खाङ्‌मुमा 20:6 - बान्‍तावा राई

⁶ बुयाओ खोन्‍मालोन्‍माय़ङ्‌दा कावाङ्‌चि आसिखा कातोक खोन्‍कि म़सेङ्‌याङ्‌ओचि ओ! ओचि ह्‍वातात्‌ओतात स़माओ अ़सावाआ देत्‍छाङ मुमा अ़ऱन्‍चिन, मेन मोचि निनाम्‍हाङ खोन्‍कि ख्रिस्‍तओ अ़चुकाब़क म़लि, खोन्‍कि खोक्‍कोएनान अ़क हजाराकादोङ्‌तारि हाङ म़मु।

खाङ्‌मुमा 20:6 ပူးပေါင်းရင်းမြစ်များ

लुका 14:15

खोक्‍कोएनान चा-चाखादा म़युङाकि कायुङ्‌चिदाङ्‌का अ़क्‍छाआ ओ य़ङ एनुकि येसु लो, “निनाम्‍हाङ्‌ओ अ़चुहाङ्‌होन्‌दा खाबाचा चामा कातोक म़ना आसिखा कातोक ओ!”

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

२ तिमोथि 2:12

आन्‍कान आङ्‌तुम्‌युङ्‌सुम्‌नालो आन्‍कान्‌छाङ खोक्‍कोएनान हाङ मुन। खोक्‍को आन्‍कान ऩङाछिरुम्‌नालो खोक्‍कोसाआछाङ आन्‍कान ऩङाम़छित।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

खाङ्‌मुमा 1:6

खोक्‍कोसाआ आन्‍कान अ़चुहाङ्‌होन्‌ओ म़नाचि म़मुवायुङ्‌सा, खोन्‍कि निनाम्‍हाङ खोन्‍कि अ़चुपाओ काब़क्‌चि म़मुवायुङ्‌सा। येसु ख्रिस्‍तओ झारा अ़चुऩङ्‌लोङ्‌मा खोन्‍कि सावा अ़धुन-अ़धुन्‌तारि युङ्‌युङ्‌ने! ओवात्‍निङा लिने।

खाङ्‌मुमा 14:13

खोन्‍किना निनाम्‍मादुङ्‌का ओवात्‍नि य़ङाओ अ़क्‌तात य़ङ अ़ङ्‌का एनुङ, “ओ छाप्‍तु: ओदाङ्‌का ह्‍यात्‍नि हाङ्‌पाएदा कास़चि आसिखा कातोक्‌चि ओ।” लावा म़य़ङ्‌याङ, “उवा, मोचिओ अ़चुकाचिदाङ्‌का सावा म़तोम, देकिनालो खोचिआ अ़मुवाओ य़ङ्‌दा सिरिफा म़प़चि।”

खाङ्‌मुमा 2:11

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि। साङ छो, ह्‍वादुओदुओ स़माआ खो देत्‍छाङ अ़मुन।

खाङ्‌मुमा 20:14

स़मा खोन्‍कि सित्‍म़ङ्‌चि दुखा तोक्‍खा मिराक्‌दा वेइसादिसा। ओ मिराक ह्‍वादुओदु स़मा ओ।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:5

मोदा देम्‍खाछाङ खाअ़खुत्‍निन, खोन्‍कि मोचि कुपि माङ्‌लो नाम साम अ़दोत्‍निन, देकिनालो हाङ्‌पा निनाम्‍हाङ्‌ङा मोचिओ अ़चुसाम म़लि, खोन्‍कि मोचि अ़धुन-अ़धुन्‌तारि हाङ्‌म़मु।

खाङ्‌मुमा 22:7

येसु म़य़ङ्‌याङ, “खानुम! अ़ङ्‌का च़क्‍निङा ताङाङा! ओ छाप्‍लाखा भोङ्‌दा म़छाप्‍ताओ खालुमाय़ङ काकाङ्‌चि आसिखा कातोक्‌चि ओ।”

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

खाङ्‌मुमा 5:10

खोन्‍कि मोचि अ़क्‌तात हाङ्‌होन खोन्‍कि आन्‍काओ निनाम्‍हाङ काब़क्‌चि त़मुम्‌युङ्‌सुम्‍च़म, खोन्‍कि मोचि हेन्‍खामादा हाङ्‌म़मु।”