि च़क्‌दा युङ्‌याङ।

खाङ्‌मुमा 16:15

मोचिआ हाङ्‌चि मोदा म़कोउचि मो हिब्रु य़ङ्‌दा ‘आरमागेद्‍दोन’नि लो। हाङ्‌पा म़य़ङ्‌याङ, “खानुम, अ़ङ्‌का काख़पावा ताङा! मो आसिखा कातोक ओ। साङ चाप्‍चाप्‍चाप्‌वा युङ, खोन्‍कि अ़तित हुम्‍सु। मोवात्‍नि मो म़ना अ़कालाङ्‌द़क कोन्‍मा खोन्‍कि अ़लेजो कात्‍मा अ़दोत्‍निन।”

खाङ्‌मुमा 2:16

खोन्‌ओसा हान हेवादाङ्‌का लासानिन! माङ्‌नालोना अ़ङ्‌का च़क्‍नि खानाएदा ताङा खोन्‍कि अ़ङ्‌दोदाङ्‌का लोन्‌ओ बान्‍छोन्‌आ मो म़नाचिएदाओ अ़चुदेङ्‌सालाप्‍पादा म्‍हुङा।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।

खाङ्‌मुमा 22:18

ओ छाप्‍लाखा भोङ्‌दाओ खालुमाय़ङ काएन झारा म़नाचि अ़ङ्‌का पाङ्‌एनान चाप्‍चेत्‍तुङ्‌च़ङ। साङ्‌आ मोदा तेप्‍तु, ओ छाप्‍लाखा भोङ्‌दा म़छाप्‌याङ्‌ओ अ़चाअ़त्‍माचि निनाम्‍हाङ्‌आ मोएदा अ़तेप्‍प़।

खाङ्‌मुमा 22:19

खोन्‍कि साङ्‌आ ओ निनाम्‍हाङ्‌य़ङ खालुमाय़ङ्‌ओ छाप्‍लाखादाओ य़ङ्‌चिदाङ्‌का दिदिचि लारुखाइसुचि, ओ छाप्‍लाखा भोङ्‌दा छाप्‌याङ्‌ओ ह़ङ्‌म़ङ काप़ स़ङ्‌ताङ्‌ओ अ़लोक खोन्‍कि सेङ्‌याङ्‌ओ सहरादाङ्‌का मोसाआ तोक्‍मायु अ़लोक निनाम्‍हाङ्‌आ अ़ङाप।

खाङ्‌मुमा 22:20

ओ य़ङ्‌चिओ अ़चुसालुम्‍स़ङ काप़ म़य़ङ्‌याङ, “उवा, अ़ङ्‌का च़क्‍निङा ताङाङा!” मोवात्‍निङा लिने। हाङ्‌पा येसु तानिन।

खाङ्‌मुमा 22:21

हाङ्‌पा येसु ख्रिस्‍तओ अ़चुसोम्‍तुक्‍मा झारा निनाम्‍हाङ्‌ओ अ़चुम़नाचिएदा युङ्‌ने। मोवात्‍निङा लिने।

खाङ्‌मुमा 3:11

अ़ङ्‌का च़क्‍नि ताङाङा। खानानिन्‌एदा याक्‌याङ्‌ओ आम्‍नुओ साकोङ्‌छ़ङ नुलोक क़क्‍तायुङ्‌सानुम, खोन्‌ओसा खानानिन त़छोसिन्‌ओ आम्‍नुओ सिरिफा साङ्‌आछाङ अ़खात्‍तुन।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।