खाङ्‌मुमा 21:21 - बान्‍तावा राई

²¹ मो बार लाप्‍तिखोप्‌चि बारकावाचेत्‍लुङ्‌ओचि म़याआङा। झारा लाप्‍तिखोप अ़-अ़क्‌तात वाचेत्‍लुङ्‌आ मुवायुङ्‌सा। मो सहराओ मुलो लाम छोक्‍छोक्‍छोक्‌वा सिसावाको अ़च़क़ल़क हाराक्‌वाओ याआङा।

खाङ्‌मुमा 21:21 ပူးပေါင်းရင်းမြစ်များ

खाङ्‌मुमा 17:4

मो मेत्‍छामा माक़ल़ङ्‌वा खोन्‍कि हालापाक्‌वा तित हुम्‍साङा, खोन्‍कि मो हाराक्‌वा, अ़लुङ छ़ओ लुङ, खोन्‍कि वाचेत्‍लुङ्‌चिआ मो चोङ्‌सायुङ्‌सा। मोसाआ अ़छुक्‌दा हाराक्‌वाओ अ़क्‌तात लाङ्‌चोक्‍खुङ क़क्‍तुङु। मो खुङ मोसोओ पोप्‍मुमाओ झारा चिप्‍माकात्‌ओ अ़अ़त्‍पा य़ङ्‌चिआ भेप्‍तुयुङ्‌सु।

खाङ्‌मुमा 18:16

“देम चाअ़त्‍लो! देम क़माकात्‍लो, मो तोक्‍पो सहरा! मो बाङ्‌गाओ, माक़ल़ङ्‌वा खोन्‍कि हालापाक्‌वाओ तित हुम्‍साकि, हाराक्‌वा चोङ्‌खान्‍चिन, अ़लुङ छ़ओ लुङ खोन्‍कि वाचेत्‍लुङ्‌चिआ चोङ्‌सान्‌युङ्‌सान्‍चिन!

खाङ्‌मुमा 21:15

अ़ङ्‌काएनान काचेप निनाम्‍हाङ काफाएदा सहरा, मोसोओ अ़लाप्‍तिखोप्‌चि खोन्‍कि अ़कुदारि हाक्‍खा अ़क्‌तात हाराक्‌वाओ वारेम्‍फ़क याआङा।

खाङ्‌मुमा 21:18

मो कुदारि बिलौरआ मुवायुङ्‌सा, खोन्‍कि सहरा अ़च़क़ल़क हाराक्‌वाआ मुवायुङ्‌सा खोन्‍कि मो सेङाङाओ सिसावा लेराङा।

खाङ्‌मुमा 22:2

मो सहरादाओ मुलो लाम्‌ओ अ़रादाङ्‌का सोलाङा। मो याङ्‌वामाओ ह्‍वालिप्‍पा अ़केम्‌दा ह़ङ्‌म़ङ्‌ओ स़ङ्‌ताङ याआङा। मोसाआ बारकादोङ्‌वात्‌दा अ़दोङ्‌वात खिन्‍तुम अ़खाला-अ़खालाओ अ़सिवाचि सिसुङुचि। मोसोओ अ़बाक्‌वाचि रावा-रावाचि नुमाचिओ निम्‍पाङ ओक्‍तो अ़याङाङा।

खाङ्‌मुमा 4:6

सिसावा काराओ छेङ्‌छेङ्‌छेङ्‌वाओ धियाङ्‌वामा हाङ्‌युङ्‌खाओ अ़बुदा फेसायुङ्‌सा। अ़देङ अ़बु म़क्‌ओ म़क मुवाङाओ चारकातात अ़ह़ङ साक्‍स़ङ्‌चि हाङ्‌युङ्‌खाओ झारालिप्‍पा खोन्‍कि अ़ऱङ्‌कोप्‍नि म़युङाङा।