खाङ्‌मुमा 21:4 - बान्‍तावा राई

⁴ खोक्‍कोसाआ मोचिओ अ़चुम़क्‌दाओ अ़चुम़क्‌वा झारा म़त़क्‍तुप़चि। मोदा स़माङा मात्‍द़ङ, खोन्‍कि सोखा, खाप्‍मा खोन्‍कि योक्‍माछाङ अ़लिनिन। देकिनालो बुयाओ य़ङ्‌चि म़खाराचिआ।”

खाङ्‌मुमा 21:4 ပူးပေါင်းရင်းမြစ်များ

मत्‍ति 24:35

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

१ कोरिन्‍थि 15:26

झारादाङ्‌का आदेङ अ़लुक्‌ओ ङेङ स़माओ।

१ कोरिन्‍थि 7:31

हेन्‍खामादाओ सामाचि कायाङ्‌चिआ मो सामाचिदा मिन्‍मा ऩपाक्‍तुन्‌ओवात्‍नि म़च़ने। देकिनालो ओन्‍ग़रि ओ हेन्‍खामाओ अ़कात्‍मा माखात।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 6:17

खोन्‌ओसा निनाम्‍हाङ म़य़ङ्‌याङ, ‘मोचिओ अ़चुरादाङ्‌का लोन्‍ताबानानिन, खोन्‍कि मोचिएदाङ्‌का खानानिन फेआनिन्‍चिन, अ़सेङ्‌निनिन्‌ओ दित्‍छाङ मान्‍नोप्‌दानुम, खोन्‍कि अ़ङ्‌का खानानिन लोक्‍नानिन।’

हिब्रु 12:27

“हान अ़क्‍दु”निओ य़ङ्‌आ ओ नुलोक खाङ्‌मुसु, मुन्‍माय़ङ य़ङ्‌चि म़ङाङ्‌खान खोन्‍कि म़चुम्‍खान, मेन ऩङाङ्‌निन्‌ओ य़ङ्‌चि म़युङ्‌युङ।

२ पत्रुस 3:10

मेन हाङ्‌पाओ अ़चुलेन ना काख़पा अ़सिन्‍तिमिन्‌ओ ग़रि तान्‌वा ता। खोन्‍किना मो लेन नाम्‍छ़ऱ अ़धिवो य़ङ्‌आ माखात। नाम्‍छ़ऱदुओ झारा सामाचि नाम, लादिप्‍मा खोन्‍कि साङ्‌केन्‍माचि मिआ म़योङ्‌खात खोन्‍कि हेन्‍खामाकिना मो दुङ्‌दाओ काचिचि म़ह़त्‍खात।

१ युहन्‍ना 2:17

हेन्‍खामा खोन्‍कि हेन्‍खामादाओ अ़अ़त्‍पा मिन्‍माचि म़लुक्‍खात, मेन निनाम्‍हाङ्‌ओ अ़चुमिन्‍मावात्‍नि काच़ अ़धुन्‌तारि युङ्‌युङ।

खाङ्‌मुमा 20:13

धियाङ्‌वामाआ मोदा म़याआङाओ म़सुवादाओचि म़प़लाउचिओ अ़ङ्‌का खाङ, खोन्‍कि स़माआ खोन्‍कि सित्‍म़ङ्‌चि दुखा तोक्‍खाआछाङ मोचिएदा म़सुवादाओचि म़प़लाउचि। मोचिओ आआप्‍पिओ अ़चुकाचिवा अ़चुछ़ङ म़छेन्‍तुचि।

खाङ्‌मुमा 20:14

स़मा खोन्‍कि सित्‍म़ङ्‌चि दुखा तोक्‍खा मिराक्‌दा वेइसादिसा। ओ मिराक ह्‍वादुओदु स़मा ओ।

खाङ्‌मुमा 21:1

खोन्‍किना अ़ङ्‌का अ़ऩङ्‌वा निनाम्‍मा खोन्‍कि अ़ऩङ्‌वा हेन्‍खामा खाङ। बुयाओ निनाम्‍मा खोन्‍कि बुयाओ हेन्‍खामा माखारा। धियाङ्‌वामाछाङ मात्‍द़ङ्‌याङ।

खाङ्‌मुमा 22:3

हान्‌दाङ्‌का मोह्‍यात्‍नि मो सहरा देम्‍खाछाङ माङ्‌अ़हिम्‍निन। निनाम्‍हाङ खोन्‍कि थुबाछाओ अ़चुहाङ्‌युङ्‌खा मोदा लि, खोन्‍कि खोक्‍कोसोओ अ़चुहारुक्‌चिआ खोक्‍को अ़ब़क।

खाङ्‌मुमा 7:17

देकिनालो हाङ्‌युङ्‌खाओ अ़रादा कायुङ थुबाछा मोचिओ अ़चुकाखाङ म़लिकि म़रात्‍तुचि। खोक्‍कोसाआ मोचि अ़ह़ङ बोन्‌वा चाक्‌वादा म़तित्‍तुखात्‍तुचि। खोन्‍कि निनाम्‍हाङ्‌आ मोचिओ अ़चुम़क्‌चिदाङ्‌का झारा अ़चुम़क्‌वाचि म़त़क्‍तुप़चि।”