खाङ्‌मुमा 21:5 - बान्‍तावा राई

⁵ खोन्‍किना हाङ्‌युङ्‌खादा कायुङ्‌आ अ़ङ्‌का अ़लोवाङ, “खा, अ़ङ्‌का झारा अ़ऩङ्‌वा मुङ्‌च़ङ।” खोक्‍कोसाआ ओवात्‍निछाङ ऩलोवाङ, “ओ छाप्‍तु, देकिनालो ओ य़ङ्‌चि सोम्‍कुवा मुमा खान्‍तुओ खोन्‍कि अ़छ़ङ म़मुयाङ।”

खाङ्‌मुमा 21:5 ပူးပေါင်းရင်းမြစ်များ

लुका 5:38

खोन्‌ओसा अ़ऩङ्‌वा अङ्‌गुरा माङ्‌वा अ़ऩङ्‌वा साहोक्‌वाओ बेखादा युङ्‌मादोत।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

हिब्रु 12:27

“हान अ़क्‍दु”निओ य़ङ्‌आ ओ नुलोक खाङ्‌मुसु, मुन्‍माय़ङ य़ङ्‌चि म़ङाङ्‌खान खोन्‍कि म़चुम्‍खान, मेन ऩङाङ्‌निन्‌ओ य़ङ्‌चि म़युङ्‌युङ।

खाङ्‌मुमा 1:11

मो य़ङ्‌आ लो, “खाना दि त़खा, मो अ़क्‌तात छाप्‍लाखा भोङ्‌दा छाप्‍तु, खोन्‍किना ओ सात्‌कातात्‍माङ साम्‍भुङ्‌चि छोक्‍तुचि: एफिसस, स्‍मुर्ना, पर्गामम, थिआतिरा, सार्दिस, फिलादेल्‍फिया खोन्‍कि लाउदिकिया।”

खाङ्‌मुमा 1:19

खोन्‌ओसा खाना दि त़खायुङ्‌सु, खोन्‍कि आइमित दे लियाङ, खोन्‍कि माय़ङ दे लि, मो छाप्‍तु।

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”

खाङ्‌मुमा 20:11

खोन्‍कि अ़ङ्‌का अ़क्‌तात अ़धिवाङ हाङ्‌युङ्‌खा खोन्‍कि मो दुङ्‌दा कायुङ खाङ। खोक्‍कोसोओ अ़चुबुदाङ्‌का हेन्‍खामा खोन्‍कि नाम्‍छ़ऱ फुङ्‌साखाराचि, खोन्‍कि मोचि मान्‍लाखाङ्‌मुसाचिचिन।

खाङ्‌मुमा 22:19

खोन्‍कि साङ्‌आ ओ निनाम्‍हाङ्‌य़ङ खालुमाय़ङ्‌ओ छाप्‍लाखादाओ य़ङ्‌चिदाङ्‌का दिदिचि लारुखाइसुचि, ओ छाप्‍लाखा भोङ्‌दा छाप्‌याङ्‌ओ ह़ङ्‌म़ङ काप़ स़ङ्‌ताङ्‌ओ अ़लोक खोन्‍कि सेङ्‌याङ्‌ओ सहरादाङ्‌का मोसाआ तोक्‍मायु अ़लोक निनाम्‍हाङ्‌आ अ़ङाप।

खाङ्‌मुमा 22:6

खोन्‍किना निनाम्‍हाङ काफाआ अ़ङ्‌का अ़लोवाङ, “ओन्‍ग़रितारि खाना त़एनुओ य़ङ्‌चि अ़छ़ङ म़मुयाङ खोन्‍कि सोम्‍कुवामुमायु म़मुयाङ। निनाम्‍हाङ्‌आ खोक्‍कोसोओ अ़चुखाकालुचि खोक्‍कोसोओ अ़चुलावा म़प़चि खोन्‍कि खोक्‍कोसाआ हान च़क्‍नि लिमा म़मुयाङ्‌ओ य़ङ्‌चि अ़चुहारुक्‌चि खाङ्‌मेत्‍सि खोक्‍कोसोओ अ़चुकाफा अ़छुत्‍तायुङ्‌सा।”

खाङ्‌मुमा 4:2

अ़ङ्‌का च़क्‍नि लावाआ अ़क़म्‍ताङ। खानुम, निनाम्‍मादु अ़क्‌तात हाङ्‌युङ्‌खा युङाङा, खोन्‍कि अ़क्‍छा मो हाङ्‌युङ्‌खादा म़युङाङा!

खाङ्‌मुमा 4:9

मो अ़ह़ङ साक्‍स़ङ्‌चिआ हाङ्‌युङ्‌खादा कायुङ खोक्‍को अ़धुन-अ़धुन्‌तारिओ अ़ह़ङ म़युङ्‌युङ, खोक्‍को ऩङ्‌लोङ्‌मा, साऩङ्‌वा, आलाङ अ़प़युङ,

खाङ्‌मुमा 5:1

खोन्‍किना हाङ्‌युङ्‌खादा कायुङ्‌ओसोओ अ़चुचुप्‍ताङ्‌छुक्‌दा ह्‍वालिप्‍पा छाप्‍ताङाओ अ़क्‌तात छाप्‍लाखाओ अ़भोङ अ़ङ्‌का खाङ, खोन्‍कि सात्‌कातात सेप्‍माय़ङ्‌आ सेप्‍तायुङ्‌सा।