खाङ्‌मुमा 21:27 - बान्‍तावा राई

²⁷ थुबाछाओ ह़ङ्‌म़ङ्‌ओ छाप्‍लाखादा अ़चुऩङ म़छाप्‍ताओचि मोदा वाङ्‌मा म़ऱ, मेन म़पोप्‍ताओचि, चिप्‍माकात्‍तुओचि खोन्‍कि सोज्‍जे काचेप्‌चि मोदा वाङ्‌मा ऱमाइऩऱनिन।

खाङ्‌मुमा 21:27 ပူးပေါင်းရင်းမြစ်များ

मत्‍ति 13:41

मो लेन म़नाओ अ़छाआ अ़चुकाफाचि म़छुत्‍तुचि, खोन्‍कि मोचिआ खोक्‍कोसोओ अ़चुहाङ्‌होन्‌दाङ्‌का झारा हेवा मुकामेत खोन्‍कि अ़त्‍लो काच़चि झारा म़कोउचि।

मर्कुस 7:2

खोन्‍कि खा-खाक्‍को येसुओ अ़चुकाखेङ्‌पाचिआ मान्‍सेङ्‌याङ्‌ओ माङ्‌लो अ़चुछुक वामान्‍स़माङ चा म़चाङाओ मोचिआ म़खाचि।

लुका 10:20

खोन्‍नुछाङ चाकावालावाचि आम्‍नुओ क़म्‍मादा म़याक्‌याङ निकि आम्‍नुओ ऩङानुमा माआङ, मेन आम्‍नुओ ऩङ निनाम्‍मादु छाप्‍तायुङ्‌सा निकि आम्‍नुओ ऩङानुने।”

एफिसि 5:5

देकिनालो खानानिन्‌आ ओ अ़नुछ्‍या सिन्‍तानुम, खाक्‍कोछाङ ताङ्‌लान कामु खोन्‍कि अ़सेङ्‌निनिन्‌ओ म़ना माङ्‌लो च़क्‍ख़य़ कामु म़ना (मो अ़क्‍छा सेम्‍पोक काब़क ओ), ख्रिस्‍तओ खोन्‍कि निनाम्‍हाङ्‌ओ अ़चुहाङ्‌होन्‌दा देम्‍खाछाङ पाङ्‌यि अ़तोक्‍तुन।

फिलिप्‍पि 4:3

अ़ङ्‌सोम्‍कुवाओ यावा, अ़ङ्‌का खानाछाङ लोनाङ्‌ना, ओ मेत्‍छामाचि फासुचि, देकिनालो मोचिआ अ़ङ्‌काएनान अ़क्‍नि नुय़ङ्‌खान खालुमा, क्‍लेमेसएनान खोन्‍कि नि यावाचिएनान अ़क्‍नि चात्‍लो काचि मुवायुङ्‌साचि। मोचिओ अ़चुऩङ ह़ङ्‌म़ङ्‌ओ छाप्‍लाखादा याक्‌याङ।

१ तिमोथि 1:10

ताङ्‌लान कामुचिओ निम्‍पाङ, दुवाछा-दुवाछा अ़त्‍लोकाच़चिओ निम्‍पाङ, हारुक काइन्‌चिओ निम्‍पाङ, म़ना काम़प्‌चिओ निम्‍पाङ, सोज्‍जे सालुम्‍स़ङ काप़चि खोन्‍कि अ़छ़ङ चिन्‍माय़ङ्‌ओ अ़देङ्‌सालाप्‍पादा दियाकोछाङ काचि कामुचिओ निम्‍पाङ मुवा ओ।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

२ पत्रुस 3:13

मेन खोक्‍कोसोओ अ़चुहिप्‍माय़ङवात्‍नि आन्‍कान अ़ऩङ्‌वा हेन्‍खामा खोन्‍कि अ़ऩङ्‌वा निनाम्‍माओ अ़चुलाम खाम, मोदा साम्‌योक्‍मि ओन्‍ङा म़यु।

खाङ्‌मुमा 13:8

खोन्‍कि हेन्‍खामादा कायुङ झारा म़नाचिआ मो साक्‍स़ङ अ़ब़क। मोचिओ अ़चुऩङ हेन्‍खामा मुन्‍मा बुयादाङ्‌काङा ह़ङ्‌म़ङ्‌ओ छाप्‍लाखादा मान्‍छाप्‌युक्‍ता। मो छाप्‍लाखा म़सेराओ थुबाछाएदा याक्‌याङ।

खाङ्‌मुमा 20:12

अ़धिवा अ़चुप्‍पा झारा म़सुवादाओचि हाङ्‌युङ्‌खाओ अ़बुदा म़एवाङाओ अ़ङ्‌का खाङ्‌च़ङ। खोन्‍कि छाप्‍लाखाचि म़होङ्‌सा, खोन्‍कि नि ह़ङ्‌म़ङ्‌ओ छाप्‍लाखाछाङ होङ्‌सा। मो छाप्‍लाखाचिदा म़छाप्‍ताङाओ य़ङ्‌चिवा मोचिआ अ़मुवाओ काचिवात्‍नि म़सुवादाओचिओ अ़चुछ़ङ म़छेन्‍तुचि।

खाङ्‌मुमा 20:15

साङ्‌कोओ अ़ऩङ ह़ङ्‌म़ङ्‌ओ छाप्‍लाखादा मान्‍छाप्‌याङ, मो लेराङाओ मिराक्‌दा वेइसादिसा।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 3:5

साङ छो, खो ओवात्‍नि ओम्‌याङ्‌ओ तित हुम्‍मेत। अ़ङ्‌का देम्‍खाछाङ मोसोओ अ़ऩङ ह़ङ्‌म़ङ्‌ओ छाप्‍लाखादाङ्‌का अ़सोप्‍ऩङ्‌खान्‍ऩङ। अ़ङ्‌का मोसोओ अ़ऩङ अ़ङ्‌पापाओ अ़चुबुदा खोन्‍कि खोक्‍को काफाचिओ अ़चुबुदा मो अ़ङ्‌को ओ निकिना लोउङ।