खाङ्‌मुमा 22:20 - बान्‍तावा राई

²⁰ ओ य़ङ्‌चिओ अ़चुसालुम्‍स़ङ काप़ म़य़ङ्‌याङ, “उवा, अ़ङ्‌का च़क्‍निङा ताङाङा!” मोवात्‍निङा लिने। हाङ्‌पा येसु तानिन।

खाङ्‌मुमा 22:20 ပူးပေါင်းရင်းမြစ်များ

युहन्‍ना 21:25

येसुआ निछाङ ब़द्‍धे काचिचि म़मुचि। झारासो अ़तुक्‌वादा छाप्‍ताओनालो अ़ङ्‌का ओवात्‍नि लुङा, मोसोओ अ़तुक्‌वादा छाप्‍माय़ङ्‍ओ छाप्‍लाखाचि हेन्‍खामा भेप्‍लोदाछाङ म़छ़त्‍ताओ।

१ कोरिन्‍थि 16:22

साङ्‌आ हाङ्‌पा सोमाअ़तुक्‍तुन्‌नालो मो माङ्‌हिम्‍ने! आन्‍काओ हाङ्‌पो, तानिन!

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 10:37

देकिनालो साम्‍कालिन्‌दा छाप्‍तायुङ्‌सा, हान “च़क्‍निङा, काता म़तालाप, खोन्‍कि स़लेनि ऩच़निन।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

खाङ्‌मुमा 1:2

युहन्‍नाआ खाओ झारा य़ङ खोसाआ खालुसुयुङ्‌सु। खोसाआ खालुसुओ य़ङ निनाम्‍हाङ्‌दाङ्‌काओ य़ङ ओ, खोन्‍कि येसु ख्रिस्‍तओ अ़चुसालुम्‍स़ङ ओ।

खाङ्‌मुमा 2:16

खोन्‌ओसा हान हेवादाङ्‌का लासानिन! माङ्‌नालोना अ़ङ्‌का च़क्‍नि खानाएदा ताङा खोन्‍कि अ़ङ्‌दोदाङ्‌का लोन्‌ओ बान्‍छोन्‌आ मो म़नाचिएदाओ अ़चुदेङ्‌सालाप्‍पादा म्‍हुङा।

खाङ्‌मुमा 22:10

खोन्‍किना मोसाआ अ़ङ्‌का ओवात्‍नि अ़लोवाङ, “ओ छाप्‍लाखा भोङ्‌दाओ खालुमाय़ङ मान्‍सेप्‌दानुम, देकिनालो ओ झारा लिमा ग़रि च़क्‌दा ताचिआयुङ्‌सा।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।

खाङ्‌मुमा 22:18

ओ छाप्‍लाखा भोङ्‌दाओ खालुमाय़ङ काएन झारा म़नाचि अ़ङ्‌का पाङ्‌एनान चाप्‍चेत्‍तुङ्‌च़ङ। साङ्‌आ मोदा तेप्‍तु, ओ छाप्‍लाखा भोङ्‌दा म़छाप्‌याङ्‌ओ अ़चाअ़त्‍माचि निनाम्‍हाङ्‌आ मोएदा अ़तेप्‍प़।

खाङ्‌मुमा 22:7

येसु म़य़ङ्‌याङ, “खानुम! अ़ङ्‌का च़क्‍निङा ताङाङा! ओ छाप्‍लाखा भोङ्‌दा म़छाप्‍ताओ खालुमाय़ङ काकाङ्‌चि आसिखा कातोक्‌चि ओ।”